「退縮」與「進取」的經營態度 - 九巴40

原帖由 FD5410 於 2014-9-16 00:57 發表

美孚呢個位, 點睇都係 42C 做架喇
轉 2A/6D 就仲簡單, 加返一大堆荃葵-西九線轉乘優惠

我成日搭都唔覺得慢到嘔喎
起碼可以同 38 同一時間到葵芳
而家繁時荃灣都唔少人搭

當然要再搶多d荃灣(山頭)客,
就要好似  ...

始終美孚都係要花一定時間
若果有空間既可以試下由九龍線自己做返都好既

咁講
38上完山清左一堆客先同佢同時間既
若果唔使經美孚既直情可以唔會見到面tim...

原帖由 238X 於 2014-9-16 08:51 發表

我保守少少，德士古道落橋，行楊屋道去大河道算數。
搞到好似 30X、234X 咁行我都有啲擔心。

睇下楊屋道想兜美孚定係跟 38A 經大窩口同葵涌道姐，同埋柴灣角兩繁都有返工客，
只做荃景圍/麗城其中一邊，加大河道同美孚，三個字一班差唔多啦。

我原先係諗住拆左條咁既線後，40 如心廣場開出改經楊屋道/關門口街（回程沙咀道），
補埋 42C 荃富街的功能。

不過你提醒左我，仲有一個玩法，一條停美孚經荃灣路直入楊屋道，再入麗城，
一條就荃景圍經青山公路（去程可能要跟 48X 入大河道）、葵涌道直上呈祥道，或者可以荃景圍/麗城調轉，
咁就兩邊都有全日觀塘車，問題只係如心廣場班客要行出少少，去楊屋道搭車。

原帖由 238X 於 2014-9-16 09:41 發表


東西快線喺西九龍嘅定線好難搞。
你有無好提議先？

我始終傾向起大埔道入龍翔道，
你上面個建議唔係唔好，但深水埔一帶就冇得受惠。

原帖由 Snoopy@FB8617 於 2014-9-16 11:11 發表
我都有諗過四小龍同海麗幫手撐下條線
再加埋深井/荔景山既需求一齊幫下手

不過似終應該客都係唔多夠
老九亦都未必想咁多條線繼續入觀塘...

真實上而家根本係冇九巴線由長沙灣去到觀塘市中心，
40 已經上左行呈祥道及龍翔道，6D 又唔到觀塘，
就算數埋 98C 都已經上埋觀塘繞道走。數數下得返就係 296C (296C 係深水埔開出黎，荔枝角工業區一樣都係冇線可揀），
如果九記真係咁唔想多條線入觀塘，或者真係要考慮起 296C 埋手處理。

其實美孚而家衰在叫做尾站
美孚<>深水埔<>黃大仙咁上係客源上比較正路
咁就要睇下美孚係唔係非要做尾站不可...

原帖由 AVD1 於 2014-9-16 15:32 發表

我始終傾向起大埔道入龍翔道，
你上面個建議唔係唔好，但深水埔一帶就冇得受惠。

大埔道上龍翔道始終有一大條斜路，仲要行多好多咪先可以上到公路，成本上唔太化算。
同蝴蝶谷比，果邊上斜路程短，上到呈祥道係平路踩到上極速再衝上斜，燒油程度明顯少好多。

以長沙灣廣場起步，我搭過好幾次的士經唔同道路去九龍灣，
行青山道上大埔道比起蝴蝶谷上呈祥道里數一樣，大埔道界限街里數最短，的士咪錶計大約少一公里。

原帖由 Snoopy@FB8617 於 2014-9-16 17:31 發表
其實美孚而家衰在叫做尾站
美孚深水埔黃大仙咁上係客源上比較正路
咁就要睇下美孚係唔係非要做尾站不可...

美孚如果兜埋青山道，先經大埔道上龍翔道，多花的時間
會比起荃葵兜美孚仲要多，青山道燈陣至少浪費兩個幾字。

況且九巴想搞美孚轉車站，我諗美孚尾站出觀塘係無可能變，問題只係最後用 38 40 定係拆多條荃葵線做。

原帖由 AVD1 於 2014-9-16 15:37 發表

真實上而家根本係冇九巴線由長沙灣去到觀塘市中心，
40 已經上左行呈祥道及龍翔道，6D 又唔到觀塘，
就算數埋 98C 都已經上埋觀塘繞道走。數數下得返就係 296C (296C 係深水埔開出黎，荔枝角工業區一樣都係冇線可揀），
如果九 ...

長沙灣/深水步往返觀塘，有地鐵紅小，係咪事必要有條全日巴士線去觀塘？

觀塘往返旺角，一樣有地鐵紅小，但係巴士執餅碎都夠做；
但係長沙灣深水步往返觀塘，舊 40 已經證明左，巴士執餅碎係唔夠做的。

從來唔係話由 A 去 B 一定要有巴士線直達，而唔使理會兩個地方之間的需求有幾大、仲有其他咩選擇。

同埋講真，296C 深水步服務範圍更遠離港鐵，比起青山道/長沙道，更值得有條全日巴士線去觀塘
（雖然結果都係唔係好夠客），不過要先執靚條走線，而唔係填海區擦邊而過。

原帖由 S3BL100 於 2014-9-16 23:00 發表


長沙灣/深水步往返觀塘，有地鐵紅小，係咪事必要有條全日巴士線去觀塘？

觀塘往返旺角，一樣有地鐵紅小，但係巴士執餅碎都夠做；
但係長沙灣深水步往返觀塘，舊 40 已經證明左，巴士執餅碎係唔夠做的。

從來唔係話由 A 去 B 一定 ...

中長途就話巴士有返啲優勢
但距離越近, 地鐵個優勢就返返曬黎
長沙灣深水埗一帶無謂為特快而特快, 甚至將巴士上埋大埔道
加埋本身道路限制, 根本結果都唔會快得去邊
太子轉車亦非常方便
車程輸之餘, 班次更大敗
觀塘特快最近去到美孚已經算效益範圍之內, 再近啲嘅特快都唔快, 十分無用

要巴士長沙灣深水埗特快去黃大仙就更浪費口水, 連私家車都未必快過地鐵
九龍西去九龍東去都係地鐵,小巴同流水餅碎吧喇
即使有需求, 但巴士點所謂特快都吸唔到呢班客

[ 本帖最後由 ccchhhuuunnn 於 2014-9-16 23:32 編輯 ]

要做東西九龍快線, 只係快到彩虹至火車橋,
而要整體改動最少, 似乎只有用13P搞.

至於40搞出o既美孚特快, 我支持用42c夾.

對38 40 40P自成一組重組較容易.

[ 本帖最後由 transbus 於 2014-9-17 02:31 編輯 ]