花蓮太魯閣客運數攝

原帖由 ksmbh 於 2014-8-21 23:57 發表

其實一路都係得台北高雄公共交通叫做好
台中近年急起直追
其他地方大部份人都開機車
東部人口較疏
公共交通基本上少到比無好少少
即使台南都唔見得好 ...

台中胡志強想起捷運，但高雄捷運蝕到趴低搞到中央唔肯資助起(綠線除外)
所以台中而家8公里免費同BRT目的都係想推高公交使用量去爭資助起捷運

原帖由 cheungtszfung 於 2014-8-28 21:30 發表

台中胡志強想起捷運，但高雄捷運蝕到趴低搞到中央唔肯資助起(綠線除外)
所以台中而家8公里免費同BRT目的都係想推高公交使用量去爭資助起捷運

但台中對公交的需求, 似乎比高雄更高, 台中的街上很少沒有人, 但高雄就算係美麗島站附近都可以冷冷清清.

高雄捷運蝕到趴低都係既, 非繁忙時間可以成個站得一個客等車, 唔蝕就假.

原帖由 gordon 於 2014-8-29 13:44 發表
但台中對公交的需求, 似乎比高雄更高, 台中的街上很少沒有人, 但高雄就算係美麗島站附近都可以冷冷清清.
高雄捷運蝕到趴低都係既, 非繁忙時間可以成個站得一個客等車, 唔蝕就假. ...

高雄捷運唔整悠遊卡已經係敗北，作為遊客我拎住張卡都寧願搭公交...次次企係售票機前面數神沙咩

原帖由 cky 於 2014-8-27 02:09 發表
西部要數點可能唔提嘉義
嘉義雖然叫做有條 BRT 叫做起咗
但市內公車一樣都係惡頂
東部的宜蘭也是
已經算較接近台北、基隆、新北呢 D 較繁盛的地區
公車都係只有城鎮間的連繫 ...

雪山隧道唔俾電單車用，加埋快過台鐵，d 大巴先可以賺到笑
另台北唔少泊電單車地方都要收費，密泊被抄又密d 人先肯多用公交

原帖由 NA3596 於 2014-8-29 22:00 發表

高雄捷運唔整悠遊卡已經係敗北，作為遊客我拎住張卡都寧願搭公交...次次企係售票機前面數神沙咩

有傳是高捷沒有政府資助整多卡通, 變成悠遊卡在高捷不通用, 但高雄市來說, 一卡通比起悠遊卡用途廣, 一卡通坐市公車免費, 但悠遊卡要付費.
我張一卡通是上次因為銀聯做Promote, 拿著銀聯卡可以在部份高捷車站獲贈一張紀念版一卡通(取卡時需記名).

此外, 北捷其實是拿了政府資助設立多卡通的, 但至今都只能使用悠遊卡, 有傳已令台灣很多其他縣市的民眾很不滿, 甚至聲言罷搭.(不過其他縣市持有悠遊卡的民眾極多, 至少台中已經佔了大部份民眾)

[ 本帖最後由 gordon 於 2014-9-2 16:37 編輯 ]

原帖由 89B 於 2014-8-30 03:21 發表


雪山隧道唔俾電單車用，加埋快過台鐵，d 大巴先可以賺到笑
另台北唔少泊電單車地方都要收費，密泊被抄又密d 人先肯多用公交

唔止抄牌，仲要拖走。臺灣街頭劃左紅線的地方都係不淮泊車，下面仲會有句「違者拖吊」

順帶一問, 台灣早前曾經講過台東縣是全台灣唯一沒有市公車系統的縣市, 那麼南投縣或者雲林縣是否已將其公路客運路線納入了市公車的定義上?
(雖然南投縣由2014年9月開始會有一條1號線市公車, 不過全日只有兩班車)

(最諷刺的是, 現在台東市公車發車密度, 比人口更多的花蓮好了不知幾多百倍, 花蓮的市公車比起金門或者馬公這些離島更糟)

[ 本帖最後由 gordon 於 2014-9-8 02:32 編輯 ]

台東市公車...用ROSA, 都是今年才有, 高雄客運子公司經營
花蓮本身有花蓮客運,不過都是跑公路客運為主, 太魯閣客運是今年暑假才開, 除上圖的301線, 還計劃開上太魯閣, 用車同樣是上圖低底盤立凱電巴, 並已試車, 只欠有關部門批准(主要是開放路權問題吧)

基本上, 花東地區居民的交通主要靠私家車或機車, 只是近兩三年多了外來遊客及今年花蓮台東段台鐵電氣化, 對外交通改善了才連帶市公車有需求...之前除了景點如太魯閤的路線,真係載空氣一般,我去過幾次花東地區, 一係靠台鐵及租單車/的士出入,一係自駕(不過真的好享受在台9線海邊的公路駕車!)

PS: 太魯閣客運的老總都是公車迷, 當年他在台中任職另一公司時見過一次面(私下的車迷會面), NICE GUY~

原帖由 leslie 於 2014-9-11 23:37 發表
我去過幾次花東地區, 一係靠台鐵及租單車/的士出入,一係自駕(不過真的好享受在台9線海邊的公路駕車!)

花東地區的公車理論上可以當透明，在街上見到的公車，大多是都是較長途往附近的鄉鎮公車

以前花東地區很少外地人去旅遊，近幾年則激增，實在有必要改善遊覽區的公交系統，
例如花蓮的清水斷崖/太魯等地，坐公車真是不方便，要去就包車/自駕！

我每次開車去花東都一定要行蘇花/台11線(花東間)，呢2條路都看到無敵海景。
另外我其實好想重開台北-花蓮(經國5+蘇花)及花蓮-台中(經中橫)客運線，
中橫公路是一條風景極美的觀光公路，近年越來越多人都想去，可惜坐公交走中橫是很不方便，
去主要都要自駕，我試過多次從台中開車經中橫往返花蓮，6小時內跑畢全程(夜晚行仲快)，
有兩次開架Golf/335i在凌晨02:00由花蓮摸黑經中橫返彰化，4.5小時就跑完！

原帖由 volvo_chan 於 2014-9-12 16:18 發表

花東地區的公車理論上可以當透明，在街上見到的公車，大多是都是較長途往附近的鄉鎮公車

以前花東地區很少外地人去旅遊，近幾年則激增，實在有必要改善遊覽區的公交系統，
例如花蓮的清水斷崖/太魯等地，坐公車真是不方便，要去 ...

花蓮開上清境都有得做

可惜中横成日山泥傾瀉，坐公車随時同司機係荒山過夜

上次我宜蘭租绵羊三天落花蓮再上中横去梨山就偶到山泥傾
瀉，結果等到八時才放行，但另一边有仲有班每天一班梨山回程返花蓮既巴士等待中
該班車好似早上花蓮去梨山，中午即走黄昏回到花莲
但我用绵羊都再行二小時先到梨山，估班巴士零晨後先返回花蓮