消失了的班次

話說小弟昨天朝早需要搭601 由金鐘去觀塘(唔好問點解唔搭鐵既幼稚園既問題 先謝!)
當時時間係10:44 A.M 根據乳豬紙上既時間 10:50 A.M 會車 等6 分鐘 不失為過呀...當時冇車係坑
問題來了 小弟等左3,4 分鐘左右 見到有2 架九記既601 到站 一架到左落完客即私走 後面果架就停左係度 諗住應該係呢架掛 等到10:50 A.M 個司機仍未開車上客 已經覺得奇 唔通塞車需要押後? 當時既班次係5 - 14 分鐘 咁如果係押後 都算喇 到左10:51A.M 呢班車個司機番黎開車 不過又係私走!冇幾耐第3 架九記601 都到 個電牌已經一早轉左暫停服務,即係唔駛預佢....最後 終於有車開 係新記既(一早已經擺左係隔離孖坑) 開11:02 A.M!
即係10:50 A.M 果班冇左 兼等18 分鐘先有車 (未計前車開車時間 )

小弟愚昧 請問聯營過海線 去到營運時段交接時間 係咪會有一班車"自動" 消失??

[ 本帖最後由 FD_8592 於 2014-9-18 09:02 編輯 ]

大佬呵,601九巴去到總站私走,好大機會係該段時間已經係新巴時段,九巴站長一般唔係大件事(例如遊行封路)都唔會係對家時段開自己既車,佢地會踢去中途起載避免踩過界,所以要新巴既車先可以開.

101下繁踢車係非常誇張,夜晚6點幾7點幾可以有十幾二十部新巴入到裕民坊要私牌走,然後半個鐘都冇部九巴返到總站.

原帖由 FBI2 於 2014-9-18 09:31 發表
大佬呵,601九巴去到總站私走,好大機會係該段時間已經係新巴時段,九巴站長一般唔係大件事(例如遊行封路)都唔會係對家時段開自己既車,佢地會踢去中途起載避免踩過界,所以要新巴既車先可以開.

101下繁踢車係非常誇張, ...

101 兩邊站長都好興將自己D 車私過對站，務求頭車可以準時開出，
然後將對家過鐘o既十幾部車一次過踢走晒

頭車開完...二車咪等自己原定開對站頭車o個班車慢慢做到去總站再開，過起鐘上黎隔半粒先開好常見

原帖由 VA54-HN8897 於 2014-9-18 09:42 發表

101 兩邊站長都好興將自己D 車私過對站，務求頭車可以準時開出，
然後將對家過鐘o既十幾部車一次過踢走晒

頭車開完...二車咪等自己原定開對站頭車o個班車慢慢做到去總站再開，過起鐘上黎隔半粒先開好常見 ...

101九巴得80分行,新巴得70分行,邊個車手上去都過晒鐘啦.
下繁見九巴頭車一樣遲大到開

原帖由 FBI2 於 2014-9-18 09:31 發表
大佬呵,601九巴去到總站私走,好大機會係該段時間已經係新巴時段,九巴站長一般唔係大件事(例如遊行封路)都唔會係對家時段開自己既車,佢地會踢去中途起載避免踩過界,所以要新巴既車先可以開.

101下繁踢車係非常誇張, ...

大大佬呀~想問10:50 a.m 係九記時段尾車時間定新記時間頭車?
記住呀 我有講10:44 已經係站等車 但冇車係度 第一架當佢過鐘私走 第三架我知過左時間一定係私走 咁第2 架呢?因為踩界私走?(架車10:51 先私走 因為個司機行開左好耐...)
咁如果10:50 係新記頭車時間 但開11:02 對比前前車開車時間(當10:50 或之前係12分班 即前前車開10:38. . . 之後就到11:02 ....)   咁咪超過左果段時間5 - 14 分鐘既班次?

[ 本帖最後由 FD_8592 於 2014-9-18 21:57 編輯 ]

昨日下繁6點到係熙信(新巴時段)等101過九龍

等左4個字先有3架101 (後2架係拖著)
我上左後面果架 見到灣仔站條龍成50-60人
之後轉左灣仔道先跨張 成2架101係菲林明道站泊係到等上客
但唔包當初我之前拖著果架101
結果我果架當然連南洋站都飛埋

根據我手頭上一份十幾年前既聯營過海路線時間表
601金鐘開09:39-10:46係九巴時段
不過十幾年後既今日
就算呢十幾年之間既開車時間上有調整過
估計應該只不過係前後幾分鐘左右
時間上估計應該差無幾

所以估計樓主個時間應該處於剛o岩係九巴新巴時段尷尬位

[ 本帖最後由 kmb71k 於 2014-9-18 22:28 編輯 ]

原帖由 kmb71k 於 2014-9-18 22:25 發表
根據我手頭上一份十幾年前既聯營過海路線時間表
601金鐘開09:39-10:46係九巴時段
不過十幾年後既今日
就算呢十幾年之間既開車時間上有調整過
估計應該只不過係前後幾分鐘左右
時間上估計應該差無幾

所以估計樓主個 ...

其實問題係
1.如果新記頭車開11:02 係正確 根據果個時間最疏係12 分一班 即應該仲有班10:50 係總站開 但果架車冇開 反而等到夠鐘就私走(也許係私出出面載) 係正常? (斷估開正10:50 都唔叫踩界吧?)
2.咁如果係總站咁岩送走左尾2 車車尾 但又未到尾車時間兼同時冇車 但有車又唔係上客走 即原本最疏12 分一班(新記時段最疏係14 分) 變左24 分一班係正常?

係對呢兩點有d 懷疑吧了~

原帖由 PS8851@182 於 2014-9-18 23:47 發表
實際班次會因交通情況而作出調整嘛, 就算編定係10:50開尾班, 如果明知會過鐘開唔切的話站長都可能將呢個時段班次排疏d, 過鐘既車私返過對面海, 穩定返較多客方向既班次好過; 又或者第二班車根本就係編定私對岸/私廠 ...

而家有車在站都唔開係「合理」，係「因交通情況調整」咩？  

如果咁講，編定既班次都可以突然消失，個時間表整出黎做咩？