咁都得?!乘客同車長夾埋 乘客搏私牌車免費過海

原帖由 wawa0006 於 2014-6-21 10:31 AM 發表
我認同車長做法確是有問題。但樓主會不會有點葡萄feel呢？

響iTalk常見post：車長敵視巴迷、不配合巴迷影車會被人出文鬧／投訴
；
車長善意對巴迷，賣個人情味俾巴迷，又被人出post寫。

巴士迷真的難服侍。有些出於善意又無傷大雅的事情，可不可以睇開一點？別要動不動出post寫人。
人地車長賣個人情，自己無得益，俾你掦出來，隨時被照肺扣奬金，真的很無辜！

如果一個司機﹐走漏眼令到乘客可以偷雞免費坐車﹐都可以當無件事。
但係﹐一個司機擺明有心提供個別乘客坐免費車﹐這便是有違公司及員工之間的誠信問題﹐同時亦有可能犯上偷竊(或相關)罪名﹐公司只要有足夠証據﹐係可以即時解顧的。

司機做得出的﹐亦應該預左有出事的一天﹐出事之後的後果係點﹐係自己換來的。


最後﹐學上面所講﹐慳到的十元八塊﹐你估真係好多咩﹐去7仔買支葡萄適都無左啦﹐洗鬼葡萄feel咩。

原帖由 sammyleung719 於 2014-6-21 10:59 發表
我洗葡萄? 9個幾家陣我比唔起?
而家成件事係好似老奉咁
正常出街載客我當你既"人情論"講得通
但呢架係私牌車呀哥仔
私牌車有客 咁岩出左事 你估邊個大件事d
同埋做錯事就要罰架啦 做錯野都可以乜事都冇 講唔通囉 ...

就呢單野，車長可以話載客後唔記得睇車上有無人就私牌走左，
而且唔見得巴士公司有咩損失喎，人地要過海可以坐船或地鐵，
唔一定要搭返巴士喎！
936去到總站都九點幾，呢個時間港島返葵涌係無九巴車架，930係城巴～

試過幾次上車訓到總站唔識落車，差D返左小蠔灣廠，
如果出事，你覺得係邊個責任先？

在巴迷討論區講呢啲盞俾人話葡萄乜魚蛋物, 因為認為冇問題的都唔係用一般人心態去討論,
正義同魚蛋只係一線之差, 我呢啲未聽過魚蛋論的一般人就係唔知咩係魚蛋論了,
反而更多的討論正在包庇不公事情發生, 可見巴迷擁有無比私心.

原帖由 石頭 於 2014-6-21 11:30 發表

就呢單野，車長可以話載客後唔記得睇車上有無人就私牌走左，
而且唔見得巴士公司有咩損失喎，人地要過海可以坐船或地鐵，
唔一定要搭返巴士喎！
936去到總站都九點幾，呢個時間港島返葵涌係無九巴車架，930係城巴～

試過幾次上車訓 ...

你講那情況, 車長責任會大

另外你個思考方式似乎不太正當, 好地地免費車人過海, 巴士公司都叫無損失? 唔理有無其他交通工具
可以選擇, 咁樣免費車人都係一種不當行為, 對公司都係有損失

不如又正式問下巴士公司容唔容許車長咁樣做? 叫唔叫有損失? 你仲要講緊係叫人講大話, 唔記得睇車上有無人,
講緊係7個人BOR, 其實你講呢D內容, 車長代表公司下, 故意容許部分乘客坐霸王車, 都好可能已經係違法行為

呢類思想相當危險

其實一直都有呢D行為, 但以前唔會有人好似講到"大條道理"般, 仲誇張到諗埋藉口....

PS 上次有站友講自己開緊急制幫被困人士, 一班人出黎講"公司規矩", 呢D情況又係唔係"公司規矩"呢....

PS 2 依家好多車有晒多個閉路電視, 大話真係易講?

[ 本帖最後由 3ASV196 於 2014-6-21 12:39 編輯 ]

竟然可以出到葡萄人，真心想問有關版友係咪成日都食到葡萄呢...

我又想TOUCH WOOD問，萬一車長私牌時出意外，7個巴迷都受晒傷，請問應該入誰數？

當搭唔到免費車就叫葡萄人時，咁請問佢哋TOUCH WOOD出意外時又係咪要葡萄返我呢？

原帖由 Alex01 於 2014-6-21 11:20 發表

依家D香港人真係難服待
自己冇得坐就要講到十惡不赦
完全符合黃子華嘅魚蛋論

唔好意思 有得坐我都唔坐
出事保險唔包 同埋比差佬問起上黎我可以點答佢?
再者 既然你講到我冇得咁做而講到呢件事十惡不赦
咁又何以見得跟車呢樣野好岩?
咁巴士公司做乜要收錢?個個免費上車都得啦
另一個例子 我同超市收銀員好熟 又代表可以任意係超市拎野走咩

原帖由 kei_hk 於 21-6-2014 11:19 發表
介紹套片給大家睇﹐唔駛睇晒﹐睇第一節已經足夠。http://mytv.tvb.com/drama/icacinvestigators2014/174964

呢個 Case 係講緊收受利益喎 , 應該同樓主所講嘅個案有出入 ?

上面咁多位都為呢啲小事嘈，又話乜嘢盜竊乜嘢萄葡乜嘢收受利益，
真係有啲無謂。恐怕有人去向執法部門投訴都未必得閒理你啦，
呢啲又唔係死人冧樓(但出事就唔同講法)。

我睇樓主所寫嘅文章又唔太覺得特別重萄葡味，
只覺得佢係睇唔過眼多啲想比人知多啲。
呢啲唔啱規定嘅事周不時都有，間間公司都有就唔係咁出奇。
話唔定有啲司機怕啲麻煩人，怕唔show佢哋會死搞住佢咪隻眼開隻眼閉囉，
有一部份巴迷係極為難搞都唔係第一日嘅事。

呢啲事簡單講，冇事就冇事，小事當冇事，但出事就大件事。

[ 本帖最後由 Dennis34 於 2014-6-21 13:31 編輯 ]

原帖由 Alex01 於 2014-6-21 11:20 發表

依家D香港人真係難服待
自己冇得坐就要講到十惡不赦
完全符合黃子華嘅魚蛋論

師兄
你的見解非常獨特

果然係物以類聚

有齊車牌同開出時間, 其實要追究都好易, 樓主不滿可以打27454466投訴有關司機