MTR派免費車票給予西鐵受影響乘客作補償

原帖由 LN9267 於 2014-7-25 09:50 發表


我覺得當年九鐵這麼重視西鐵，是因為九鐵90多年來沒有新的長途鐵路線，所以從興建西鐵到通車都為西鐵做很多宣傳，沿線車站亦比其他線大。

至於現在港鐵年代，我覺得港鐵是從市場角度出發，因為如果沒有補償，月票客隨時流失，改 ...

如果係為箍月票客，咁既方法就更有問題，對於月票客，送一張免費單程飛有乜用？就好似食放題/自助餐送多一樣食品一樣荒謬。不如下月或再下月既月票減價$10-$20仲實際。

月票唔只西鐵有，另兩條「另一方向」字頭既路線都有，其中一條線仲要係壞車王(再加上「有乘客進入路軌」此種幾乎已成該線獨家專利既意外)，但那兩線有事故，幾時有過補償？幾時話會驚月票客流失去巴士？(已經唔再討論相比西鐵月票，該兩線月票有幾搵笨)

除此以外，油塘同調景嶺，簡直係觀線將線壞車孖寶，觀線將線客又幾時有過補償(除左將線通車初期試過一個上午免費)？

都係o個句，西鐵呀西鐵，你覺唔覺你獨大得太過份？

MTR Service Update 尋日朝早11點已經率先公佈，相反MTR官方FB Page係今晚11點先至正式公佈

人地(MTR Service Update)唔講我(MTR)唔講，人地講咗我先講
唔知MTR係咪想一直收收埋埋唔講呢件事

加上有唔少月票客係由推出時買到而家，
邊會咁容易為咗一兩次事故而放棄續購優惠月票，
如果唔係買少一次就只可以買正價月票。

況且搭返巴士車費隨時貴過用東/西鐵月票，
用嘅時間多啲，遇塞車而遲到嘅風險又高啲，
根本好難會有好多客流返去巴士。
16樓位板友似乎想得簡單咗啲，無理到呢啲因素。

又搞個大頭佛。盡在元朗FB有人post尋晚6:30p幾十人嚮朗平排隊。今朝錦上路我去買全日通，前面一個阿叔就「傾」咗2-3分鐘。

原帖由 mckhgc 於 2014-7-25 20:38 發表


如果係為箍月票客，咁既方法就更有問題，對於月票客，送一張免費單程飛有乜用？就好似食放題/自助餐送多一樣食品一樣荒謬。不如下月或再下月既月票減價$10-$20仲實際。

月票唔只西鐵有，另兩條「另一方向」字頭既路線都有，其 ...

其實成件事簡單少少
一開始發生事故時就開始派車票 , 係出閘前去客務中心拎 , 反正個人係閘內就一定搭緊佢車
就已經唔洗搞到今次咁樣衰啦 ...

路邊社消息提到在尖沙咀站有大量自由行人仕都排隊攞飛 SO...

太陽報：港鐵延誤補鑊鬼祟派免費飛

但因指示出錯，職員同時向全日通、全月通、八達通及單程票乘客派免費車票。由今日起，只會向全日通或全月通乘客派免費車票，直至本月二十九日。港鐵承認無作公布，僅指示職員在乘客查詢時派發「心意單程票」。

又改啦

原帖由 樂仔〞 於 2014-7-26 11:11 AM 發表

其實成件事簡單少少
一開始發生事故時就開始派車票 , 係出閘前去客務中心拎 , 反正個人係閘內就一定搭緊佢車
就已經唔洗搞到今次咁樣衰啦 ...

根本班膠層完全想唔到補償受惠範圍，邊批人應該有/無，所以極為手鬆。
話唔定寫字樓的員工一聽完都已經知道，隨時爆多鑊。但係刻意唔講，擺明要公司出醜，或者多做多錯心態，廢事出聲。

結果，成個補償出街後要作出3次修改，你都咪話唔醜。


又或者，35年來第一次做，唔知點才做得好，有幾多漏洞，有幾多明呃的人，所以一直唔正式公佈，用偏門方法放料。另一方面可以睇下成個過程有什麼問題，之後有最終的補償方案，才正式發佈。

今日買月票，見前面只有4人，算啦！排一陣子而已，有個男人話「要張免費飛，要咁多個人資料做咩？」好唔想填及俾電話號碼咁……好簡單者，唔好要張飛囉！又阻住哂成條隊O係度拗，最後排我前面的3位都是只買月票+增值，快快快手……

東鐵綫都有月票，又幾個鐘，又冇咁多人嘈？
(真係月票減10蚊最實際，話唔定反而「吸引」到D人去買下個月月票，彌補番O個少少既流失……又唔洗專登花乘客時間及職員處理時間)