(轉貼4月28日新聞) 東鐵早上訊號故障羅湖至紅磡服務受阻

原帖由 cn2661_2d32 於 2014-4-28 12:17 PM 發表
英國佬咁多好野, 回左歸冇樣留低,

唯有英國佬BritRail一向差到不得了, 日日死Signal同Delay仲年年加價就偏偏回左歸先學到足.

ps.開始解讀得到龜鐵的公關語言.
如果打佢都唔答件野係邊道造, 一定係大陸野.
反之如 ...

你見九鐵年代有無咁多問題?

你可以講客量增加﹐用量增加........ 所以而家頂唔順成日出事。


但係合併之後﹐港鐵又係唔係真係投放足夠資源去做好鐵路本份?
不停外判﹐節省維修支出﹐成日講到用最少資源做最大的效益。

原本要十個人做的野﹐而家得九個人(甚至更少)做﹐做得好又有無應有的質素? 我真係有懷疑。

好笑的係...... 香港只有一家(連同kcr 有2家)重鐵﹐但係又外判維修﹐外判商又去邊到搵人去做?
你話車站照明等等非專門部份﹐搵外判人去整都合理。但去到列車﹐訊號﹐列車供電..... 除了有最基本的學歷資格再入行邊學邊做外﹐邊到搵到有經驗的人。

要改善問題﹐只有加強維修資源﹐唔再外判維修﹐加強人手培訓﹐才會慢慢改善。

正如中華電力嘅承辦商一樣
由於屬專門工程,好多時只係由
該公司嘅退休員工自組承辦商,去接外判工程
否則請外國人做成本更加高,本地又基本上無選擇

當然咁做承辦商可大條道理
以較低嘅待遇甚至合約制,請新人邊做邊學
將工程外判出去好多時只係一筆過撥款,到時只好
將貨就價,咁就解釋到科技進步得嚟,可靠性反而下降。

而且時興外判係連責任都外判埋出去
如果係港鐵直接聘用,新入職者待遇始終
唔可能同舊制相距太遠,仲要考慮年資等開支
呢個問題相信係工程界甚至老牌公司所必然面對。

[ 本帖最後由 kitarolo 於 2014-4-28 12:55 編輯 ]

原帖由 053h4 於 2014-4-28 12:55 發表
根本我懷疑道理同而家有長期限速的地方一樣

明明加強維修磨路軌, 就可以降低嘈音
而家港鐵就選擇長期限速

離題一問
東鐵班次現時係受訊號系統所限,
MLR性能/路軌折舊或弧度所限,定係
康樂園/名城嘅居民投訴嘈音過大,而限速和限班次？

當然從商業角度諗,唔開足班次可以谷高個使用率。

原帖由 kitarolo 於 2014-4-28 01:02 PM 發表


離題一問
東鐵班次現時係受訊號系統所限,
MLR性能/路軌折舊或弧度所限,定係
康樂園/名城嘅居民投訴嘈音過大,而限速和限班次？

當然從商業角度諗,唔開足班次可以谷高個使用率。 ...

在未有減速之前﹐班次應該比現時為密﹐但訊號系統多年來都無更換過﹐班次應該唔係訊號系統所限。
而自西鐵通紅磡後﹐東鐵列車數目保持不變﹐即是唔係列車數目不足而減班。



現時除了紅磡站入站前一段受沙中線工程作出適量的改動外﹐其餘路軌(即大圍﹐康樂園.....)都無改動過﹐即係可以講同路軌的弧度﹐轉彎急等面要減速係無關。


我自己細個坐火車(80年代)﹐部車高速行都係好定的﹐真係唔似而定不規則拋下拋下﹐我都唔知點解部車會拋下拋下﹐細個坐又唔覺有此問題。
唔知此問題同路軌下面的石仔有無關﹐無定期用機填補流失/損耗的石仔所致。


MLR 性能問題﹐可以對比其他無限速的路段﹐段估唔會 "一夜間" 便在指定位置行得慢左﹐而其他位置又唔見行慢左。照計MLR性能都唔係主因。
反觀﹐睇舊文又真係加下一段﹐加下又一段減速 (唔計真係工程因素作臨時減速)﹐全部都係 "一夜間" 便發生﹐而減速路段又係長期的﹐唔係受維修工程影響而設立幾星期的一款﹐幾難相信同燥音投訴問題無關。


究竟點解要在個別路段減速? 真正原因又係什麼﹐真係要搵內部人爆料才知道。


而當列車要減速﹐車程自然增長。車程增長了﹐列車回流速度減慢了﹐班次自然減少。或者因為後車(早一個站開出的車)追到前車﹐因而要減速保持距離﹐令限速前的一段間接都要減速。
這是一個好易理解的因果關係。



從商業角度﹐當客源增加﹐當然係加大自己的服務能力﹐增加收入。唔係減少供應﹐令到可收取的回報因為顧客未能光顧而有所損失。

原帖由

kei_hk

於 2014-4-28 02:14 PM 發表

在未有減速之前﹐班次應該比現時為密﹐但訊號系統多年來都無更換過﹐班次應該唔係訊號系統所限。
而自西鐵通紅磡後﹐東鐵列車數目保持不變﹐即是唔係列車數目不足而減班。



現時除了紅磡站入站前一段受沙中線工程作出適量的 ...

有時限速都係被迫的
你都知而家鐵路附近既居民幾咁多要求
行車嘈少少都投訴一大餐
又要有車搭又要嘈唔倒佢

而家成個港鐵既系統就係因為咁,
有好多地方o係11pm-7am之間限左速
有 d 地方甚至可能全日限速

限一限速, 一程車起碼行多一兩分鐘,
有數得計

[ 本帖最後由 111 於 2014-4-28 14:37 編輯 ]

原帖由 111 於 2014-4-28 02:36 PM 發表

有時限速都係被迫的
你都知而家鐵路附近既居民幾咁多要求
行車嘈少少都投訴一大餐
又要有車搭又要嘈唔倒佢

而家成個港鐵既系統就係因為咁,
有好多地方o係11pm-7am之間限左速
有 d 地方甚至可能全日限速

限一 ...

問題係..... 究竟有人住先? 定係有鐵路先?

為何後搬去住的人投訴已有的鐵路嘈﹐令到列車要減速。

原帖由 111 於 2014-4-28 14:36 發表

有時限速都係被迫的
你都知而家鐵路附近既居民幾咁多要求
行車嘈少少都投訴一大餐
又要有車搭又要嘈唔倒佢

而家成個港鐵既系統就係因為咁,
有好多地方o係11pm-7am之間限左速
有 d 地方甚至可能全日限速

限一 ...

根本好多時一收到投訴就即刻改野 唔理合唔合理都改左先

火車比你間屋早100年就係度. 點解你睇樓買樓唔來睇左先,
硬係要你屋企4丁友, 一條村千幾人, 全日成百萬乘客為你減速?
咁都complain, 你不如complaint發展商d牆薄或者唔裝雙層玻璃?
咁好似合理d.