「退縮」與「進取」的經營態度 - 九巴40

首先我想表明, 本文不是想針對九巴, 而是一般的經營態度, 40是例子而已.

九巴40自從改成觀荃特快行龍呈祥道之後, 班次為15分鐘一班, 可是可能巴士公司見客量不如預期, 於是:

唔夠客, 便減班, 於是減至20分鐘一班. 這等於解決了問題, 還是治標不治本,「退縮」,令問題更甚?

如我偶爾搭40, 但變咗20分鐘之後, 我考慮都唔會考慮佢. 我用腳投票, 搭地鐵算, 免得等到我忟. 相信不止是我, 有部份客都有這樣的決擇.

反觀, 若果巴士公司採取「進取」型做法, 會否考慮如下:

我覺得40在九龍東的走線已經幾靚, 唔駛改, 而家個問題反而在西部, 而家除了美孚和荃灣大河道之外, 根本沒甚大站, 葵涌大窩口又同38/42C重疊, 與其執二灘, 不如發展自己的獨市優勢, 維持10-15分鐘一班, 總好過墨守成規, 只以為CUT班就解決了問題.

以40為例, 可否西行美孚後, 直達荃灣楊屋道/海濱一帶不近地鐵站的, 再經大河道, 至荃威/愉景/灣景? (這些遠離地鐵站而人口高的地方) 可能你第一個反應是”無坑”, 但想深一層是否全無餘地? 靈活調配, 還是比只是減班為好?

以上的就是「退縮」與「進取」

為何「進取」是那麼難做到, 理論上是乘客巴士公司雙羸的, 還是過區議會已經嚇怕了巴士公司, 多一事不如少一事?

重申, 不是只針對九記40, 重點是「退縮」與「進取」的兩種經營態度. 可能其他路線也見相近例子吧? 不妨分享一下, 鞭策一下巴士業.

你知唔知葵涌大連排都可以上唔少客㗎，skip 左葵涌點掂，美孚上唔到車都係因為葵涌多客，但現時入座率係點？

40 而家葵涌道有唔少工廠客，
叫做吸返d地鐵客，同舒緩左 38/42C 下繁個壓力
所以飛葵涌唔可行

而家荃灣搭 40 個行車時間都唔慢
如果真係純追求速度既，應該一早搭返紅小
遠離地鐵站嗰堆，其實可以上繁開幾班試水溫先
多客再加班
奈何響而家既政策下，都幾難做到...

中段減班嗰段，至少荃灣方向唔係無客
減班前都可以坐滿窗口位
當然而家會坐得更滿

樓主想40唔停葵涌就唔可能，自己雖然唔係日日搭，
但日日上下班見到40係好多葵涌客，我就有以下觀察:

自己每日喺葵芳放5點半，行返葵興一定會經葵芳邨分站，
約莫係5:42左右到該站嘅一班車，班車到站時都有坐近一半座位嘅客量，
閒閒地係可以有20人以上等，不過呢個鐘數經常都有後車追前車嘅情況，
試過經葵芳邨見開走一班後，自己5分鐘後行到新葵興就見到又有另一部40等燈。

近排間中遲十幾二十分鐘收工，見到近6點開始就可以有30甚至40人以上等，
而前兩個站嘅葵俊苑都有相當嘅人數係等，但埋得葵俊苑站嘅車都肯定有半滿。

到近半年嘅假日下午5點過後，間中都會搭佢由觀塘返葵涌，
喺彩虹邨上都就幾乎無位，到黃大仙都要企人，
仲聽過有客話搭40同坐紅小時間相差唔多，
至少九龍灣一帶上唔駛要搭紅小先到觀塘轉車，又唔駛等客。

原帖由 petcity 於 2014-9-14 18:37 發表
唔，40改時間表，某程度係多人時段開密左
其他冇客時段又減返，,唔係縮數

同埋，只不過部份時間唔夠行車時間，加返應有時間俾司機
同時穩定返班次(當然冇加車下只可以調整班次) ...

不過，果D所謂無客時段，基本上都可以坐滿窗口位，較少客班次可能要微蝕，但
其實 38 都係差唔多客量甚至更少人，又唔見佢將 38 減到非繁 15 分鐘一班？
38 獨巿位得葵盛，減少少班都唔會影響獨巿位吸引力，
40 相反仲做埋荃灣呢個全日多人的位置，又綁埋一大堆荃葵 M 線轉乘，潛在客源同戰略意義明顯更大，
亦需要 15 分鐘一班車，先有利於同紅小、地鐵競爭。

而且假日兩個方向都有行街客，仲減到全日 20 分一班？

[ 本帖最後由 S3BL100 於 2014-9-14 23:37 編輯 ]

原帖由 FD5410 於 2014-9-14 20:30 發表
40 而家葵涌道有唔少工廠客，
叫做吸返d地鐵客，同舒緩左 38/42C 下繁個壓力
所以飛葵涌唔可行

而家荃灣搭 40 個行車時間都唔慢
如果真係純追求速度既，應該一早搭返紅小
遠離地鐵站嗰堆，其實可以上繁開幾班試水溫先
多客 ...

不過我又覺得，如果開到一條美孚後經荃灣路直接剷入大涌道的新線
（我有諗過類似既野，心水係跟 30X 上荃景圍），咁就可以解決到 40 兜美孚的問題，
仲令到荃灣遠離鐵路站的屋苑有車直達東九，唔駛下下 M 線轉地鐵/40（M 線轉 40 站位唔係太吸引），
應該可以搶到新客，而且又做埋柴灣角工業區，一舉兩得。

車從何來？42C 飛起荃葵，嘔車俾 38/40/40P 同新線囉，同埋 40P 其實似乎可以上葵重組搞掂佢，
成堆重疊西九線五變四兼搵兩條改特快，可以慳到的車輛數目幾可觀。

當然到時一個問題係，成堆荃葵觀塘線上繁西行/下繁東行一樣都係爆到七彩，
搵條 42C 荃葵一邊無返工熱點，雖然可以加返落其他幾條線，而且回車加快，但唔知對於上繁西行/下繁東行運力有咩後果。

原帖由 S3BL100 於 2014-9-14 23:30 發表


不過，果D所謂無客時段，基本上都可以坐滿窗口位，較少客班次可能要微蝕，但
其實 38 都係差唔多客量甚至更少人，又唔見佢將 38 減到非繁 15 分鐘一班？
38 獨巿位得葵盛，減少少班都唔會影響獨巿位吸引力，
40 相反仲做埋荃灣呢個 ...

38 未減到 15 分鐘只係時晨未到
到佢轉定點, 自然會出現 15-20 既時段

其實 40 慢既原因為兜長沙灣，而唔係落美孚。

以下為非繁例子，有一日我大約 5 點準備去坐 40／42C 入荃灣，係觀塘市中心近 671 個站見到有部 40 上客，
我點都趕唔切，3-5 分鐘後，我上左另一部 42C。

去到青山公路落到葵涌道十字路口過燈，剛好見番部 40 等過燈，我就追過左部 40。
簡單黎講，40 只係浪費左少少時間係長沙灣，如果泓景臺度 U Turn 出番晒，咁就可以趕番果支燈。

40 快過紅小嗎？依點無可能，我今日坐左部紅小，係龍翔道近呈翔道口爬左 40 頭，
以紅小超速速度，點都係最快，最少節省 10 分鐘（如果係直通車可以節省 15 分鐘）。

[ 本帖最後由 dennis28a 於 2014-9-15 01:02 編輯 ]

38往平田, 葵興出黎昌榮路迴旋處調頭返大連排出美孚就做到原先40班客,
40大窩口開始跟42C行上路, 就已經cover晒d窿, 爭在係你上路去平田冇左車,
大連排去麗港城冇左車, 整番個38<>40互轉BBI就已經搞掂.

其實九巴唔做有佢原因, 若果40改同42C一齊行上路, 荃灣方向40平過42C,
容乜易班客上晒40唔搭42C, 位位收少幾毫子, 都係錢黎, 而38行美孚入葵芳,
會令到葵涌道大連排冇站落車, 九巴暫時仲未興鴛鴦走線, 一做就改晒兩條線,
一係乜都唔改就最保險.