(轉貼新聞) 消息指港鐵推四百元市區月票及清晨優惠

原帖由 toyl 於 2014-5-29 00:38 發表

只要閘機落咗事故模式免費出閘，連單程票都可以彈票出嚟放人出閘唔計數下次再用，都會票就應該會順理成章唔計算一次車程。
反而問題會係有事故時車站無收到柯打免費出閘，到時先係會最受考驗…… ...

係, 如果事故模式, 困左人係車站又無車行, 當然ok, 但港鐵網絡大, 延誤未必係完全停駛, 乘客亦未必係出事路線上出閘,
咁咩車站先有事故模式? 點樣事故先有免費出閘呢?

正如我之前例子, 東鐵有事, 金鐘站無理由所有人免費出閘o者, 但的確可能有乘客因為咁無左優惠......而個問題重點係,
mtr 延誤會引致無左優惠, 講緊唔只係25%車費, .而這是概念問題....即mtr 錯誤, 時間用多左, 乘客反而要俾貴d....

我自己經驗, 如尖沙咀至金鐘訊息故障, 列車延誤10分鐘呢d, 我就未試過可以免費, 即使金鐘出閘....而講就10分鐘, 但實際可以用
多過20分鐘, 包括上唔到車等.....呢d本身難於處理

[ 本帖最後由 3ASV196 於 2014-5-29 00:53 編輯 ]

原帖由 3ASV196 於 2014-5-29 00:08 發表


加價係法例要求, 但優惠就係港鐵可以控制的, 而點樣優惠得黎係對乘客實用,
又可以舒緩下公眾壓力, 而又維持港鐵財政, 先係公關重點....

如果明知自己系統呢排都唔係成日可靠, 係呢個時候仲出埋呢D時限優惠, 本身 ...

基本上而家地鐵一講加價D人一定嘈, 學師兄話齋, 故障搞到我遲出閘咪變得冇用, 白白浪費左早出門口嘅成本
如果8.15出閘, 去食個早餐先返工都可以嘅, 但有幾多人咁做真係唔知, 地鐵都係冇計可施底下搵個方法減輕下上繁壓力

我本身住九龍東, 返太古, 400蚊40程俾我已經冇乜用, 搭巴士可以9.8, 兩程都平過地鐵
而且有時早放工我去西灣河搭船返去, 慳多幾蚊, 你話4-500蚊一個月任搭都仲算抵嘅
對我呢D 11,2蚊一程嘅人來講就冇乜著數 (我而家返工搭地鐵, 放工搭船夾埋都係16蚊)

原帖由 bombmanhk 於 2014-5-29 01:06 發表

我本身住九龍東, 返太古, 400蚊40程俾我已經冇乜用, 搭巴士可以9.8, 兩程都平過地鐵
而且有時早放工我去西灣河搭船返去, 慳多幾蚊, 你話4-500蚊一個月任搭都仲算抵嘅
對我呢D 11,2蚊一程嘅人來講就冇乜著數 (我而家返工搭地鐵, 放工搭船夾埋都係16蚊)

知道自己30日搭到30程應該都得，尤其是天熱日子已到，放工搭船會唔會好熱？
呢一兩個月計晒返工果程，放工又熱又趕可以搭返次，呢個幾兩個月ching其實都諗得過呀！

原帖由 toyl 於 2014-5-29 01:20 發表

知道自己30日搭到30程應該都得，尤其是天熱日子已到，放工搭船會唔會好熱？
呢一兩個月計晒返工果程，放工又熱又趕可以搭返次，呢個幾兩個月ching其實都諗得過呀！ ...

上層都幾涼爽的(北角-觀塘船)

與其出都會票
不如出10送一優惠

都會票可以做到呢個功能
搭夠40程,送多4程免費車程
尤如10送一優惠

原帖由 KG1428 於 2014-5-29 23:57 發表
與其出都會票
不如出10送一優惠

都會票可以做到呢個功能
搭夠40程,送多4程免費車程
尤如10送一優惠

若果將遊客全日通改稱一日票，開放予所有乘客用，似乎仲好
另外，重新發行港鐵重鐵專用儲值票，如何？
初擬賣70元，票值100元，儲值用完可搭多一程

原帖由 KG1428 於 2014-5-29 23:57 發表
與其出都會票
不如出10送一優惠

都會票可以做到呢個功能
搭夠40程,送多4程免費車程
尤如10送一優惠

不過十送一優惠最近幾次推出都只限週一至週五，變相綑綁乘客先有優惠，難度亦不低。

原帖由 toyl 於 2014-5-30 11:07 AM 發表

不過十送一優惠最近幾次推出都只限週一至週五，變相綑綁乘客先有優惠，難度亦不低。

由於改了做周一至五﹐令到斷纜機會大增﹐例如第一個星期﹐7月1日已經唔係一般人的設工日子﹐已經好易斷纜﹐之後仲有中秋節﹐國慶+重陽﹐以及聖誕節﹐單是今年已經4個星期。


另一個問題﹐便是得回來的車票﹐你又會點用? 真係放假突登搵街去﹐仲要坐mtr?
(這個問題以5天返工/周六長短周的人才會有影響)

如果閒日返工使用﹐便註定該星期換唔到免費車票。周六又未必要返工﹐車票又要每個星期換﹐又只有一個月壽命。
(以一般打工仔只會返工及放工坐2程車計算)

之前﹐我便因為這樣﹐手持3張免費車票﹐結果係要在其中一個星期放棄換免費車票。


講真﹐以使用方便來講﹐長程做回程9折會好一些。最少唔需要怕假期斷纜﹐亦唔需要煩免費車票點去使用。同埋唔需要每個星期五去排隊換車票。


ps. 小弟陰謀論﹐m公司唔想製作全新的免費車票﹐節省製作車票的成本﹐所以唔再推十送一。

原帖由 mak5052 於 2014-5-30 12:17 AM 發表
若果將遊客全日通改稱一日票，開放予所有乘客用，似乎仲好
另外，重新發行港鐵重鐵專用儲值票，如何？
初擬賣70元，票值100元，儲值用完可搭多一程 ...

m公司根本唔係太願意提供優惠給香港人﹐如果真係有心提供﹐老早已經把$50的日票供所有人使用啦﹐駛鬼講明只供旅客使用

而這些日票﹐仲要好似幾年無加過價


ps.  現時$24的西鐵屯門南昌日票係k公司的產物﹐亦是現時香港人唯一可使用的優惠日票。