JR北海道取消Kiha 261系車體傾斜裝置

so sad港鐵打手...
九鐵年代果陣，東鐵係唔會幾日壞一次車，更加唔會經常性用到緊急接駁巴士
地鐵亦唔會經常訊號故障，電力故障
而家嘅港鐵...一個禮拜無壞可以做新聞啦

咁同樣用261系既Super宗谷咪唔可以係五小時內由札幌去稚內，雖然宗谷本線介乎旭川至名寄一段做過高速化工程

原帖由 HE7921 於 2014-7-8 18:39 發表
咁同樣用261系既Super宗谷咪唔可以係五小時內由札幌去稚內，雖然宗谷本線介乎旭川至名寄一段做過高速化工程

減速後最快都要5:05

原帖由 kinkisharyo 於 2014-7-8 14:33 發表
so sad港鐵打手...
九鐵年代果陣，東鐵係唔會幾日壞一次車，更加唔會經常性用到緊急接駁巴士
地鐵亦唔會經常訊號故障，電力故障
而家嘅港鐵...一個禮拜無壞可以做新聞啦 ...

以前新聞剩係會報大型事故，壞一兩班車新聞唔報你鬼知??

我由細搭東鐵大, 90年代行行下唔知壞D乜變回廠車係好平常，
更多時係一列車某三卡不載客，候車乘客要跑去其他卡，繁忙時間都可以發生，
當年東鐵的準點率可以低至70%

以前80年代末至90年代中，
東鐵日日繁忙時間甚至非繁忙時間都可以打扙咁款，鏗昌集都有報導過，
當年d官仲話唔認為九鐵服務有問題，因為調查顯示有一半乘客滿意九鐵服務，
今時今日咁講野肯定上硬頭條

原帖由 053h4 於 2014-7-8 21:41 發表
其實東鐵早就減速去"解決"道床引起的嘈音問題啦MLR用到五撈七傷咪又拖到最後先換車

世界級公司類比的話，利潤如同東海，質量叫好少少咁lor

另外，當年東鐵叫市郊鐵路，並非對應新市鎮失敗下的超高人流
人地京都就加卡四軌 ...

所以諗唔明MTR減卡加班等於增加載客量呢個道理
我其實想知宜家到底有幾多人，係唔知M記會12卡減到9卡之餘，仲要留低頭等呢卡怪物呢?

不過日本大部分路段行四軌，除左新快速等等既快速通勤列車外，都仲有堆特急同貨物列車用
香港方面既貨物鐵路收左工，直通車係高鐵通左之後既下場都仲未知
只係為左開快車去起多兩條軌，我諗M記應該唔會肯做

[ 本帖最後由 OTIS401 於 2014-7-8 23:57 編輯 ]

原帖由 rickywk 於 2014-7-8 09:06 發表
高速公路網發達先係令到JR北海道經營困難主因

我無數據，不過個人感覺認為唔係。

北海道係衰在少子老齡化、人口外流非常嚴重，就算高速公路，
離開札幌圈之後好多都係每邊單線，車流疏落，談不上對鐵路構成大競爭。

我2012年8月去，除了旭川－札幌－小樽這個corridor比較多人之外，
網走幾乎十室九空，聲稱係酒店的地方門庭破落，聲稱出名的海鮮餐廳只係做我地四個客；
釧路，我印象中係重要漁港，但去到冷冷清清，除遊客外好少本地人，
街上只有巴士，私家車甚少，市政府那些營造人氣的廣播反而顯得條路更淒清。
回程搭Super Ozora都係冇乜人，係去到帶廣先上得比較多。

可能我去得唔係時候，薰衣草開完、暑假完開學，但除札幌外一般上班族都係好少，只剩返一堆老人。

對外交通唔方便，鄉下地區年輕一代幾乎全部出晒札幌甚至東京大阪，周末都未必返去；
成個島越來越少人，交通基建投資大回報小，造成運輸效率低下，又再加重交通唔方便的印象，惡性循環已成。

至於你話拉直電化用迷你新幹線，這個方向我係認同的。

[ 本帖最後由 DIH 於 2014-7-9 11:02 編輯 ]

原帖由 053h4 於 2014-7-9 14:25 發表


其實成個日本都係咁, 除左首都圈到近磯, 其他地方人口外流都嚴重
首都圈同近磯圈佔左成個日本的一半人口
而其他地區的傳統上係制造業同農業主導, 但成個日本制造業人口跌破一千萬
即係話根本就無幾多工作人口係非 ...

1:提提你係"畿"唔係"磯"
2.近年札幌同福岡人口一樣keep住有增長,返而東京唔係年年都增加.
  其實而家日本人口流向係越黎越城市化,而唔係首都集中化.
  呢個問題其實對JR長途客量有好處(返鄉人口流量大o左)
3.北海道死局係因為,北海道只係近百餘年先有和人去開拓,
  根本冇九州咁多返鄉客量支持長途.  所以點解JR九州可以頂得住而JR北海道就入肉

[ 本帖最後由 Oliver_ME16 於 2014-7-9 16:51 編輯 ]

原帖由 DIH 於 2014-7-9 11:01 發表
我無數據，不過個人感覺認為唔係。

北海道係衰在少子老齡化、人口外流非常嚴重，就算高速公路，
離開札幌圈之後好多都係每邊單線，車流疏落，談不上對鐵路構成大競爭。

我2012年8月去，除了旭川－札幌－小樽這個corridor比較多人之 ...

我上年六月隨家人以自駕遊遊北海道, 可以咁講, 北海道除札幌, 函館外, 的確是地廣人稀, 一些我的見聞, 可以說明
1: 行程第三日, 至長万部擬食蟹, 非但不成, 且到達後見所謂漁港的停車場除我們的車同幾架貨車外, 沒有其他車輛
2: 同晚至函館, 到了八點幾九點, 店舖幾乎全已收工
3: 第五日至二世古, 下午五點幾火車站的票務處已落閘 (之後仲有大約2,3班車先尾車), 當晚晚飯食烤肉幾乎係包場(得兩枱客!)