錦田八鄉新區發展, 多條非原居民村落或受影響

原帖由 AL_71 於 2014-4-13 11:26 發表


今時今日唔同以前 la
你睇爾巒離錦上路站咁遠
早排都有唔少人爭住去買樓wo ，而家已經清得七七八八
有部份買家本身仲係住元朗YOHO town tim

btw....
今次規劃程序都好唔透明下
完全未有先公眾諮詢文件
諮詢亦只限 ...

私樓客唔少都負擔到買車，佢地買樓要求唔同，亦好多人願意搬入新界住
所以康樂園、錦鏽花園、加州花園、映灣園、愉景灣都大把人肯住，仲可以賣得好貴。

但當映灣園實呎賣到成萬，逸東邨卻係三幾千蚊租都好多人唔肯上樓，
這就是公屋居屋同私樓的分別。
同樣係交三幾千蚊租，公屋居民當然寧願搏市區新樓，唔係太舊都 ok，點會搬入錦田。

剩係講起樓，又唔規劃埋社區設施、學校
果頭既車路雖然使用率唔算高但都唔係闊，唔擴闊既剩係起樓果陣都加重錦田公路負擔

原帖由 hkth 於 2014-4-13 16:43 發表




其實在鐵路車廠建車站上蓋物業, 本來就是原地鐵及港鐵路線所做的方法. 故此這樣做, 根本並不奇怪.

其他內容可看看正式報導:

開發錦田南料需35億收地
四叔妹夫公司公營屋區有地

錦田發展大綱及發展商土地 ...

八鄉維修中心上蓋係西鐵動工時已經定左的項目, 但當然之前仲係實行無期. 至於維修中心外的車站應該就冇啦. 一來冇預留位, 二來有打算的話當年就可以說服鄉事委員會, 原站叫錦田, 新站先叫八鄉. 三來規區有一條長形由錦上路站到維修中心, 一個唔覺意真係有蓋行人路叫住客由尾行到頭出車站搭車都仲得.

有關規劃署提交城規會的文件（只有英文版）見以下網址：
http://www.info.gov.hk/tpb/en/papers/TPB/1056-tpb_9590.pdf

原帖由 3ASV174 於 2014-4-13 17:35 發表
私樓客唔少都負擔到買車，佢地買樓要求唔同，亦好多人願意搬入新界住
所以康樂園、錦鏽花園、加州花園、映灣園、愉景灣都大把人肯住，仲可以賣得好貴。

但當映灣園實呎賣到成萬，逸東邨卻係三幾千蚊租都好多人唔肯上樓，
這就 ...

問題係公屋租值
反映不到不同位置條件的差別
高層海景地鐵站邊同低層望垃圾房山卡啦轉車一樣錢
咁自然係人都識揀!

原帖由 hoi_him 於 2014-4-14 19:37 發表
有關規劃署提交城規會的文件（只有英文版）見以下網址：
http://www.info.gov.hk/tpb/en/papers/TPB/1056-tpb_9590.pdf

thx a lot
文件對社區設施、休憩/康樂用地的着墨不多，大部份休憩用地位於鐵路上蓋範圍。真正的公園卻位於最邊緣的位置，鄰近石崗軍營。
社區設施見到得體育館、5間小學、3間中學和9間幼兒園。



btw...做咩八鄉車廠鐵路物業發展既住客休憩公園面積可以比得上而家地區公園?
究竟城市規劃係為邊個服務呢?

原帖由 AL_71 於 2014-4-14 23:24 發表


thx a lot
文件對社區設施、休憩/康樂用地的着墨不多，大部份休憩用地位於鐵路上蓋範圍。真正的公園卻位於最邊緣的位置，鄰近石崗軍營。
社區設施見到得體育館、5間小學、3間中學和9間幼兒園。

https://fbcdn-sph ...

減少樓宇範圍谷高每棟高度？

原帖由 h2o 於 2014-4-14 23:46 發表

減少樓宇範圍谷高每棟高度？

因為有石崗機場，八鄉車廠項目最高都係得26層，而呢26層已經係成個區最高

不過現在樓價高企, 特首要求增加房屋供應, 可能會增加大廈數量啊.

原帖由 jpoon 於 2014-4-15 02:57 發表

因為有石崗機場，八鄉車廠項目最高都係得26層，而呢26層已經係成個區最高

26層係而家上限，但過十年前規劃，應該係中低密度為主，十零層冇咁高。