西港島線同沙中線車站一問

西港島線:

上環站: 我留意得到A-D出口果邊, 現落客月台(即堅城方向)本身已有升降機上大堂.
呢部Lift現時當然只限落客. 西港線通左應該都會比客由大堂落月台.
但另一方面好似現上客月台(柴灣方向)唔見有Lift上A-D大堂.
請問M記方面係咪冇諗過柴灣方向加Lift, plan住所有要用lift的乘客一定要用E出口果邊上地面?


沙中線:

鑽石山站: 某一去探朋友行過, 見到鑽石山站沙塵滾滾, d商店大執位, 月台亦有d位圍晒板.
1. 月台中部同尾部都有圍板. 中間果度明顯係加Lift. 但調景嶺方向第三卡, 果度由係做乜事?
又唔似係幫扶手梯預留位加電梯.

2. 承上上題, 條扶手梯預留位兩側的店舖拆左又起翻, 純係退後左少少. 其實所謂何事?
店舖唔搬即係條梯都唔諗住裝?

甚少出post, 好奇想知. 請指教Thanks

上環站：
A-D出口應該冇計劃加lift，現有的lift都係用職員升降機改裝而成
現時就算是在A-D出口出閘，因為沒有連接地面的lift，都需要職員協助用stair lift返回地面

而E出口大堂就加左兩部lift，一部連接落客月台，另一部就上地面
我相信真係有需要用lift的乘客，應該會用E出口而唔會係A-D出口
因為他們可以自行離開車站，唔駛等職員開stair lift

原帖由 OTIS401 於 2014-7-16 22:10 發表
上環站：
A-D出口應該冇計劃加lift，現有的lift都係用職員升降機改裝而成
現時就算是在A-D出口出閘，因為沒有連接地面的lift，都需要職員協助用stair lift返回地面

而E出口大堂就加左兩部lift，一部連接落客月台，另一部就上地 ...

ching唔講我都冇留意A-D出口大堂係冇lift上地面. 謝謝.

其實現有果部Lift我留意得到, 大堂同月台之間其實係仲有兩次見到有門(仲有兩層).
一層係乘客都到得到果層中層.
另一層係....職員專用樓層?

另外唔知有冇人知大堂下一層果條扶手梯再落月台之前, 側邊有道大鐵門. 其實係咪同任何預留空間冇關?

PS. 上環站番工時間的落客月台, 同埋放工時間的柴灣方向本來已極其繁忙.
西線開左之後....兩邊方向的扶手梯同埋通道都要同時應付上落的人流. 加埋個咁窄的月台同埋月台前電梯通道一定會逼到混亂到飛起.

鑽石山站調景嶺方向第三卡好似寫住起電梯，反而舊預留位無動靜。

大堂近A出口店舖由南搬去北，中間都有一處圍板，唔知整乜。

連接新舊站的通道分別在A出口及大堂中間，可能整個大堂東面預留位都唔用了。

原帖由 DIH 於 2014-7-17 04:38 PM 發表
鑽石山站調景嶺方向第三卡好似寫住起電梯，反而舊預留位無動靜。

大堂近A出口店舖由南搬去北，中間都有一處圍板，唔知整乜。

連接新舊站的通道分別在A出口及大堂中間，可能整個大堂東面預留位都唔用了。 ...

小弟的留意到如下 :

油麻地方向約第2-3卡位置﹐好似講明係新電梯位﹐大堂層相應位置亦已經封了位。
工程真係好難才看到有無動靜﹐事關好多時都唔會在日常營運時間動工﹐以免燥音影響乘客﹐蓋過廣播。


現時大堂層不少商鋪搬位﹐除了OK及聖安娜外﹐其他鋪我相信係臨時位﹐供2-3年使用(即係去到沙中線接近完工之時)﹐以便舊位有空間進行不同工程。

舊大堂現時位置﹐本身都會有通道去新大堂﹐以便乘客轉車﹐如果向新大堂的一邊放晒店舖﹐相信對日後轉車人流﹐影響甚大﹐因此我推測係臨時商鋪位。


而調景嶺一邊的月台圍板﹐我估係自動梯工程﹐向調景嶺方向上升去大堂層。
大堂層會係以前的預留位﹐即係過去一直沒有開放給乘客去到的地方﹐所以連帶這一區的店鋪(如爭鮮外賣)要搬走﹐以便日後加番出入閘機﹐可用新的自動梯住返月台﹐同埋我相信此處會有隧道接通新大堂收費區及新月台﹐以便乘客利用這組新自動梯轉車。

如我推斷無錯﹐日後有機會在荷里活/彩頤一邊的入口﹐將不會再用現時這一邊的入閘機﹐改用預留位的一邊新入閘機進入收費區﹐以改善人流壓力。



最後﹐通去 a出口的單向自動梯﹐人流極高﹐聽講都有改善工程。
現時車站控制室前面 (原中銀櫃員機位置)﹐已經封了板一斷時間。某日行過聽到有員工講﹐話會打通天花﹐加條自動梯穿去上面行人隧道。
可信性都高的﹐事關真係要解決這一段人流過高的問題﹐同埋沒有向下的自動梯。

[ 本帖最後由 kei_hk 於 2014-7-18 10:34 編輯 ]

原帖由 kei_hk 於 2014-7-18 10:33 發表


小弟的留意到如下 :

油麻地方向約第2-3卡位置﹐好似講明係新電梯位﹐大堂層相應位置亦已經封了位。
工程真係好難才看到有無動靜﹐事關好多時都唔會在日常營運時間動工﹐以免燥音影響乘客﹐蓋過廣播。


現時大堂層不少商鋪 ...

多謝你的詳細分析同埋打聽消息.

其實整間舖用幾年又拆過又重置會唔會唔合經濟效益....

原帖由 cn2661_2d32 於 2014-7-19 04:00 PM 發表

多謝你的詳細分析同埋打聽消息.

其實整間舖用幾年又拆過又重置會唔會唔合經濟效益....

根本成個站改裝，大部份都係政府錢，包括月台/大堂之間的新電梯，取代原有職員載貨電梯改裝而成的電梯(使用中) ，都係入沙中線的工程，都係政府埋單。

調下鋪位，繼續出租收錢好過啦。反正舊鋪點都要拆，收回的租又一定cover到新鋪成本，隨時又係政府有份夾錢埋單，點解唔做。

ps. 某程度上重置店舖都係方便乘客，試想一下，因為沙中線工程令到所以鋪都要消失，對於習慣在車站購物的乘客，你話幾唔方便呢。

[ 本帖最後由 kei_hk 於 2014-7-19 16:53 編輯 ]

原帖由 OTIS401 於 2014-7-16 22:10 發表
上環站：
A-D出口應該冇計劃加lift，現有的lift都係用職員升降機改裝而成
現時就算是在A-D出口出閘，因為沒有連接地面的lift，都需要職員協助用stair lift返回地面

而E出口大堂就加左兩部lift，一部連接落客月台，另一部就上地 ...

其實

在A-D出口出閘應該可以

去信德中心，不過加設升降機並不符合成本效益，因爲上環站出口實際上並不太分散

原帖由 kei_hk 於 2014-7-18 10:33 發表
小弟的留意到如下 :
油麻地方向約第2-3卡位置﹐好似講明係新電梯位﹐大堂層相應位置亦已經封了位。
工程真係好難才看到有無動靜﹐事關好多時都唔會在日常營運時間動工﹐以免燥音影響乘客﹐蓋過廣播。
現時大堂層不少商鋪 ...

現時車站控制室前面 (原中銀櫃員機位置)﹐已經封了板一斷時間。某日行過聽到有員工講﹐話會打通天花﹐加條自動梯穿去上面行人隧道。

"聽番黎 only"
大堂層往 A出口隧道不會有重大更改..
但大堂層 A2 方向會有新公眾隧道 (非收費區) 連接新大堂

http://hk.apple.nextmedia.com/realtime/news/20130325/51314995
http://www2.news.sina.com.hk/news/20130326/-2-2927747/l/1054987.html
(以闊度估算，A2 方向及 B 出口連接新大堂之通道應為非收費區, 中間之通道為收費區)

舊大堂現時位置﹐本身都會有通道去新大堂﹐以便乘客轉車﹐如果向新大堂的一邊放晒店舖﹐相信對日後轉車人流﹐影響甚大﹐因此我推測係臨時商鋪位。

個人估計相反，大部份店舖都是近新大堂方向，在 A2 方向通道及收費區通道中間
佈局類似九龍塘觀塘線站大堂

但另一方向之大堂應該會保留作非收費區通道連接 A 及 C 出口..

至於臨時鋪位，港鐵所有商鋪位都要經消防署及屋宇署批準的，
(因為商鋪位的消防要求跟其他位置不同)
該類入則絕非一年半載可以獲批，所以不大可能會有臨時鋪位出現

[ 本帖最後由 mrm23 於 2014-7-24 22:01 編輯 ]

原帖由 DIH 於 2014-7-17 16:38 發表
鑽石山站調景嶺方向第三卡好似寫住起電梯，反而舊預留位無動靜。
大堂近A出口店舖由南搬去北，中間都有一處圍板，唔知整乜。
連接新舊站的通道分別在A出口及大堂中間，可能整個大堂東面預留位都唔用了。 ...

應該用不著了，
如果要勉強用上東面大堂預留位置的話，整個佈局就會類似太子站北面大堂....
只能進，不能出..

所以現有的預留位置或會稍有改動，但應該不會有重大加建..
又或者可能留待到有需要時才興建..