車長忘記調較八達通收費方向，對車長有影響??

原帖由 KJ1502 於 2014-4-25 20:21 發表

最近城巴收多咗我錢，打去同佢講，一星期就收到支票
九巴要搞禁耐證明佢根本無心去理件事

不過呢個要公平小小，
佢地只係做野慢姐
佢地又唔係無心

有次下奏扣錯錢要報個戶口號碼上去，
我話唔記得，叫佢第二朝打黎
點知佢又真係第二日九點左右就打黎

（當然係出事之後成個月先打黎）

原帖由 lsc04d11 於 2014/4/25 20:12 發表


但我覺得樓主講既case，乘客係「零」責任囉…
你拍卡點睇八達通方向？有人話車長控制器睇到，到你行得入車廂「裝」個車長控制器時，你還未拍卡嗎？而且唔會個個都係上左車廂先拍卡。

總之我覺得我上o岩一架o岩方向既車，我有 ...

我講個責任係拍卡前拍卡後睇一睇, 拍卡前唔睇或者睇唔到, 拍卡後都睇到嘛, 又或者之後 check 返啲扣錢紀錄都會 check 到嘛, 發現個數錯樓主咪同咗巴士公司講囉, 唔係點會有款退? 呢個咪乘客責任囉, 而佢亦履行咗囉。

其實另外有個小問題，之前聽過有人即時同司機講，個司機就即時俾現金，費事件事上公司

我就估：會唔會上左公司之後，又要呢樣又要個樣，所以司機都會怕

原帖由 syp 於 24/4/2014 21:52 發表


呢個係雙方嘅責任, 冇話應該其中一方負晒所有責任。不過如果話係乘客一方責任佔細啲我認為都合理。

就好似我單case，如果個carlo都唔信過海後有分段，吵都無謂啦
同carlo講左有分段，個carlo又唔試下按部總機睇下，好明顯係carlo既問題啦
唔通我同個carlo講左唔信令我比多左錢上去hotline投訴又係我既責任？

原帖由 CRH5 於 2014-4-26 11:31 AM 發表
就好似我單case，如果個carlo都唔信過海後有分段，吵都無謂啦
同carlo講左有分段，個carlo又唔試下按部總機睇下，好明顯係carlo既問題啦
唔通我同個carlo講左唔信令我比多左錢上去hotline投訴又係我既責任？ ...

簡單一些去睇﹐做乘客看到收費有異﹐又未拍卡﹐提一提司機去處理﹐正常合理。

一般司機都會睇一睇跟一跟﹐一般都會即時調正的。

你的情況係司機都唔理﹐你做法好簡單。一係照拍卡之後再搵巴士公司投訴﹐一係用cash支付適當的車費﹐司機話你付唔足車費的便叫他自己看路線圖的收費部份﹐唔肯睇的便叫他報警。


你照拍卡之後再打電話去投訴﹐真係乘客的責任。當然你可以唔投訴的﹐當無件事發生。
你亦可以只投訴司機態度問題﹐而不投訴(不提供資料)你多付車費。

既然你都提示司機無set分段﹐司機完全唔理 兼 態度欠佳﹐任何人(同車乘客)都可以投訴的。

如果無人投訴﹐公司又點會知道有職員服務欠佳﹐沒有跟公司的指示工作。

原帖由 CRH5 於 2014/4/26 11:31 發表
就好似我單case，如果個carlo都唔信過海後有分段，吵都無謂啦
同carlo講左有分段，個carlo又唔試下按部總機睇下，好明顯係carlo既問題啦
唔通我同個carlo講左唔信令我比多左錢上去hotline投訴又係我既責任？ ...

咁你最後點做吖, 你明知有問題最後俾多咗錢唔追究的話, 你咪要負自己俾多錢唔追究嘅責任囉, 咁如果你去 hotline 投訴然後退返錢, 你咪履行咗留意和追究責任囉。

你乜都唔理然後損失金錢, 啲錢唔會自己退返俾你, 係咪?

既然收費器有金額顯示, 乘客就有責任留意, 你認為呢個責任都唔駛負嗎?

我認為我冇需付上任何責任lol，唔通我伸手入去按部主機？
提就提左個Carlo，Carlo唔信我都冇計.

原帖由 CRH5 於 2014/4/27 16:04 發表
我認為我冇需付上任何責任lol，唔通我伸手入去按部主機？
提就提左個Carlo，Carlo唔信我都冇計.

我就冇話你有責任去改個收費器噃，我只係話乘客有責任留意有冇收錯錢咋噃。

原帖由 syp 於 27/4/2014 17:30 發表


我就冇話你有責任去改個收費器噃，我只係話乘客有責任留意有冇收錯錢咋噃。

咁我同佢講過海後有分段$5.7,佢唔信,同我講唔滿意落車搭8X,咁又係我既責任?

原帖由 CRH5 於 2014/4/27 19:54 發表
咁我同佢講過海後有分段$5.7,佢唔信,同我講唔滿意落車搭8X,咁又係我既責任?

你負咗你應負嘅責任就唔再有責任囉

總之就係巴士公司有責任確保收費正確, 乘客有責任確保付費正確, 如發現唔正確要出聲要追究, 收多咗錢要追回, 不負呢部份責任就追不回, 很難明嗎?

[ 本帖最後由 syp 於 2014-4-27 21:15 編輯 ]