【一年前】李兆基：「佔中」最多咪「玩一晚」

原帖由 ATR83 於 2014-9-29 00:22 發表
唔係呢個意思,我係欣賞佢地對爭取公義既勇氣
但咁代表可以步步進迫同衝擊警方防線?機會一直有俾佢地
如果警方蹤容佢地,唔做野,聽日香港會變成點?
個人好想香港有真正普選,佢地就想格硬來,咁點討論? ...

當日應該係police推翻出去，先做成沖突.....而點解要推出去？我就唔知啦

原帖由 DGCNYO 於 2014-10-1 00:28 發表

當日應該係police推翻出去，先做成沖突.....而點解要推出去？我就唔知啦

根本差佬 o既舉動真係耐人尋味，
9/28 搞左場大龍鳳出黎之後又唔繼續，
而家黎到 10/1 啦，越黎越多人起條街到，仲要而家愛理不理咁款，
你話佢想點？

假如係唔想理，咁差佬當初無啦啦又放乜野摧淚彈？
(當然我係有睇報紙，有指梁振英直情想開槍對付示威者，仲話要死 500 人。啦，該報紙就講左唔知有冇根據，但係我覺得以梁振英個作風真係做得出。）

[ 本帖最後由 AVD1 於 2014-10-1 19:03 編輯 ]

我之前就話佔中係自暴其短浪費彈藥既。
而家證明我睇錯，香港市民對洋蔥圈及其政府之怨憤已不能控制。
落場睇過，旺角係當晚有人話佔就去佔，無主事人，行動模式前所未有，
甚麼佔中學聯學民通通唔見影，市民輪流發言或貼民主牆（巴士），
其中最主要訴求除了真普選之外就係689下台，而我諗大家都相信這比推翻人大決定來得容易。

同時，出現防暴隊鎮壓之後，好多市民睇唔過眼，就算唔理甚麼真普選都要求689下台，
整個活動已有了自己的生命，並非任何學者議員可以控制。
政府高官一日唔明白呢點，都唔可以解決到件事。

在網上睇到有人話當晚放催淚彈好似噴殺蟲水，
我就諗到香港人真係好似小強，越趕只會越多返轉頭，
如果暴力鎮壓升級，就算畀你威得一時，對政府之怨憤只會越積越多，
而且唔似北京當年學運有外省人可以返鄉下，香港人無路可退，
到時廚房就係軍備室、廁所就係火藥庫，大規模械鬥內戰都有可能。

[ 本帖最後由 DIH 於 2014-10-1 14:56 編輯 ]

原帖由 DIH 於 2014-10-1 14:55 發表
我之前就話佔中係自暴其短浪費彈藥既。
而家證明我睇錯，香港市民對洋蔥圈及其政府之怨憤已不能控制。
落場睇過，旺角係當晚有人話佔就去佔，無主事人，行動模式前所未有，
甚麼佔中學聯學民通通唔見影，市民輪流發言或貼民主牆（ ...

梁振英會唔會落台就要睇中共取態，
假如佢死要面，咁佢點都要死攬梁振英。
但係如果佢想將件事降溫，要犧牲梁振英又有咩所謂。

香港始終唔可以無了期咁樣落去，點都會有一日終結。
而家仲需要關注下件事究竟係點樣完，會係和平散去定係悲劇收場。

不過講真，假如梁振英真係比人踢左落黎，又真係需要諗下究竟搵邊個上位？

原帖由 AVD1 於 2014-10-1 15:26 發表

不過講真，假如梁振英真係比人踢左落黎，又真係需要諗下究竟搵邊個上位？

This is none of our business.
貨不對辦要求退貨，我唔使諗有冇第二件更好的貨畀我，總之手上呢件唔好我就要退。

正如今次件事，我諗全香港人包括落場參與者事前無一個可以估到。

原帖由 AVD1 於 2014-10-1 14:35 發表

根本差佬 o既舉動真係耐人尋味，
9/28 搞左場大龍鳳出黎之後又唔繼續，
而家黎到 10/1 啦，越黎越多人起條街到，仲要而家愛理不理咁款，
你話佢想點？

假如係唔想理，咁差佬當初無啦啦又放乜野摧淚彈？
(當然我係有睇報紙，有指梁振 ...

689最叻係煽動市民內鬥，呢幾日玩語言偽術，再拖字訣正好達到呢個目的

原帖由 DIH 於 2014-10-1 15:34 發表

This is none of our business.
貨不對辦要求退貨，我唔使諗有冇第二件更好的貨畀我，總之手上呢件唔好我就要退。

正如今次件事，我諗全香港人包括落場參與者事前無一個可以估到。 ...

香港行政長官係邊個，又點會唔關你同我 o既事呢？

當然踢走梁振英呢個大家都想，呢條友再做落去都冇意思，佢根本就冇能力去做呢個位，
不過梁振英落台之後確實係需要有個行政長官，呢個都係事實。

原帖由 S3BL100 於 2014-9-29 00:32 發表


你邊隻眼睇到集會人士「衝擊警方防線」同「步步進迫」？睇得 CCTVB 太多？

https://www.youtube.com/watch?v=stZpsDRM_Co

今朝RTHK千禧年代講呢條VIDEO.

https://www.youtube.com/watch?v=NtQjLGlW1DE

原帖由 AVD1 於 2014-10-1 15:26 發表

...

不過講真，假如梁振英真係比人踢左落黎，又真係需要諗下究竟搵邊個上位？

而家根本就唔係梁振英治港,
而係北京治港.

香港一早已經'一國一制'.

邊個上位都係咁啦!

原帖由 loveandpeace 於 2014-10-2 10:21 發表


而家根本就唔係梁振英治港,
而係北京治港.

香港一早已經'一國一制'.

邊個上位都係咁啦!

老實講, 一向邊個做都唔關我事. 政府d白癡野出左, 最多對住份報紙/圍住係餐檯炒蝦拆蟹鬧.
鬧完聽日繼續番工.
什至佢星期日果日班友話佔中正式啟動, 下午係海富門口霸路, 我都仲係恥笑 "X, 講呢d"
不過我都火滾時, 係第一個催淚彈丟出來同差佬噴呀伯對眼果刻, 我係全日睇住個直播,
果下全屋企真係嘩然. 之後我就火起來, 極度憎呢個689同死禿鷹.

小弟番到公司, 公司包括我老細清一色都係我呢款極度保守溫和民主派, 都係因為個催淚彈而震怒.

所以, 小弟覺得今次佔中玩得咁多日, 多左咁多人, 某程度上唔係因為d人爭取真普選,
而係反呢個政府用暴力震壓, 反呢個689兌現選舉承諾用防暴隊加催淚彈打平民.
根本, 普唔普選一向都唔重要, 結果冇乜分別.
同中央/林鄭對話亦冇乜問題.
總之就係呢個689問題極大.

好多反對ge人side track左亦攪錯左, 以為佔中班人因為攪民主去阻住地球轉.
其實佢地冇諗, 出來行ge人好多都係為左反暴政. 今日唔出來嘈, 聽日真係會出坦克同亂槍掃射.

**利申: 我呢幾日都係佔領電視機前面, 冇上街