[消息] MOK, KOT 將換西港島線款式嘅閘機, 售票機同查閱機

其實對於日日搭MTR嘅本地人嚟講，右手拍卡左手推桿嘅呢類機其實效率最快，轉板/轉閘刀式都要等佢郁，通常要1-2秒機械反應，再加1秒人嘅反應，2-5秒先處理到一個人，三轉桿全只係人嘅反應，可以半秒到1秒一個人，至於重嘅問題，都係見人見志

原帖由 waterboy1984 於 2014-8-26 00:53 發表
其實對於日日搭MTR嘅本地人嚟講，右手拍卡左手推桿嘅呢類機其實效率最快，轉板/轉閘刀式都要等佢郁，通常要1-2秒機械反應，再加1秒人嘅反應，2-5秒先處理到一個人，三轉桿全只係人嘅反應，可以半秒到1秒一個人，至於重嘅問題，都係見人 ...

轉板/轉閘刀式

都係睇邊款閘機
將軍澳線果種就真係慢
但西鐵線同馬鞍山線果種一定有效率過

推桿閘機

同埋而家唔少人為免前面果個手袋撞到個

桿結果轉多次個桿搞到自己入唔到閘

往往都等前面果個過左閘先拍卡

令桿閘顯得更加慢

各位站友，我想問下一個問題，大窩囗同九龍塘見到果隻閘機係乜野型號？

原帖由 horsedog83 於 2014-8-27 00:10 發表
各位站友，我想問下一個問題，大窩囗同九龍塘見到果隻閘機係乜野型號？

都是港島線那款亞爾卡特，另外最奇怪的是鰂魚涌站C出入口啟用時是裝回舊款的機霸閘機，但是於幾年前卻改用亞爾卡特，另外藍田站雖然是於1989年啟用，但是閘機卻是機霸。

[ 本帖最後由 hkaiw 於 2014-8-27 01:36 編輯 ]

原帖由 kks 於 2014-8-26 12:48 發表

轉板/轉閘刀式都係睇邊款閘機
將軍澳線果種就真係慢
但西鐵線同馬鞍山線果種一定有效率過推桿閘機


同埋而家唔少人為免前面果個手袋撞到個桿結果轉多次個桿搞到自己入唔到閘
往往都等前面果個過左閘先拍卡
令桿閘 ...

其實我指嘅係，如果無手袋問題(其實香港人，尤其男士好少發生)，
推桿閘機 反而比 轉板/轉閘刀式閘機 少機會出現「等前面果個過左閘先拍卡」，所以快D，
轉板/轉閘刀式要等電腦機械反應又要等人為反應=雙重反應delay，而且「等前面果個過左閘先拍卡」比推桿閘機更嚴重，
因為熟手嘅人一般都係「右手拍卡嘅時候左手已經推緊閘」，拍卡過閘機乎同步，呢個方式係其他閘機做唔到，
我知西鐵版會快D，但唔好得幾多，如果你試過好似我咁喺尖東站閘口等人半小時以上，睇咁耐就知，

新聞話要開閘唔係閘機去唔切，而係人太多，咩閘機都死！

當然如果有雜物，例如自遊人最多嘅拖喼/拉車仔，推桿閘機就點都會卡住+慢

[ 本帖最後由 waterboy1984 於 2014-8-27 10:33 編輯 ]

原帖由 hkaiw 於 2014-8-27 01:33 AM 發表

都是港島線那款亞爾卡特，另外最奇怪的是鰂魚涌站C出入口啟用時是裝回舊款的機霸閘機，但是於幾年前卻改用亞爾卡特，另外藍田站雖然是於1989年啟用，但是閘機卻是機霸。 ...

美孚站(前地鐵部入) 及 荔景站都好似換過閘機﹐現時好似唔係用機霸閘機。

機霸果隻閘機係最好用...不過個袋大D，或者有行李果時就會好麻煩，大力少少就會撞到下陰....
港島線果堆機反應一般，因為重，人流疏散速度比機霸慢

果埋開板式閘機...算把啦...效率太差，當中油塘/將軍澳果批機最唔得，東鐵線果D就還可以，但有得揀都會用返機霸機

原帖由 peterkl 於 2014-10-23 23:02 發表
機霸果隻閘機係最好用...不過個袋大D，或者有行李果時就會好麻煩，大力少少就會撞到下陰....
港島線果堆機反應一般，因為重，人流疏散速度比機霸慢

果埋開板式閘機...算把啦...效率太差，當中油塘/將軍澳果批機最唔得，東鐵線果 ...

畢竟係習慣問題
如果用西區票務系統批機, 啲客慣咗前人過咗, 未閂閘就拍定卡, 咁樣流量一定係最快, 不消一秒過一個人,
所以亦解釋到點解用呢批閘機, 同一排可以裝少啲機嘅原因

但對於老一輩人來講, 呢批機如果等到閂閘先慢慢拍, 就會好慢; 甚或容易造成逃票問題

原帖由 waterboy1984 於 2014-8-27 10:29 發表

其實我指嘅係，如果無手袋問題(其實香港人，尤其男士好少發生)，
推桿閘機 反而比 轉板/轉閘刀式閘機 少機會出現「等前面果個過左閘先拍卡」，所以快D，
轉板/轉閘刀式要等電腦機械反應又要等人為反應=雙重反應delay，而且「等 ...

非常同意！我覺得舊閘機係有佢ge優勢

首先講下使用習慣同電子感應問題。自己搭左將線十年，有電子感應個d閘(我叫新閘機)特別係將線個批有d難用，因為當乘客超越黃線嘟Octopus Card，閘機係會"error"，跟住個客就唔明就繼續企係過個位係咁試張卡，但sensor 感應到有人仍然題示有"error"，跟住又等部機重設，咁就塞左一個閘機，大家都知坑口有幾多部閘機.......不過我覺得九記個d機就好過龜將線，當然型號唔同性能都唔同啦......

另外，舊閘ge機械系統，係確保完成登記手續先可通過閘口。好簡單，眼見有乘客無意間衝閘，即係讀卡器不能讀卡，閘機已"dee dee" 聲但個客無為意或太趕時間就走左，咁出閘個時就麻煩左.......如果舊閘機就會唔采你，推唔到轉桿出/入唔出閘，咁你就知係「嘟」唔到卡。

又講下，舊閘機ge系統用落就好放心，唔洗用腦。舊閘機個運作唔多講，我每次用都可跟住前面乘客，佢嘟左卡行去推桿時，我就張八達通提早放上讀卡器，同時行前小小，當轉桿轉左就即刻讀自己張卡，此時我已在推桿前，已可推桿出/入閘，所以成個流程係有步驟、好快，信息亦好分明，就係「嘟」唔到張卡就過唔到閘。


所以，因為有此機制舊閘機處理人流未必差，唔會咁易因為人為原因繼而產生的出錯，咁出/入閘都流暢，減少修正工作(即係個客行去客務中處理張卡)，反而新閘機就易d令個客不知所措。如果要全線轉用新閘機，真係要認真睇下電子咸應、流程設計。

[ 本帖最後由 bombardier 於 2014-10-26 22:44 編輯 ]

原帖由 kei_hk 於 2014-8-27 11:17 發表
美孚站(前地鐵部入) 及 荔景站都好似換過閘機﹐現時好似唔係用機霸閘機。

荔景站因為重組了月台的閘內外區域，順道連閘機也更換，而美孚站就更換了西面的閘機。