區域性模式重組之好與壞

其實睇完電視運豬署個廣告！

聽到個細路問:汽車別堵車，讓爸爸早回家好嗎？

我會想問番個細路：你爸爸係渣私家車定係坐巴士番屋企阿？

運豬署成日講效益，知道塞車問題，個廣告都講到明，而出現巴士重組

一架巴士既載客量可以頂幾多架私家車？得出來既私家車數目放係路面，佔既地方又係巴士既幾多倍呢？空氣污染問題，道理都係類同

在搞巴士重組既同時最大問題係要降低香港私家車數目，如果唔係就算搞到d巴士路線靚一靚，最終個細路既爸爸會仲遲過宜家番屋企

另外就係運豬對巴士既限額要放寬，就好似最近話鐵路愈來愈迫，於事宜家又來求巴士加開去舒緩問題，但資源就係咁多，所以果d叫調配唔係加開

所以我覺得在巴士重組之前先做好佢背後既目的先，咁樣重組落去冇結果的

原帖由 S3BL100 於 2014-4-11 00:12 發表
呢三個人的確係人人得以誅之

問題係，係咪因為有呢三個人的存在，所以凡親反對巴士重組的，都係山頭主義？

好簡單，33A 明明有客都唔做，建議減到半粒鐘一班，而葵青荃灣區完全無其他得益，
反對 33A 減班的，又係咪山頭主義，係咪要 ...

33A 一早被紅小食到接近乾乾淨淨, 又同37 重疊, 九巴先建議重組33A 路線.

咁好簡單, 你有無想過點解33A 要建議減班?

之前33A 已經唔係第一次建議重組, 早幾年九巴出3個方案, 裡面一個係縮去SSP, 一個係縮去美孚,
另一個係加單層, 當年區議員你要ban 係無可厚非, 因為無左巴士去旺角;
但問題係, 上一年九巴提議33A/37 重組, 將33A 行西九龍走廊, 37 拉去葵涌邨,
改左之後33A 可以同紅小搶客, 只不過因為葵盛比多左$0.3 就要ban, 攪到人地無特快線?

上年的方案, 葵盛係無得益, 但葵涌邨就有得益, 始終卻敵不過區議會的制度,
當葵盛區議員反對的時候, 成個方案都要流產, 連帶葵涌邨大窩口想搭快車出旺角的都受影響,
結果九巴咪唔同你玩, 減班囉.

而33A/37 重組亦係區會山頭主義的鐵證.

原帖由 張偉沖 於 2014-4-11 00:05 發表


差唔差根本就係好主觀, 你覺得差我可能覺得唔係, 咁點? 係咪值得花更多時間去settle?
點解唔係改左先, 比一段時間再檢討, 優化?

九巴44 拉去青碼講左幾多年? 有晒配套但41A到宜家都改唔到喎,
你真係覺得攪好配 ...

以上論點，除咗先過後審，
其餘難得合理。

但係點解要拉埋反對加價兩蚊嘅人嚟講，
將佢地批鬥成建制嘅毒瘤?

第一加兩蚊一程對好多打工仔都係搶，
我係咪主動奉獻之餘仲要跪地多謝佢吼中我荷包?

第二係你建制冇病痛嘅話，我反你貪玩呀?

原帖由 69x69m 於 2014-4-11 00:25 發表
其實睇完電視運豬署個廣告！

聽到個細路問:汽車別堵車，讓爸爸早回家好嗎？

我會想問番個細路：你爸爸係渣私家車定係坐巴士番屋企阿？

運豬署成日講效益，知道塞車問題，個廣告都講到明，而出現巴士重組

一架巴士既 ...

哩個投資型政府就係想窮人放棄巴士，
犧牲更多時間同生活去轉地鐵，
自己做大股東就可以收入鞏固同增加，
渣私家車嘅有錢爸爸們就可以快啲返歸。

[ 本帖最後由 transbus 於 2014-4-11 01:06 編輯 ]

原帖由 張偉沖 於 2014-4-11 00:10 發表


你要明白,
北區巴士路線重組, 由上年年頭開始傾, 傾到9月先全面實施,
換言之, 一個區要用一年時間去傾, 不過, 北區因為民建聯議員佔大多數, 所以先至可以9個月攪掂.
十八區的話, 即係要十八年先傾得晒, 仲未計議 ...

一曝十寒，
過去18年都冇乜舊路線有與時並進提速分拆，
要一炮改正返18年來，

累積因慣性懶惰，

冇對路線組合審時度勢而自招嘅生意損失，
同時要人接受減車迫轉兼加兩蚊，
佢唔要返36年去傾，
好去還神啦!
仲要屈係市民乘客責任?

原帖由 張偉沖 於 2014-4-11 00:29 發表
之前33A 已經唔係第一次建議重組, 早幾年九巴出3個方案, 裡面一個係縮去SSP, 一個係縮去美孚,
另一個係加單層, 當年區議員你要ban 係無可厚非, 因為無左巴士去旺角;
但問題係, 上一年九巴提議33A/37 重組, 將33A 行西九龍走廊, 37 拉去葵涌邨,
改左之後33A 可以同紅小搶客, 只不過因為葵盛比多左$0.3 就要ban, 攪到人地無特快線?

葵盛區議員咁都唔ban 就真係抵佢選唔到
明明葵盛咩都無得益, 點解要無啦啦俾多$0.3 車費?
一日比多$0.3, 一個月就比多$7.8, 我去吉串魚蛋食唔好呀?
九巴肯收小人地$0.3, 咁咪一家便宜兩加著囉, 33A 又搵到錢, 居民又得益, 雙贏架
好簡單, 又係玩雙向分段, 深水埗返到葵盛都尾站啦, 落車拍一拍卡又唔延長得好多時間
如果係新城巴重組, 大部份情況下搭慢車都唔會收多錢
因為人地肯玩雙向分段, 例如77, 99 呢d
九巴就死都唔肯咁玩

又或者直接延長唔加價, 當益下葵涌邨都好呀
反正條數係33A 改特快加價度數得返

情況同286C 一樣, 明明我去深水埗做咩無啦啦收我大角咀價
一個月比多$46.8 (我當有單向分段)
更何況286C 就算去到大角咀, 里數都係短過272X, 但車費仲貴過272X, 九巴收費跟本就唔公平.

[ 本帖最後由 JF1261 於 2014-4-11 02:03 編輯 ]

原帖由 張偉沖 於 2014-4-10 23:54 發表


真係好笑, 巴士重組實施, 市民有意見, 巴士公司聽意見改善都唔得?
有無聽過從善如流這句說話?

淨係北區有全日373A 過海, 回應北區多年訴求, 已經可以KO 你所謂的"爛橙" 論.

你話我盲撐政府, 我覺得你盲反政府多 ...

舊時傾rdp,一年傾一次，仲唔係年年檢討?

373a全日前，巴士公司已經主動為佢延長服務時間至朝早1130
基本上要全日可以話做就做，係差在巴士公司肯唔肯

30x個度，你九巴執意要提速，學你個套行政指令咪得
港島23a 25c 夠係比區議員反對，結果咪又消失左

至於開唔開名，呢個係我既自由
呢個世界有樣野叫做不點名批評

反正我都無話係你，你又咁緊張，難道....

你話我盲目反對，無所謂
不過由今年開始，每區rdp都比人反對
究竟係盲目反對，定係民意反對，我唔講歷史都自有公論

最重要係，係呢度比人批評過既rdp，現實都係比人ban
我就唔信呢個世界咁巧合

唔該你更新下你個套人生資料庫先

原帖由 張偉沖 於 2014-4-11 00:05 發表


差唔差根本就係好主觀, 你覺得差我可能覺得唔係, 咁點? 係咪值得花更多時間去settle?
點解唔係改左先, 比一段時間再檢討, 優化?

九巴44 拉去青碼講左幾多年? 有晒配套但41A到宜家都改唔到喎,
你真係覺得攪好配 ...

配套搞得好比人ban係唔合理
但配套搞得差比人ban係言之成理

當然你話大家對配套好主觀
但如果10個人裡面，9個都話配套差
咁呢個配套相信好極有限

正如沙田重組，呢度覺得份野係垃圾既人佔多數
多數人意見決定一切，份野的確係垃圾黎既

原帖由 張偉沖 於 2014-4-11 00:29 發表

33A 一早被紅小食到接近乾乾淨淨, 又同37 重疊, 九巴先建議重組33A 路線.

咁好簡單, 你有無想過點解33A 要建議減班?

之前33A 已經唔係第一次建議重組, 早幾年九巴出3個方案, 裡面一個係縮去SSP, 一個係縮去美孚,
另一個係加單層, 當年區議員你要ban 係無可厚非, 因為無左巴士去旺角;
但問題係, 上一年九巴提議33A/37 重組, 將33A 行西九龍走廊, 37 拉去葵涌邨,
改左之後33A 可以同紅小搶客, 只不過因為葵盛比多左$0.3 就要ban, 攪到人地無特快線?

上年的方案, 葵盛係無得益, 但葵涌邨就有得益, 始終卻敵不過區議會的制度,
當葵盛區議員反對的時候, 成個方案都要流產, 連帶葵涌邨大窩口想搭快車出旺角的都受影響,
結果九巴咪唔同你玩, 減班囉.

而33A/37 重組亦係區會山頭主義的鐵證.

點解葵盛反對加價就係山頭主義？點解葵盛奉旨要俾人劏，成全一條
自己根本無份的特快線？

葵盛同葵涌邨都只係區入面兩條邨，唔存在其中一邊潛在客源多過另一邊幾倍、多到做唔晒，
或者其中一邊無合理定線應付需求的情況，
大家都只係對等，大家都係無鐵路，論整體角度，根本無理由要是但一邊遷就另一邊。

連 33A/37 重疊都講得出，真係笑大人個口
不如你數下，出九龍方向，33A/37 有幾多個站相同？
返荃葵，又有幾多客可以同時等 33A/37？

33A 係俾紅小搶左好多客，但流失的幾乎都係旺角客，
深水步長沙灣客仲有大把，又唔見你提？
無論係去深水步定旺角都好，大家都係荃葵居民，條線本身亦係荃葵資源，
根本兩邊乘客都應該要得到合理照顧先係，根本唔存在
某D山頭有其他選擇，但長年霸佔他區資源，而使用率又唔高的情況囉。

33A/37 重組唔係完美，我覺得仲有其他更理想方法同時照顧出深水步同埋出油尖旺的乘客；
但係如果 37 維持原價，當年就未必過唔到啦。
你鬧葵盛點解唔肯被加價之前，點解唔問下，點解九巴係要加價？
其他路線重組，就算加幅唔合理，假假地都有個「變特快、行多一段公路」的藉口，就算 33A 本身都係；
但 37 呢？原有乘客車程有冇加快？你又會點樣將葵盛邨被加價合理化？

最大問題係，你混淆是非，因為 A 區問題，而要走去懲罰 B 區居民，而且仲要覺得 B 區居民抵死，
將呢樣野合理化兼且當成係真理，呢種思維比起你一路討伐的山頭主義，更山頭主義，遺害更深。

原帖由 JF1261 於 2014-4-11 01:52 發表

葵盛區議員咁都唔ban 就真係抵佢選唔到
明明葵盛咩都無得益, 點解要無啦啦俾多$0.3 車費?
一日比多$0.3, 一個月就比多$7.8, 我去吉串魚蛋食唔好呀?
九巴肯收小人地$0.3, 咁咪一家便宜兩加著囉, 33A 又搵到錢, 居民 ...

33A 收費平, 回車又慢, 邊有得賺?
結果去旺角的一係搭港鐵, 一係搭小巴, 淨番的得番長沙灣深水埗客.

33A 比新城做只會被陰乾, 望下條城巴5/5B 咩衰樣先啦.