2014-15 沙田區巴士路線發展計劃

原帖由 kmb71k 於 2014-4-19 01:30 發表


如果擺去大圍方向, 去富豪花園可以點行先?
如果擺去馬鞍山方向, 出九龍可以又點行先?

373A擺港灣道係停完再私去灣仔碼頭公廁果邊停低
再等夠鐘先至私返去港灣道載客
但係富豪花園個站
無論擺邊個方向都要兜大圈至 ...

拉長巴士站, 變相為富豪花園「起」個巴士總站, 可行嗎?(有心做的話)

原帖由 kmb71k 於 2014-4-19 01:25 發表
雖然我唔想再LOOP
但我只想講既係
89B縮到九龍灣裡面(唔係觀塘道)同幫佢慢性自殺無分別
九龍灣裡面(唔係觀塘道)條條巴士路線都頹過乜
行出去觀塘道大把選擇
佢地唔會死守係九龍灣裡面(唔係觀塘道)等只得一條返沙田但 ...

行得出觀塘道不如直接搭沙中線

[ 本帖最後由 LF6277 於 2014-4-19 02:46 編輯 ]

驚 89B 入九龍灣唔夠客，重可以入埋牛頭角道既
九龍方向行福淘街 - 淘大 - 啟祥道 - 宏照道 - 常怡道 - 入番牛頭角道跟 89 路線
沙田方向行常怡道 - 宏照道 - 啟祥道 - 淘大總站 - 跟 89 入沙田
加埋 88X 踢入去瀝源，正正常常行番晒成條觀塘道，駁埋上藍田山，縮既會變咗係 89
(甚至既係，89 沙中線後會冇咗)
問題係牛頭角道冇咗沙中線，又要入九龍灣行一個圈，你估佢地肯唔肯
(就算俾埋 88X 89B 彩虹互轉又點話)

不過單做九龍灣，就算剩低 74B 同 5M 做轉乘，暫時嚟講我都冇咩信心夠客

[ 本帖最後由 HF3204@243M 於 2014-4-19 08:01 編輯 ]

回 Leslie 巴打

86A 286X 246X 三線齊齊落長沙灣荔枝角
249X 280X 齊齊落火炭
86 同 85A 沙田段重疊晒
286X 287X 齊齊入顯徑
穗禾繼續九個幾上青沙
根本思維同老九一樣，好聽啲就玩幾飛，唔好聽就聯合班次
咁青沙係純粹拉獅隧線上去定係攞嚟轉車呢?

[ 本帖最後由 HF3204@243M 於 2014-4-19 08:29 編輯 ]

原帖由 kmb71k 於 2014-4-19 01:25 發表
雖然我唔想再LOOP
但我只想講既係
89B縮到九龍灣裡面(唔係觀塘道)同幫佢慢性自殺無分別
九龍灣裡面(唔係觀塘道)條條巴士路線都頹過乜
行出去觀塘道大把選擇
佢地唔會死守係九龍灣裡面(唔係觀塘道)等只得一條返沙田但 ...

我唔知點解到而家仲有板友係逐條線逐條線睇
而唔係睇成個網絡？

觀塘道係有 N 條返沙田的巴士線，但係咪條條都岩路？乘客係咪又真係有 N 個選擇？

如果個客係去九龍灣去沙田巿中心，或者美田，或者第一城，
89B 唔岩路，咁佢會唔會搭 89B，定係行返出觀塘道搭車？

我從來無諗住用一條 89B 搶呢班唔岩路既客囉。

但係如果 89B 岩路既，咁個乘客又會唔會因為觀塘道有 N 條去沙田但唔岩路既巴士線，走返出去觀塘道？
搭得 89B 既，都係去隆亨、新翠、大圍、秦石、沙角街、沙田圍，
就算行返出觀塘道，岩路既巴士線都只得 80 或者 80X 是但一條，咁點解個客一定唔會搭 89B 先？

唔好唔記得，第時沙中線通車，九龍灣站返去上列地點只需轉一次鐵路，
而且行車時間幾快，反正 89B 落到觀塘都係同 80 80X 重疊，
點解唔入去截住班第時好可能轉投鐵路的乘客？

跟住輪到盤數的問題，大家話條線入九龍灣慢性自殺，
咁我又問，乜盤數係淨係睇一條線，而唔係睇成個網絡？

89B 而家九龍灣至觀塘段經常廿個客都冇，就算縮線，班客都只係左手交右手，
唔會因為無左個觀塘，搞到收入少左囉唔該…
廿個客都冇，已經係 nothing to lose，走入去九龍灣搵客唔好？

第時有沙中線，觀塘客如果係要流失俾鐵路的，都唔見得會有為有 80/89B 或者 80X/89B 揀，而唔搭港鐵；
如果係巴士的支持者，亦唔見得會因為無左條 89B，而走去轉投鐵路。

相反，正如上面所講，如果有條線擺九龍灣，至少可以截住一部分
本來可能行去九龍灣站搭港鐵的乘客…

再睇闊少少，基於種種現實限制，89B 唔縮線減車
就意味住有其他值得開發既位置（例如：水泉澳、火炭）好可能開唔到全日線出觀塘，
又或者搞到有D位（例如，富豪花園/濱景是但一邊）被轉車，
呢D客的潛在收入/流失又唔使計？

做人應該宏觀少少，唔好只見樹木不見森林。

試過好幾次週日或假期走入去九龍灣裡面
人流好少車流又少
裡面幾個站頭都無乜人會故意等搭巴士
有都係搭免費穿梭巴士去九龍灣站搭地鐵或者過去觀塘道搭車
如果將89B縮入去
我實在睇唔到89B在縮線後能夠保持好客量

所以我一直好反對搬任何全日路線或者縮原本去觀塘既新界全日路線入去
盞偷唔到雞蝕渣米
倒不如搵其他九龍市區線做轉駁轉乘仲好過

原帖由 HF3204@243M 於 2014-4-19 08:27 發表
回 Leslie 巴打

86A 286X 246X 三線齊齊落長沙灣荔枝角
249X 280X 齊齊落火炭
86 同 85A 沙田段重疊晒
286X 287X 齊齊入顯徑
穗禾繼續九個幾上青沙
根本思維同老九一樣，好聽啲就玩幾飛，唔好聽就聯合班次
咁青沙係純粹 ...

雖然我唔同意亂掟線上青沙，但係唔好意思，我覺得篇文真係有 bias…

現有乘客的利益係要照顧，但亦需要同時合理照顧孤島區的需要，
我好難接受因為唔想掟線上青沙，而搞到孤島區可達性降低，甚至得唔到合理服務

86B好明顯大圍市之前的路段可以用87B覆蓋，而由於行的路線為大埔道，其實可以用同樣行大埔道的81（佐敦-禾輋）作轉乘，讓四美居民（註：昔日86B只經美林，不入美田等的）有車出旺角以至佐敦。

淨係呢句已經搞到人一頭霧水，唔知想點…

其實而家 81 一樣做到四美區，只係美林刷邊，唔入美田，
而 86B 慢過 286X，好大程度係因為來回都要入美田，而唔係因為行青沙。
如果話想用 86B 轉 81，方便四美居民有車出旺角以至佐敦，
咁 86B 係咪要變成來回入美田？入一入美田，又唔嘈拖慢行車時間？

而且我諗大家都好清楚，入完美田，可以美田路直接右轉上青沙，但上返大埔道就要跟 81/舊 86B 兜圈…

跟住就係，應該邊個站轉車？雖然 86B 同 81 都係行大埔道，但係九龍段除左薩凡納之外
根本無相同車站，而呢個站似乎唔係好適合俾大量乘客轉車用。

對美田來講，用青沙轉車站出去轉車，絕對優勝過其他只係個別路線轉乘計劃的街邊站。
我明樓主對於 86B 變 286X 拖長行車時間有不滿，但係實在都應該照顧下孤島區的需要。

286X的失敗經驗
另一為青沙而青沙的最好例子，就是2012年底以86B改成的286X，改行青沙後延駛經美田並改以循環線行走，結果是，因改以 「X」特快線，車資借故加了$0.3，但顯徑、隆亨、新翠、大圍的原86B乘客出青山道由昔日的20-25分鐘車程，變成了35-40分鐘，往長沙灣工業區及美孚者更達近50分鐘（因青沙隧道九龍出口一落就是南昌一帶）成為大輸家，而到傍晚收工時，美孚等車的乘客由昔日86B有位坐變成286X車都上唔到（因為滿客頂閘），但又沒有其他類似的青沙路線作支援/輔助 – 不信？星期一至五18:00-19:00 去饒宗頤文化館巴士站睇睇，筆者就領教不少了，企足一小時去等坐30分鐘的巴士，總交通時間(Gross Transport Time)由60分鐘之內變成90分鐘以上 …還有的是，青沙隧道九龍出口的設計差勁影響此循環線的定線，傍晚班次很不穩定，就算在長沙灣道等286X，都可以因塞車而引致30分鐘才來一班車。
286X的最主要得益者，只有美田的居民（不用再轉車 283+86B）及九巴（節省了一邊總站-站長人工，車站月台設施，新線相若的里數與舊線來回相近卻做多批客，還借故多收每位$0.3），但卻苦了原本的乘客，等車(Waiting Time)加坐車(In Transit Time)的時間長了，使總行程時間(Gross Journey Time)大大延長，甚至看著巴士客滿飛站而上不到車。唯一的好處，是九龍的尾班車變相延長了（顯徑開尾車00:00，到深水埗元州街約00:30，昔日86B美孚開尾車00:00）。

問題就係 86B 變 286X 後，乘客量的確大幅上升，又何以見得失敗？
淨係因為個別區少左位坐，或者慢左，就話失敗，又唔睇下條線多左幾多人受惠？

而 leslie 兄都承認美田居民係得益喎。美田係孤島，但顯徑隆亨唔係，
係咪應該照顧下孤島呢？

286X 全日服務，不入四美。
246X美田全日服務, 按九巴的建議走線, 用較短定線方便往荔枝角及美孚的乘客,也可減少派車數量下提供較密的班次。
87B: 改為287X，沙田段按現時87B走線田心上青沙，九龍段按原定的87A改的287X走線，早上繁忙時間如有需要石考慮而田心村/車公廟路入口直上青沙
87A: 維持現狀-獅隧不改線。如有需要，可延伸沙田總站至水泉澳再加一個86A補差額互轉。

其實作者都識話 87A 因為可以完全用 86A 同 87B 取代先改線，
咁當然最正路的係改 87A，而唔係改 86A 同 87B…

水泉澳都係孤島，而且比起美田更孤島…
我好相信九巴當初 plan 87A 變 287X，就已經諗住拉上水泉澳，
俾佢地有一條線特快直入九龍心臟地帶，戰略意義好大。

好老實，287X 對水泉澳有用過 87A 好多，87A 旺角只係刷邊，唔到油麻地佐敦。
而去深水步，87A 轉 86A，轉車又要等幾耐？相反，287X 轉車落深水步，青沙起碼有幾飛可以叫。

其次呢度似乎已經早有公論，286X 美田同顯徑拆線大方向合理，但係拆出一條 246X
九龍停兩三個站，仲要廿分鐘一班，被減班、被兜路、被轉車、被縮減服務範圍，就係極不合理。
咁試問作者再提 286X + 246X 係為乜？

美田而家係尾站，一係就唔好拆線，拆就起碼要一程車覆蓋到晒原有服務範圍，
或者覆蓋其他人流更多的地方，如果 286X 唔入美田，美田青沙線九龍段跟 287X，我覺得完全可以接受。

恕我得罪都要講，唔知 leslie 兄係咪因為不滿 RDP 垃圾方案，加上居住地區的關係，
將不滿情緒投射在個別孤島區身上，只係著眼現有路線
而無配合整個地區發展，令到幾個孤島區的配套仲差過 RDP…

[ 本帖最後由 S3BL100 於 2014-4-19 11:59 編輯 ]

冇追 POST

原帖由 S3BL100 於 2014-4-18 23:30 發表
80X 水泉澳 - 乙明/沙角/博康 - 觀塘，上繁拆兩條，不停彩虹
83X 火炭 - 濱景 - 廣源 - 大隧 - 觀塘
89X 縮去沙田圍
89B 縮去九龍灣
89C 拉直不經濱景小瀝源
89E 秦石 - 巿中心 - 大隧 - 觀塘 - 藍田，不停彩虹

原帖由 Lawliet 於 2014-4-18 22:20 發表
我無追之前既文 唔知版友你係想留邊RDP一條新線(應該83X 89X 89C?)
我建議就係
83X 水泉澳 > 廣源 > 佬隧
80X 原線
89B 水泉澳 > 多石 > 原線
89X 碩門 > 原線
89C 沙田醫院 > 原線 (我唔清楚版友想點拉直 89C 我諗沙田醫院上佬隧算拉直左?)

其實齋講繁時，我都覺得 83X 做晒水泉澳同廣源都已經夠客，再拆暫時嚟講太散
不過非繁重有條 82X 喺度，廣源整多條又真係重覆咗

80X 89B 兩者睇嚟只可以留一 (最少非繁)，大家齊齊乙明沙角落觀塘，客源又係重覆咗
要水泉澳客入沙角行一個圈，班次唔密既話俾著我都係 288 落山轉算數
89B 落九龍灣啱先講咗
89E 秦石要入咗市中心先，會唔會唔係咁順路?

我都贊成 89X 用沙田圍做總站，俾番條線富豪客
反正喺濱景石門入面行，里數都係差唔多

89C 同 89D，富安點解可以全日有三條線 (計埋 85X) 上大隧?

原帖由 kmb71k 於 2014-4-19 11:40 發表
試過好幾次週日或假期走入去九龍灣裡面
人流好少車流又少
裡面幾個站頭都無乜人會故意等搭巴士
有都係搭免費穿梭巴士去九龍灣站搭地鐵或者過去觀塘道搭車
如果將89B縮入去
我實在睇唔到89B在縮線後能夠保持好客量

...

人流少車流少？你睇下假日轉入 megabox 條車龍，加埋 shuttle 人龍，同埋絡繹不絕往返 megabox 同德福的步行人群先啦…

同埋亦唔係無咩人故意等巴士，起碼 15A 28B 297 都有唔少，幾條小巴 48 68 111 分分鐘都要等幾架先上到車。
已經唔止我一個講過，15A 單係 megabox 一個站，假日一班車都可以上落各十幾二十個

如果搞到要用其他九龍巿區線做轉駁，反正都要轉車，咁點解唔係搭 shuttle 落九龍灣站？

原帖由 HF3204@243M 於 2014-4-19 11:57 發表
89C 同 89D，富安點解可以全日有三條線 (計埋 85X) 上大隧?

如果89C拉直，89D同時會拉直，變成耀安直上大隧