[5/11更新即日片] 港鐵車廂及月台同步廣播聲帶踏入最後測試

其實新系統將開門同關門與警告聲同步, 再加上月台警告聲, 本身係好事, 將之前警告聲問題改善,
同我唔認為呢D措施係對減衝門有幫助...

我認為應該將關門問題分開2部分睇,

一, 警告聲, 本身對唔衝門/唔想衝門的人有幫助, 尤其月台警告聲, 簡單D講, 如大肚女士,
當然想避免被夾, 新警告聲系統有助減少風險, 係好事..當然新系統有D野仲要完善

二, 衝門, 其實有無新警告聲系統都會有人衝門, 尤其故意一隻, 唔少人見門仲開緊/就關門,
都會衝, 基本上人心急好難避免, 相反重點應該係關門系統本身, 如個別車重開, 而非所有,
或門夾到野之後的反應等....係微開再關, 定全開再等...

原帖由 JZ3968 於 2015-1-11 04:45 PM 發表
統一提示聲實行近三星期, 其實整體車程有無因為乘客少左衝門而暢順左?
以我自己所見, 月台的"請勿靠近幕門"廣播有時會被其他廣播遮左,
就算無其他廣播, 有時都會無左句野就"嘟嘟"聲關門,
又或者有D站係好細聲, 令人 ...

關門 :

以前月台可以講係聽唔到任何警示語句/聲的﹐所以好多時要行到車門才聽到 do do 聲﹐所以好多時都會出現停唔切而 "衝門"。

現在在月台行去上車期間﹐已經可以聽到 do do 聲﹐真係減少了這一類無心衝門的人。當然﹐仍然有少數人真係故意衡門的。


do do 聲 cover 了警告語句的情況﹐無乜所謂﹐反正大家都知 do do 聲便是關門。


個人留意到﹐這個安排真係對減少衝門係有幫助的﹐列車一次過關好門開車係提高了。



開門 :

老實講﹐叮噹聲我真係覺得多餘。
除非﹐列車可以在開左邊門的時間﹐左邊有叮噹聲右邊無﹐反之亦言﹐這才真正有用。

月台叮噹聱﹐實際用途真係不大。
現時真係好多時 cover 了其他警告語句﹐反而比以前差。

今日坐完，有兩件事 :

1. 早繁港島線金鐘站 , 可能月台太多人 , 未上晒客已經響聲閂門，結果當然有人夾到，重開完一秒已經響 do do 聲再閂門 (幕門開左少少即刻閂返)，但個客仲未縮得到，結果又再夾親，再開多次先搞掂。

2. 頭先 1 個情況，彈門係即刻響 do do 聲再閂門 ; 但去到坐另一條線，一彈門係再播一次 「請勿靠近車門 .......」，咁就用左半分鐘。其實係咪有部分車長唔知淨播 do do 聲就可以閂門 ?

原帖由 GU9338 於 2015-1-12 06:45 PM 發表
今日坐完，有兩件事 :

1. 早繁港島線金鐘站 , 可能月台太多人 , 未上晒客已經響聲閂門，結果當然有人夾到，重開完一秒已經響 do do 聲再閂門 (幕門開左少少即刻閂返)，但個客仲未縮得到，結果又再夾親，再開多次先搞掂。

2. 頭 ...

觀察所知，係把原有的一段聲cut 走do do聲，照舊由司機按制播出，操作上無變過。唔同的係，月台會同時播出提示語句(無dodo聲的)

之後，司機照舊在播完語句後便按關門制，do do 聲係跟門制播出的(月台同步)。即係司機唔按制關門，一直都唔會有do do 聲;同樣地，司機唔依程序，直接按制關門，便只有dodo聲，無語句提示。


實際情況會出現未講完英文，司機已經按制關門，英文便會斬尾播唔晒，即出do do 聲。有時播完提示語句，但仲有人上落車，司機未能按制，便會有dead air，直至按制關門才會同步出do do聲。


你情況2應該只係位司機覺得有需要再提示，於是再播語句。

以前，我都遇於有司機好鐘意播語句，一陣門便播多次，再彈門再播，真係煩到嘔的。

[ 本帖最後由 kei_hk 於 2015-1-12 19:44 編輯 ]

宜家啲司機都唔洗禁制閂門既，除非打咗atdc cutout又或者某車門閂唔到先要禁制。

行auto下要禁既制應該得start train

[ 本帖最後由 GX7209 於 2015-1-12 22:50 編輯 ]

最近放工時間搭左幾次，關門成功率真係高左，尤其金鐘站

原帖由 GX7209 於 2015-1-12 22:48 發表
宜家啲司機都唔洗禁制閂門既，除非打咗atdc cutout又或者某車門閂唔到先要禁制。

行auto下要禁既制應該得start train

東涌線仲要

上星期SAS同我地講
前地鐵月台唔洗用電子哨子

其實繁忙時間, 好多時仲要車長"插手"控制關門gei, 而我發現遇多左車長用口講關門警告, 代替錄音...
有d似回到過去...

原帖由 horsedog83 於 2015-1-13 05:35 PM 發表
上星期SAS同我地講
前地鐵月台唔洗用電子哨子

當幕門出到DO DO 聲時﹐已經無了電子哨子﹐真係耳根清靜。