政府計劃未來新增六條鐵路綫

原帖由 timmylee 於 2014-9-19 21:40 發表
嘗試combine 官方路線圖同GoogleMap, 比大家參考下
鑽石山: 彩虹道/五芳街
彩雲: 豐盛街/牛池灣街
順天: 順安道/秀茂坪道
秀茂坪: 秀明道/秀麗街
寶達: 秀茂坪道/寶達村達信樓
寶琳: 寶豐路 ...

如果如此，建議秀茂坪站更名中/下秀茂坪站，寶達站更名上秀茂坪，並加康盛丶順利兩站

原帖由 syp 於 2014-9-19 19:20 發表
(1) 明報的圖都冇標示邊條係協和街, 走線可以係協和街以北個噃, 深入地底的鐵路唔一定要沿街道行嘛。

(2) 明報圖啲線咁圓滑, 純綷將兩個站點用簡單弧線連起, 當然唔可以當作真實走線啦。

(3) 就算係學校底下穿過都未必有問題呀, 學校樁柱好淺啫, 甚至公屋樁柱都唔一定好深。

(4) 不過我同意明報的圖, 站位和走線和政府的有好大出入嘅。 ...

明報係冇標示邊條係協和街, 因為佢條紅線(順天站至秀茂坪站)疊住左, 秀茂坪站繼續行前少少,
成條協和街露晒出黎, 分岔位就係曉光街體育館同祥和苑的位置, 所以我先話即刻撞埋去翠屏道
100-102號兩間中學, 然後到翠屏北邨東北面幾座樓.

如果有得揀, 梗係盡量揀d冇建築物響上面的地方, 減少建造時對建築物的影響, 沿新清水灣道.
順利邨道.協和街一定唔係最好方案, 服務到人口最少, 而明報沿協和街方案, 由於即刻撞埋去
翠屏道兩所中學, 呢條走線必須要比翠屏道還要深, 由順天站下來, 原本只需到曉光街深少少,
就要深到去地面以下, 真係誇張; 而按你畫明報的方案, 秀茂坪站設在康寧道口, 只方便到
聯合醫院同順天邨居民, 位置頗差.

在2#的連結內, 章節3.37有一句:「在分析東九龍線若干走線並考慮沿線的山勢後，我們認為
目前的方案最為切實可行。... 如何最佳地優化鐵路方案，並盡量釋放周邊地區的發展潛力。」
據報告內方案, 沿線的確有不少位置可作發展用途而未被利用, 多數係一d山邊位置.

原帖由 jonathanngan 於 2014-9-19 22:06 發表
根據http://www.hyd.gov.hk/tc/publica ... 4/doc/rds2014_c.pdf
入面幅圖，要我話番上Google Map會係咁。。。

如此一來順天同寳達站恐怕要正名，因爲寳達站明明係興田同康華苑。。。http://www.hkitalk.net/HKiTalk2/i ...

你自己畫錯晒仲要話人

原帖由 mak5052 於 2014-9-19 22:26 發表
如果如此，建議秀茂坪站更名中/下秀茂坪站，寶達站更名上秀茂坪，並加康盛丶順利兩站

板友拼的圖有部份是對到位的(如啟德機場跑道), 安達臣發展區同石礦場分界線是安達臣道,
一看就知離晒罩, 發展區同秀茂坪道.順安道係貼住, 又係拼到離開左, 所以不需要改名.

為左就爬升高度以設個咁既走線，根本就係因噎廢食，不如慳返D錢

我之前講過既方案咪幾好，將交匯點拉到九龍塘站，令爬升既空間進一步拉長，連慈雲山都做到:

http://www.hkitalk.net/HKiTalk2/ ... ;page=29#pid2959761

如果要接寶林....坡度永遠都會係一個大問題

原帖由 straysheep123 於 2014-9-19 23:04 發表
為左就爬升高度以設個咁既走線，根本就係因噎廢食，不如慳返D錢

我之前講過既方案咪幾好，將交匯點拉到九龍塘站，令爬升既空間進一步拉長，連慈雲山都做到:

http://www.hkitalk.net/HKiTalk2/viewthread.php?tid=827315&page ...

但是這樣東九龍線不能與東西線轉乘，不太好。至於寶琳，可否以怡心園以東高架處理？
另外，大家認為東九龍線的車廠可以在何處？我想到以下位置：
A：斧山車廠，在平定道以東
B：魷魚灣車廠，在將軍澳村與魷魚灣村間之山邊

就算沿協和街, 跟住在秀雅道遊樂場轉往曉光街, 也不用觸及翠屏邨和二學校, 亦不違明報圖的大意。

原帖由 Dennis34 於 2014-9-19 11:55 發表
唔好唔記得荃屯單嘢，突然間又話研究，
最後又係以技術問題否定。
而政府就喺呢個時候推呢件嘢出嚟，
似係想為民意降溫同有政治目的，唔係真係為起鐵路咁簡單。

東九線嘅技術難度高，
今次都只係納入藍圖，到將來兩任嘅政府時，
...

研究屯

荃只不過係為左通過擴建堆填區, 但東九龍線似乎無咩政治目的...睇落確實係想解決觀塘山上交通問題

原帖由 syp 於 2014-9-19 23:17 發表
就算沿協和街, 跟住在秀雅道遊樂場轉往曉光街, 也不用觸及翠屏邨和二學校, 亦不違明報圖的大意。

不斷話明報係秀雅道遊樂場地底起站, 而我就睇到係協和街地底起站, 再咁講落去冇意思.

你在143#仿明報畫的圖, 金茂坪至寶達一段係冇問題, 利用曉光街遊樂場.觀塘官小(秀明道)及秀茂坪南邨南面的空間,
轉彎的弧度比用曉育徑更好. 而我想更正一樣野, 熱心板友引用報告幅圖同google map拼埋一齊, 本身報告幅圖有bug,
成舊安達臣個位置不對位, 以致拼出來跟google map有出入, 不過條東九龍綫應該冇問題.

原帖由 鴨咀帽 於 2014-9-19 23:32 發表

研究屯荃只不過係為左通過擴建堆填區, 但東九龍線似乎無咩政治目的...睇落確實係想解決觀塘山上交通問題

人地話有就係有, 覺得冇就係冇.

如果唔起鐵路, 就咁用早幾年提出的方案, 叫人用佢起果堆行人設施由安達臣道行路落觀塘搭車就唔係政治目的咩,
唔想俾人話政府有目的, 連條路都唔好擴闊, 巴士上到去就上, 有得搭就搭, 冇就行路落觀塘, 咁就應該冇政治目的.

[ 本帖最後由 EX-TL 於 2014-9-19 23:43 編輯 ]