信用卡愚問

是咁的, 小弟一向用開信用卡月供股票, 當逼下自己儲錢, 一向相安無事.
月供正常係每月13號扣錢.
信用卡每個月係12號截單.

**所以正常來講, 1月果期股票係2月12日先截, 3月先還.

但今個月唔知銀行發乜神經, 12號幫我扣月供筆錢, 即係今個月信用卡岩岩就要比兩期股票錢.
即係假設平日每個月儲$5000(供$5000), 今次就比佢扇左鑊今次張單就$10,000.
咁樣造成周轉壓力, 因為下個月尾一定還得到 (本來筆錢就係預左下個月), 但今個月還就真係好難.

咁我想問, 如果我照原定計劃今個月照只還假設的$5000, 剩下的$5000 (min pay 係$200所以一定還凸)下個月先還.
另加下個月假設有新加的$2000生活簽帳同暫停下一個月股票供款. ie. 下個月張單係$7000欠款.
利息會大約點計?

#今次開post係純討論計數, 不打算討論理財策略, 希望手下留情.
Thanks 各位

我只會同你講﹐信用卡如果過期唔還清﹐你先要付手續費。

而欠款係以簽賬當日﹐即係你扣數的一天開始計利息﹐好似最平都 3x%﹐條數絕對係好 "金" 的。

你唔清楚點去計﹐你可嘗試打電話去card center 問下職員﹐他們有責任提供正確答案的﹐包括手續費及相關的利率。


這個情況﹐你倒不如問家人/親友/朋友借﹐應付整筆卡數。反正你都講﹐下個月同樣時間一定還得起﹐到時請人食番餐飯﹐隨時仲比銀行罰的手續費+利息仲抵。

留意一樣野﹐你應該要預銀行的過數日子有誤差﹐特別係信用卡截數日前後1-2天的交易﹐遇有假期真係會同你提早或押後的。




至於你的理財策略﹐好明顯係有問題的。供股票等投資﹐一定係自己的多餘的空閒錢﹐供完唔會令你日常的儲備金空清的。
萬一大吉利是講句﹐你現在突然間要一筆錢急用 (eg. 大病應急 / 屋企必需電器故障要更換.....)﹐按你描述﹐你連這些錢都無法取到出來﹐到時真係發生﹐我真係睇下你邊到去嘔筆錢出來交卡數(供股) 及 取錢應急。

你應該重新去審視你的供股能力﹐適量的調低供股額或停止供股﹐以留番一定的流動現金作應急之用﹐而這筆應急錢起碼要夠你2個月的日常總開支(包括你的供股投資)。

樓上師兄無錯但如果只係咁岩係今個月有問題
應該要考慮免息分期
(恆生/中銀)
但長遠應該要諗下係咪供少啲

可以順便問下銀行有冇可能將張單的截數日改為遠離你的月供投資過數日, 即使只係改一個禮拜前後,
例如每月20號或7號, 尤其後者, 應該好少有自動轉賬係7號左右過數.

十三號係星期六，提早一日扣數係咪因為呢個原因呀？如果真係呢個原因，呢個情況陸續有黎喎。

番去check下信用卡用供股票條款好D喎。

照咁睇，更改信用卡截數日應該係長治久安的方法。

[ 本帖最後由 s3n370 於 2014-9-22 12:34 編輯 ]

供款日通常有遲無早,
打去銀行問下吧

原帖由 kei_hk 於 2014-9-20 23:08 發表
我只會同你講﹐信用卡如果過期唔還清﹐你先要付手續費。

而欠款係以簽賬當日﹐即係你扣數的一天開始計利息﹐好似最平都 3x%﹐條數絕對係好 "金" 的。

你唔清楚點去計﹐你可嘗試打電話去card center 問下職員﹐他們有責任提供正確 ...

多謝師兄肺腑之言. 小弟入世未深, 本來一心諗住極度保守去儲錢, 所以扣晒每個月必要開支, 家用, 娛樂費用,
剩下都逼自己供藍籌股, 總好過自己keep現金洗左都唔知, 用卡去供又儲埋分換下coupon都好.
就係計漏左截數日同埋師兄所講的應急金.

我會積極考慮以後唔好過度進取同急功近利.

原帖由 PoohPoohJoe 於 2014-9-22 00:16 發表
樓上師兄無錯但如果只係咁岩係今個月有問題
應該要考慮免息分期
(恆生/中銀)
但長遠應該要諗下係咪供少啲

原帖由 EX-TL 於 2014-9-22 00:39 發表
可以順便問下銀行有冇可能將張單的截數日改為遠離你的月供投資過數日, 即使只係改一個禮拜前後,
例如每月20號或7號, 尤其後者, 應該好少有自動轉賬係7號左右過數. ...

原帖由 s3n370 於 2014-9-22 12:32 發表
十三號係星期六，提早一日扣數係咪因為呢個原因呀？如果真係呢個原因，呢個情況陸續有黎喎。

番去check下信用卡用供股票條款好D喎。

照咁睇，更改信用卡截數日應該係長治久安的方法。 ...

原帖由 EX-TL 於 2014-9-22 00:39 發表
可以順便問下銀行有冇可能將張單的截數日改為遠離你的月供投資過數日, 即使只係改一個禮拜前後,
例如每月20號或7號, 尤其後者, 應該好少有自動轉賬係7號左右過數. ...

我research左幾日先發現原來有信用卡帳單分期服務.已經申請等聽日批核.
佢個system已計比我 條意外支出 (唔係$5000. 上述$5000只係舉例), 分六個月利息都係收多我兩舊水.
當兩舊水買個教訓.
其實我唔想分六個月. 所以我會下個月就書面通知叫佢即時還款.
(就算息照收都冇所謂. 只係想快d write off)


**另問, 乜信用卡截數日有得改?

[ 本帖最後由 cn2661_2d32 於 2014-9-23 14:02 編輯 ]

原帖由 cn2661_2d32 於 2014-9-23 02:00 PM 發表






我research左幾日先發現原來有信用卡帳單分期服務.已經申請等聽日批核.
佢個system已計比我 條意外支出 (唔係$5000. 上述$5000只係舉例), 分六個月利息都係收多我兩舊水.
當兩舊水買個教訓.
其實我唔想分六個月. 所以我會下個月就書面通知叫佢即時還款.
(就算息照收都冇所謂. 只係想快d write off)


**另問, 乜信用卡截數日有得改?

假設你成功取得分期﹐你都無必要提早還清﹐依期依時還便可。

唔知你有無問過職員﹐如果提早還清又點處理。例如是否只需照付全數利息﹐定係要額外手績費。
這一點你必須問清楚﹐有時唔係你想提早清便提早清。


與其都可以分期﹐利息又已經計算埋﹐安心留筆錢在未來幾個月做備用現金﹐但緊記依時依期還錢便可。
以免未來幾個月又出現截數問題﹐令你超出還款能力。




至於改信用卡截數日﹐我未聽過可以這樣做﹐不過你都係可以問下銀行card centre﹐可能個別銀行係容許的。
不過﹐你改截數日﹐一樣有機會更改的一期﹐都會出現你要一口氣交2期供款的。



ps. 既然你明白了應急錢的重要性﹐你應該盡快檢討你的財政問題﹐看看是否需要短期內調整你的投資金額﹐直至有足夠的應急錢為止。

ps2. 唔少人都會建議你的應急錢﹐係你自己正常幾個月至半年的日常開支總額 (包括必要開支及一般的娛樂﹐供樓﹐投資.......)。
即係﹐你一旦唔好彩突然失業﹐你都可以有幾個月時間去搵工﹐同一時間都唔會影響到你的生活﹐最少你可保持相同的生活水平。

[ 本帖最後由 kei_hk 於 2014-9-23 14:40 編輯 ]

原帖由 cn2661_2d32 於 2014-9-23 14:00 發表


另問, 乜信用卡截數日有改? ..

其實我自己都未聽聞, 只係建議你藉住今次事件問下,
總不可能每次十二號星期五你都要突然多左錢要交,
下次十二號係星期五, 十二月就係, 會唔會又嚟多次,
問清楚先好!