名城居民成功爭取單車徑工程擱置

早前部份名城居民反對車公廟路建單車徑，指單車徑沒有考慮名城居民的需求，因貼近名城而建，對住客及基座GIC使用者構安全及危險問題，居民擔心會受驚嚇，小朋友接放學亦受影響。經名城居民善用刊憲機制，用反對書向運輸局提出反對理據，齊心一致而事成，加上沙田區議會主席何厚祥的反對下。據名城業主討論區指，政府作出讓步單車徑不會伸延到名城對出的行人路，専利巴士上落客灣亦會保留。
http://www.hkfestivalcity.com/re ... o=lastpost#lastpost

一條大圍好多人用的社區單車徑，因為D離地中產自私，竟是遙遙無期。而大圍居民繼大圍站上蓋成功招標後，再一次願望落空。
鬼叫我地窮咩！唔似名城居民好多FULL pay 買樓，佢地最想大圍站上蓋起好再換樓，有大clubhouse同商場shopping 已經好滿足
沙田啲區議員又係廢

繼要求東鐵減速減班後又一傑作
不過佢哋今次只係爭取停建新設施
都係唔夠要求存在已久嘅東鐵,遷就咁大條道理

有一次我搭東鐵,聽到有兩人
對話「名城車位數目很少,而且
只租不賣兼三個月抽籤一次,抽唔到
就要泊附近,炒到名城同附近泊車都超過
4000蚊一個月租金」當然,尊貴中產唔會同
蟻民迫鐵,不過自己有交牌費,交稅多對社會有貢獻……
都要為泊車頭痛,唔多唔少就養成魚蛋論心態。

即是蟻民搭東鐵,附近開單車徑
都要得佢哋同意,因為會阻到佢哋。

[ 本帖最後由 kitarolo 於 2014-11-6 17:24 編輯 ]

要怪都怪政府（城規會？前九鐵？），當年興建馬鐵車廠前沒有預留空間設立單車徑，搞到名城入哂伙再加條單車徑時係要勉強係行人路同綠化帶度劃出來，條單車徑大貼住宅出口的確有安全隱患，唔可以怪得居民；仲要近火車站個終點係斷口無路，駁唔返現有單車徑（你估有幾多踩單車既會咁聽話係行人路推單車？）
好在等多幾年顯徑站落成後，會少左人用單車出大圍返工放工，但就滿足唔到去大圍買餸既或者週末單車遊的需要啦

[ 本帖最後由 腦夫子 於 2014-11-6 19:14 編輯 ]

原帖由 腦夫子 於 6-11-2014 11:10 發表
要怪都怪政府（城規會？前九鐵？），當年興建馬鐵車廠前沒有預留空間設立單車徑，搞到名城入哂伙再加條單車徑時係要勉強係行人路同綠化帶度劃出來，條單車徑大貼住宅出口的確有安全隱患，唔可以怪得居民；仲要近火車站個終點係斷口無路 ...

問題係，點解一小撮人可以反對一個對成個社區有利既工程?

樓盤落成係鐵路沿線，雖然鐵路會引起噪音問題，
但帶來既方便快捷  同佢樓價升幅已經補償左佢地既損失
點解東鐵仲要為呢班人減速  影響成個新界東既居民?

[ 本帖最後由 busfunfun 於 2014-11-8 16:58 編輯 ]

原帖由 busfunfun 於 2014-11-9 00:55 發表

問題係，點解一小撮人可以反對一個對成個社區有利既工程?

樓盤落成係鐵路沿線，雖然鐵路會引起噪音問題，
但帶來既方便快捷  同佢樓價升幅已經補償左佢地既損失
點解東鐵仲要為呢班人減速  影響成個新界東既居民? ...

一單還一單，
你可以話名城班人借題發揮，但係政府有責任去處理佢地提出嘅安全問題
如果政府處理完之後，佢地維持反對意見嘅話，「行政長官會同行政會議」仍然可以批准方案
咁宜家政府有無做過類似嘅野先？

利申：不是大圍居民