每年六月，又係加價時?

反意留意到一樣：羅湖/落馬洲為目的地，東鐵沿線照按加幅加價，轉乘前地鐵網絡反而無乜點加。
例如：
荃灣綫、將軍澳綫只加3毫
觀塘綫除九龍塘外只加3毫，九龍塘照足加幅$34.3>$35.5，想追到同石硤尾樂富平手先放手？
港島綫加3-4毫

原帖由 toyl 於 28-5-2014 12:38 AM 發表
反意留意到一樣：羅湖/落馬洲為目的地，東鐵沿線照按加幅加價，轉乘前地鐵網絡反而無乜點加。
例如：
荃灣綫、將軍澳綫只加3毫
觀塘綫除九龍塘外只加3毫，九龍塘照足加幅$34.3>$35.5，想追到同石硤尾樂富平手先放手？
港島綫加3-4 ...

你睇番新聞稿，在平均加幅3.6%下，有9%乘客加幅=$0.0，我諗呢9%就係呢類要「追平」既車程，就似被擺上新聞的南昌-紅磡要追平南昌-尖東，你提出既可能都係(即三個前九鐵/地鐵轉車站附近車程，南昌、美孚、九龍塘)

原帖由 A19-AD4807 於 27/5/2014 18:17 發表
唔加價

我點食飯

港鐵點會有錢出糧俾我洗

你班網友應該多搭港鐵

咁我盡可能搭少啲，你早啲搵工吧

北京政府背後資助左幾多呀???
(講真新加坡745前市中心出閘免費一樣要政府資助)
不過九龍灣和觀塘竟然無份。。。

原帖由 053h4 於 2014-5-28 16:52 發表
當然啦, 實有人話九鐵唔合併一定勁蝕
但我記得06年南環線未通, 加過境無咁多人, 再加上通道無被收窄30%做鋪, 免稅店又未大幅起租的情況下都係蝕幾億
今時今日洗唔洗蝕啊

好似最近的九鐵年報都係話九鐵公司係要蝕錢喎

原帖由 A19-AD4807 於 2014-5-27 06:17 PM 發表
唔加價

我點食飯

港鐵點會有錢出糧俾我洗

你班網友應該多搭港鐵

小朋友，你想得咁天真，你老板搵多咗生意賺多咗錢，
係唔係真係天真地按所有收益增長比例加哂去你份糧到呀?
又唔見我老板咁好死真係為咗加我哋份糧而加客戶嘅工程收費?
又唔見好多人一樣好似你諗咁理想?

原帖由 A19-AD4807 於 2014-5-27 08:53 PM 發表
其實港鐵應該學北京

畫一$2

咪好多人搭

係會多人搭呀，但係咪要香港政府學首都政府咁補貼先?
政府補貼咗又會唔會搵市民開力?
補貼咗港鐵又會唔會令你加人工?外判工又係唔係會受惠?
你講嘢前後咁有矛盾，之前轉智能車票時又放"流料"，
好難有說服力囉!

今次加價之後﹐除了輕鐵外﹐再無單程票平過八達通這個怪現象。

我又放長雙眼﹐出年加價的時間﹐又會唔會繼續做到八達通全線平過單程票(輕鐵除外)。

下星期二就可以開始買全月通，但仲未公佈票價？冇理由7月份那張賣宜家個價....