西港島綫工程也延誤,港鐵在通車時會否只啟用部份車站出口?

原帖由 dogdog 於 2014-5-6 12:37 發表


西港島線個特點係一個出口係山下，一個出口係山上，個站就係中間
士但一個唔開都死啦

其實行上/落山可能仍然比轉巴士/小巴方便。
所以個人希望港鐵如期通車

原帖由 lsc04d11 於 2014-5-5 20:26 發表
當佢地係第一城站、元朗站、屯門站的住宅項目咁，個出口十年都未開都OK……

不過要睇佢個結構會唔會影響成個車站既運作。

可唔可以通車果陣暫時唔開部份車站出口，要視乎相關出口係咪指明的逃生通道。

車公廟站、元朗站、屯門站等住宅項目的預留出口，設計時己經知道通車果陣唔會有呢個出口，
制定緊急疏散計劃時唔會包括呢D出口，所以隔N年先開都得。

但西港島線一開始就咁多個出入口，制定緊急疏散計劃時，唔似會將部份出口排除。
如果個出口到下面隧道測試運作完都未起好，理論上係有可能影響通車。

不過實際上，點會俾一個出口拖住整單工程？
只需完成基本結構，再加臨時照明、通風頂住檔先，之後D裝修野再慢慢做囉。

首先...蘋果講d野都好信??佢有冇講d相係幾時影??

而且通車係好多野加埋，基建、列車、信號、機電etc... 列車都行得，基建、幕門，電梯好多都搞掂，何以見得會delay??

原帖由 s3n370 於 2014-5-6 22:55 發表


可唔可以通車果陣暫時唔開部份車站出口，要視乎相關出口係咪指明的逃生通道。

車公廟站、元朗站、屯門站等住宅項目的預留出口，設計時己經知道通車果陣唔會有呢個出口，
制定緊急疏散計劃時唔會包括呢D出口，所以隔N年先 ...

講開出口作逃生通道, 西港島線本身特別d, 如香港大學站, hku 一邊有成70米高, 成20層樓,
如果緊急情況, 如車站有火警唔用得升降機, 本身好難叫人行上20層樓梯逃生, 會唔會佢設計
時, 用返石唐咀出口為主作緊急逃生呢?

有friend做survey呢行講開
話西港有兩張Contract既地方未搞掂
未必趕得切
不過我唔記得左佢講既係邊一部分@@
當然上次(好似三月?)MTR黎我堂LECTURE做PRESENT就話趕得切既
(PS.個時未爆高鐵單野，佢地個PRESENT都話緊高鐵準時...)

原帖由 3ASV196 於 2014-5-7 06:39 發表


講開出口作逃生通道, 西港島線本身特別d, 如香港大學站, hku 一邊有成70米高, 成20層樓,
如果緊急情況, 如車站有火警唔用得升降機, 本身好難叫人行上20層樓梯逃生, 會唔會佢設計
時, 用返石唐咀出口為主作緊急逃 ...

記得呢度之前貼過份消防署既文件，講到HKU站既逃生路線
印象中係前住升降機既隧道前，會有指示牌亮著不准進人
叫班人唔好再行去升降機，隧道內既人就繼續行去用升降機逃生
但升降機大堂就唔係用番平時用開果個，而係要用樓梯上一層，用另一個升降機大堂等lift

原帖由 OTIS401 於 2014-5-7 02:17 PM 發表


記得呢度之前貼過份消防署既文件，講到HKU站既逃生路線
印象中係前住升降機既隧道前，會有指示牌亮著不准進人
叫班人唔好再行去升降機，隧道內既人就繼續行去用升降機逃生
但升降機大堂就唔係用番平時用開果個，而係要用樓 ...

其實﹐座電梯塔是否真係沒有樓梯供緊急使用?


一些大廈的電梯﹐中間有多層不停﹐都會預番一些維修門/救生門在不停的樓層﹐斷估這座電梯培都應該有此需要﹐只不過平時唔會開放供普通人使用樓梯上落。
一旦連後備電都出事﹐困在這一段的人如果沒有樓梯做後備﹐最後的逃生路線﹐咪即係等死?

回上面一位﹐緊急時行上20層樓梯。如果真係要逃命﹐唔好話20層樓梯要上﹐40層你都會衝去跑上去啦。
當然﹐這是一個唔理想的做法。


ps. 之前新聞介紹話無樓梯﹐我估計只是平時不開放使用﹐所以便話無樓梯。在緊急通道設計而言﹐應該都會有樓梯的。

最好就唔好等齊出口先通車啦，又唔係去唔到目的地

平地就上路面行多少少，
上HKU都仲有西寶城/山道樓梯/西邊街斜路

宜家D人搭非半山巴士/小巴一樣要咁行，多左MTR已經叫做方便左，唔理出口早通3個月有著數

原帖由 kei_hk 於 2014-5-7 14:56 發表


其實﹐座電梯塔是否真係沒有樓梯供緊急使用?


一些大廈的電梯﹐中間有多層不停﹐都會預番一些維修門/救生門在不停的樓層﹐斷估這座電梯培都應該有此需要﹐只不過平時唔會開放供普通人使用樓梯上落。
一旦連後備電都出事﹐困在 ...

其實無人話過無樓梯....就算一般困升降機, 中間都應該有緊急通道俾消防去升降機......

但緊急情況下, 都唔會用作緊急出口叫人行20層樓上樓梯咁解....如果設計成咁, 唔只係唔理想, 而係不當...

[ 本帖最後由 3ASV196 於 2014-5-7 19:10 編輯 ]

原帖由 kei_hk 於 2014-5-7 14:56 發表


其實﹐座電梯塔是否真係沒有樓梯供緊急使用?

一些大廈的電梯﹐中間有多層不停﹐都會預番一些維修門/救生門在不停的樓層﹐斷估這座電梯培都應該有此需要﹐只不過平時唔會開放供普通人使用樓梯上落。
一旦連後備電都出事﹐困在這一段的人如果沒有樓梯做後備﹐最後的逃生路線﹐咪即係等死?

回上面一位﹐緊急時行上20層樓梯。如果真係要逃命﹐唔好話20層樓梯要上﹐40層你都會衝去跑上去啦。
當然﹐這是一個唔理想的做法。

ps. 之前新聞介紹話無樓梯﹐我估計只是平時不開放使用﹐所以便話無樓梯。在緊急通道設計而言﹐應該都會有樓梯的。

呢條咁高0既樓梯無錯係緊急通道，但實際上唔係預俾一般人疏散，係俾消防員等人員進出事發地點。
一如高樓大廈有隔火層，唔少地底隧道/車站等都有庇護室，
（註：雙管隧道需要有通道互通。其中一條管道出事時，另一條管道就充當庇護室）
同外界有多重隔火設計，0係火災時俾人可以暫避一段相當長的時間。

樓上提到遇事時，車站內的人要上多一層先可以搭升降機逃生，本身果一層己經有隔火作用。

[ 本帖最後由 s3n370 於 2014-5-8 00:26 編輯 ]