【一年前】李兆基：「佔中」最多咪「玩一晚」

原帖由 cn2661_2d32 於 2014-10-3 18:09 發表


我下晝都係咁估. 因為now tv冇啦啦字幕話, 教育局希望下星期一會復課,
我已覺得唔妥.

仲有, 左派好似猛鬼出籠, 薑溶, 私煙, Gundam , 全部出來發癲. 擺明已收order同錢.
藍色果邊亦冇啦啦發晒癲.

加埋琴晚689仝 ...

個人意見:

轉捩點應該係1號至2號, 學聯話如果特首再冇回應就佔領或圍堵政府部門,
呢個行動根本就唔夠"爆", 就算最後真係佔領或圍堵政府部門, 之前唔認同
警方亂掟催淚彈班支持者只會覺得示威者冇新意, 而且政府連日來冇大動作,
就更顯得示威者行動升級冇理據, 結果呢兩日的佔領人士只係為政改而戰,
冇左一大班支持者之餘, 部份仲變成反方, 政府在示威者開出行動升級的
「條件」後, 立即密謀對策, 使出主動出擊而又唔駛警方出手驅趕的方法,
利用港人一向三分鐘熱度的做人心態, 以及趁大家仍在工作崗位埋首的下午
開始驅趕行動, 輕易擊退人丁單薄的示威者, 而一班繼續撐佔中的示威者
趕到來, 已經有一班熱夠身的大漢準備好晒, 一見支持示威者就打.

上面講的「薑溶, 私煙, Gundam」, 老實講我唔知佢地乜水, 之前淨係
聽過佢地大名, 冇興趣知佢地講過乜做過乜, 照睇應該係反佔中人士吧?!

若果佔中人士佔領或圍堵政府部門已經係最後一步, 相信有待學聯同林鄭
會面後, 無論結論如何, 佔中應該好快會平息, 當然平息方法一定唔會咁
順攤就咁執野走... 走左亦唔代表佔中就此完結, 一定有人不憤, 至於
後事如何, 還得時間驗證.

另外, 連日來政府冇一個好強的數據指出佔中對路面交通的影響, 經運輸署
悉心「協調」, 今日各區交通何其擠塞相信大家心中有數, 同時亦間接話俾
市民知, 巴士係一種為路面交通帶來阻塞的交通工具.

香港而家變左一個咩社會？

和平示威就非法，打住「反暴力」旗號的暴力示威，暴力對待和平示威人士，就係合法？

原來要保護人，就係要毒打人，或者由得佢俾人毒打？咩道理？

琴日同老豆通電話，佢話睇電視訪問兩個有份出來佔中的大學生同佢地屋企人，
兩個的屋企人都係知識份子，但亦會擔心兒女安全，
結果兩個大學生都話，不妨放眼遠少少，世界咁大，唔係係得香港，日後唔一定要香港搵食。

大家可以自行判斷香港社會係咪仍然宜居，如果無力改變現狀，走，或者係一個選擇。

情況又變左, 學聯擱置與林鄭會面, 同埋經過今日旺角事件後, 唔敢想像金鐘清場會點收科!!

旺角單野有反黑組介入, 殺入山東街.朗豪坊一帶, 而先前拉左幾個人已經塔左去旺角警署;
金鐘亦都群情洶湧, 今晚情況令人堪憂, 明後兩天情況如何難以預料.

原帖由 S3BL100 於 3/10/2014 23:00 發表
香港而家變左一個咩社會？

和平示威就非法，打住「反暴力」旗號的暴力示威，暴力對待和平示威人士，就係合法？

原來要保護人，就係要毒打人，或者由得佢俾人毒打？咩道理？

琴日同老豆通電話，佢話睇電視訪問兩個有份出來佔中的大學生 ...

無論係咩社會，只要有人企圖使用暴力
而其他人無力或無意制止，文明就會崩潰。

That's why 我一直只相信拳頭大。
──係啊，反正我無話我唔會被人打死喎。

美國一樣多暴力罪案、
歐洲淨係對付班伊斯蘭移民都頭大大，
唔見得比大中華地區宜居。

數來數去似乎都係新加坡，不過唔習慣守法的最好唔好去

今晚晌旺角, 好多人出嚟圍番反佔中的人
街頭街尾都有一群人圍住一兩個人
但全部都被警察保護晒, 之後護送落地鐵站後... 放人

唔係親眼睇到, 我自己都唔信己經變成咁

本身件事隨住政府肯出黎傾已經慢慢謝
點知林鄭尋日朝好衰唔衰話無咩彎轉
跟手下午就黎愛字頭，夜晚有埋黑社會
但睇黎呢個政府真係蠢鈍如豬

第一日出左催淚彈
你地無出去既係睇唔到呢個畫面
一放催淚彈
成群人向後跑
但係幾十秒之後啲煙散緊啲
已經開始有人行番上去
所以放足87粒都搞唔掂

好啦之後日日開記招
我仲記得尋日定前日
睇睇下我們這一家就搵消防同警察出黎開記招
開完唔夠兩個鐘
六七點度又黎個聯合記招
之後夜晚十一點幾又黎過
老實講
我從未見過一個政府一日內不斷開記招-,-
呢啲都唔太算重點

我唔理梁生委派定係咩啦
好地地出黎傾，起碼啲火熄緊啲先
點知又有咩救護車運武器
係架爆炸品車度貼紙話係糧水
真係無眼睇

再到尋日朝林鄭講啲咁既野
問題都唔太大
下午就黎料啦

咁多次社會運動，政府都可以唔知社交網絡既實力係邊樹
影住班警察街頭拉就街尾放，護送上的士
最叻就係之前不斷開記招話有混亂就要用催淚彈
衝擊防線就可能出橡膠彈
今日班反佔中做哂出黎，警察就開個大聲公叫人散水
真搞笑，暴力到咁
咩彈都唔用仲話無政治立場，笑大人個口

之後當然唔少得影到班搞事既人係大埔警署拎藍絲帶呢啲小事啦
再加埋愛字頭/反佔中朋友既口出狂言
唔講以為佢地暴動
咩"出黎示威預左俾人非禮"
唔講你知以為呢度係印度

今日咁多人搞亂檔，拉得兩個人
大佬，黃之鋒同學聯班人都起碼三個人
拉得兩個真係唔知點做出黎

不過上述N點都唔係最叻
最叻係上左CNN報導
"Police partnered with mobs"
我諗呢個標題真係創先河
雖然日本係容許黑社會既存在
我諗點都唔會去到呢個地步
服務為本，精益求精 只係用左一日既時間，就入左垃圾筒

佢被控告打鬥

原帖由 EX-TL 於 2014-10-3 20:44 發表
訪問緊旺角俾打到爆晒缸的市民, 睇左三分鐘唔敢繼續睇落去, 好恐怖.

TVB轉載央視新聞聲稱有一條點擊率過億次的片段, 片中有一男子在鏡頭前勸導示威者早點回家,
然後悠然自得唱出:「我等著你回來 我等著你回來」, 原片在哪裡?!

原帖由 LF5502 於 2014-10-4 10:34 發表
佢被控告打鬥

比人打唔會係打方面的，
另一邊，即打到佢爆頭果個係唔係比差佬放生左？

我有睇生果報，個邊已經有片影到有差佬放生班反佔領 o既暴徙。

原帖由 PoohPoohJoe 於 2014-10-4 07:02 發表
本身件事隨住政府肯出黎傾已經慢慢謝
點知林鄭尋日朝好衰唔衰話無咩彎轉
跟手下午就黎愛字頭，夜晚有埋黑社會
但睇黎呢個政府真係蠢鈍如豬

第一日出左催淚彈
你地無出去既係睇唔到呢個畫面
一放催淚彈
成群人向後跑
...

好老實講講，自梁振英上台之前話同上海仔密針，
到上台後成堆愛字頭出現，
再到近日網上傳媒係咁放風話有人收錢搞事。

所有野，根本就係指向梁振英政府，你話梁振英真係咁白我已經打死唔信，
經過尋日 o既事之後，你叫人點樣再信梁振英？
差佬唔拉人，成班爛仔有哂計劃出黎搞事，之後差佬可以選擇性執法？