2014-15 沙田區巴士路線發展計劃

係九龍灣區內
德福本身有地鐵
megabox/九展又有頻密免費穿梭巴士吸走晒D客
加上九龍灣區內除左上面呢三個地方之外
因為本身是工商業區
週末或假日更鮮有人流
所以搵任何路線兜入去或縮入去咪盞蝕到喊

原帖由 PS8851@182 於 2014-4-15 10:31 發表
大圍開仲要兜埋水泉澳, 你坐埋我嗰份

我幾時有講過大圍開，兜水泉澳？

我心目中係諗住水泉澳開，經成條沙角街（逆走出大涌橋路轉返入沙田圍路，
或者乙明邨街調頭都得），之後入大隧；秦石就併沙田巿中心，搵新線做。

原帖由 kiwai 於 2014-4-15 10:32 發表

套用閣下的句子
「89B就算入九龍灣，都有80X快過佢」，
最後89B和74A的命運一樣, 過兩年等取消

都係嗰句，前車可鑑呀

89B 的情況根本同 74A 唔同…

74A 的情況係全日客量本身就偏低，非繁小貓三四隻，偏偏當日改線前
埔公係客倉，下繁中大出九龍可以企人甚至頂閘（尤其熱狗年代），
而上繁入中大亦可以坐滿，當中唔少係觀塘山上同將軍澳的轉乘客。

74A 縮入九龍灣之後，原本呢班令到條線兩繁雙向都有客既客源，差唔多趕走晒。
而且老實，埔公往返觀塘，74A 當時的確係唯一巴士線。

但 89B 出觀塘，根本同 80 80X 重疊（你話新翠要行過一條馬路先有 80，但我都係咁話），
而且要面對鐵路競爭…

而且 89B 上繁甚少觀塘人搭佢入新界，下繁亦甚少人搭佢出觀塘，唔似得未改線之前的 74A

根本如果話要縮條新界線入九龍灣，縮 89B 係好過 74A，
最好笑係，當日為左減觀塘道車流而縮 74A 無議員嘈，完全無人察覺到影響觀塘乘客，
到今日話取消，先有人出聲反對，話唔可以無左條埔公線方便觀塘人…

唔好唔記得 89B 雖然慢過 80X，但同 80 比又唔係爭太遠。
雖然話九龍灣有一大堆 shuttle，但係搭車排隊，加埋分分鐘都要四個字，
呢個情況下，如果有架車深入九龍灣商貿區，吸引力其實好大…

而家深入九龍灣的區內同跨區線，除左 74A 之外，兩繁都係靠九龍灣做到風生水起，
係得 74A 唔掂，說明 74A 唔掂，並唔係因為入九龍灣。

或者應該咁講，記得改線後無耐，有板友數過客，74A 改完之後，九龍灣的確多左人搭，
但似乎填唔到反方向無左果筆數…

亦要記得一樣野，89B 收費低過 74A，班次又好過 74A（就算減到八架車都係咁），
除左沙田客外，仲可以吸到一班黃大仙九龍灣客，而因為黃大仙離九龍灣唔遠，
如果可以一程車，比起地鐵再行幾個字或者轉 shuttle 的吸引力，差別比起九龍灣沙田更大。

原帖由

S3BL100

於 2014-4-15 11:37 發表

而且 89B 上繁甚少觀塘人搭佢入新界，下繁亦甚少人搭佢出觀塘，唔似得未改線之前的 74A

其實.......閣下有冇真係留意89B下繁往觀塘的客量?

我每日黃昏五、六點都在秦石見89B, 真係睇唔到佢係「甚少人搭佢出觀塘」,起碼比80X更多,

甚至見過兩三次89B在秦石已頂閘(不過唔排除佢甩班)

唔好唔記得 89B 雖然慢過 80X，但同 80 比又唔係爭太遠。

雖然話九龍灣有一大堆 shuttle，但係搭車排隊，加埋分分鐘都要四個字，

呢個情況下，如果有架車深入九龍灣商貿區，吸引力其實好大…

其實在乙明邨觀察74A往九龍灣的客量，已可知道乙明/沙角/博康至九龍灣的需求有多大........

如果正如你所講，有架直車深入九龍灣商貿區，吸引力其實好大，咁應該好多人在乙明邨站等74A去九龍灣

但點解我在乙明邨睇唔到有人大排長龍等74A去九龍灣? 話晒74A和89B在沙田出九龍都係同價喎

學你話齋, 等四個字shuttle+89B的時間同等74A唔會差好遠, 咁點解沙角/博康/乙明居民唔等74A去九龍灣?

個人認為, 問題係九龍灣至沙角/博康/乙明的需求根本不大

由此推論,九龍灣至沙田住宅區的需求其實不大

叫89B去九龍灣, 只會流失往觀塘又貪平的部份客量, 但增加的九龍灣客量只會極少,

最終又會走向「客量減少>減班>客量減少>減班」的惡性循環，最後步向取消

這不是與74A的「客量減少>減班>客量減少>減班」的惡性循環相似嗎?

除左沙田客外，仲可以吸到一班黃大仙九龍灣客，而因為黃大仙離九龍灣唔遠，
如果可以一程車，比起地鐵再行幾個字或者轉 shuttle 的吸引力，差別比起九龍灣沙田更大。

黃大仙客往九龍灣的情況和沙田往九龍灣的情況類似, 不重覆

最後都係呢句：前車可鑑呀

[ 本帖最後由 kiwai 於 2014-4-15 12:37 編輯 ]

原帖由 kiwai 於 2014-4-15 12:28 發表

其實.......閣下有冇真係留意89B下繁往觀塘的客量?
我每日黃昏五、六點都在秦石見89B, 真係睇唔到佢係「甚少人搭佢出觀塘」,起碼比80X更多,甚至見過兩三次89B在秦石已頂閘(不過唔排除佢甩班)

其實在乙明邨觀察74A往九龍灣的客量，已可知道乙明/沙角/博康至九龍灣的需求有多大........

如果正如你所講，有架直車深入九龍灣商貿區，吸引力其實好大，咁應該好多人在乙明邨站等74A去九龍灣

但點解我在乙明邨睇唔到有人大排長龍等74A去九龍灣? 話晒74A和89B在沙田出九龍都係同價喎

學你話齋, 等四個字shuttle+89B的時間同等74A唔會差好遠, 咁點解沙角/博康/乙明居民唔等74A去九龍灣?

個人認為, 問題係九龍灣至沙角/博康/乙明的需求根本不大

由此推論,九龍灣至沙田住宅區的需求其實不大

問題係搭 89B 真係出到觀塘的客量有幾多？

平時九龍灣鐵路站見親 89B，車上人數差過大多數新界觀塘線。
晌 89B 本身都有巴士替代品的前提下，我真係唔認為縮佢入九龍灣有咩問題…

而且之前好似提過，而家要擺條新線落觀塘道都未必咁易。
就算係睇沙田整體，都應該係將條點都係重疊的 89B 縮落九龍灣，方便沙田觀塘作其他重組。

74A 客少，一來知名度差，二來 20 分鐘一班車，乙明邨又岩岩好係條線行左一半，
車疏又難遇時間之餘，又真係比起 80X 慢好多。
但係我覺得秦石及打後，情況會唔同…

再者，20 分一班車，同 15 分一班，主觀效果可以差好遠。

沙田住宅區往返九龍灣係有好大需求，否則就唔會 80 80X 上下繁爆到七彩，德福花園下繁排長龍。
問題只係果D需求因為供應緣故，全部走晒出觀塘道德福搭巴士或者港鐵。

[ 本帖最後由 S3BL100 於 2014-4-15 13:12 編輯 ]

原帖由 S3BL100 於 2014-4-15 13:10 發表
而且之前好似提過，而家要擺條新線落觀塘道都未必咁易。
就算係睇沙田整體，都應該係將條點都係重疊的 89B 縮落九龍灣，方便沙田觀塘作其他重組。

一邊係屋村, 一邊係工商貿區
除左繁忙時間, 全日或假日會有幾多人來住呢兩度地方?

雖然改路或成功保持80X全日及其客量
但另一邊廂係幫o左89B加速上神枱
同時又會谷晒D新翠客去搭遠少少又貴少少既80來往觀塘
本身繁忙時間80都自身難保
到時又搞到又要食多批新翠客
到時佢地肯定民怨沸騰

為o左諗辦法保80X全日, 又搞頹89B又谷晒D人去搭80
乜俾多十幾分鐘出觀塘真係咁辛苦?

原帖由 kmb71k 於 2014-4-15 13:45 發表
為o左諗辦法保80X全日, 又搞頹89B又谷晒D人去搭80
乜俾多十幾分鐘出觀塘真係咁辛苦?

相信呢度大部分人最想既都係維持現狀
不過硬係要重組既話, 只有諗個咁既方法, 犧牲一條有最多其他替代品既路線出黎