原帖由 transbus 於 2014-9-13 01:00 發表 
斷估你唔會問點解有805s之餘N281仲要入旺角道掛朋友?
剩係以上兩條o野經荃灣,
已經足夠令成個大西北大部份人都放棄用佢再轉N241啦. 對於旺角區返馬鞍山既人黎講，十個有九個都會揀805S。
若805S和N281同一時間離站，805S返到馬鞍山果陣，N281可能仲係顯徑圈/大圍站咋！
除非好似尖咀咁冇得揀，點都要焗搭N281，因為尖咀返大圍/馬鞍山係獨市。
而大西北果兩條N線，就算比佢拉到落尖咀，都未必會執到太多客。
一來兩條線都要經荃灣(直線都可以令人卻步，更何況要轉車呢)，二來差唔多路段有大量競爭(除左綠小和泥的之外，仲有紅小)。
至於270S，小巴始終做左咁多年，巴士只是近呢幾年才開。
如果巴士落到旺中一帶，的確比北區人多個選擇，尤其小巴咁供不應求的時候，不過成效存疑。
旺角返沙田區冇乜人會揀N281，因為各條返沙田區的小巴差唔多係車駁車咁黎；尖咀返沙田則獨市(唔知有冇泥的)；
大西北d綠van紅van線雖然唔算係密車，但服務範圍去到尖咀；且有泥的選擇，識窿路就可能會選擇；以致就算比巴士落到去尖咀，生存空間又唔算好大；當然有多個選擇都唔係壞事；
北區方面，基本上除左尖咀外，油麻地和旺角都有小巴，係唔知有冇泥的，所以270S就算落到旺角市中心(掂邊都算)，都唔一定會執到好多客。 | 
