有網民就51縮短路線及縮班向高等法院申請司法覆核

剛剛本人收到一位網民回應，指「成個元朗區（區域性重組）都係格硬來，呼籲元朗受影響乘客向法院尋求司法覆核！」
更指他本人已經就51線縮短及減班向高等法院申請司法覆核，現排期上庭。

其實乘客可否就巴士改動提出司法覆核？有沒有法律理據可以提出？
若果法庭判司法覆核勝訴，巴士公司有可能要被迫改回重組前的服務時間及路線。

司法覆核? 佢憑什麼? 議員反對就唔做得? 更何況元朗區會總結是不反對重組,唔好話告唔告得入,法庭肯受理已經係偷笑.

反而264M取消單野就真係有得打下,因為葵青係一致反對,但法庭一樣唔會理.

(純粹個人意見)
司法覆核可以挑戰行政機關既政策，但起碼你要證明政府既決定有嚴重行政決策失當、明顯不公義等等
但巴士重組有人鐘意有人反對，法庭好難判定巴士重組唔公義、不當，而且政府(運吉)都跟番一貫程序去做, 要說服法庭接受呢個申訴好困難

(純粹個人意見)
其實申請人有無在區議會或其他合適地方提出意見?  (如果無﹐這便應該唔會成功)

另外以我認知﹐原51的服務地區﹐並無因51縮短而令到沒有巴士服務﹐政府從來無保證過巴士服務唔會調整的。
因此﹐我覺得勝算機會係極低。


ps. 申請人是不是「攻民黨」人?

司法覆核可以推翻私營機構的決定？

係都搵申訴專員公署先啦

係咪某討論區啲廢青呀?

原帖由 s3n370 於 2014-11-14 18:42 發表
司法覆核可以推翻私營機構的決定？

路線改動不是私營機構的決定，而是運輸署最終決定

另外，該名網民更指「51最大的理據係Rdp指早繁上村21%(上村)的理據，
實際上早繁0655,0725及0755錦鐵開出班次到上村最少已上30人(即AAU 62人載客量的約50%)！
第二係Rdp指出錦鐵至上村之間往來荃錦至西站之間的日均乘客只有5人，我求其搵一班非繁都唔止5人啦！
所以RDP數字明顯係失實，在司法覆核中，我亦會要求厘清有沒有人要負上《偽造及發佈虛假文書》的刑事罪行！」

[ 本帖最後由 eric278 於 2014-11-14 22:58 編輯 ]

原帖由 hk20020062 於 2014-11-14 20:39 發表
係咪某討論區啲廢青呀?

個網站咪某社交網站囉，你有冇用呀？唔係既話你也是廢青咋喎

原帖由 eric278 於 2014-11-14 21:41 發表

路線改動不是私營機構的決定，而是運輸署最終決定

另外，該名網民更指「51最大的理據係Rdp指早繁上村21%(上村)的理據，
實際上早繁0655,0725及0755錦鐵開出班次到上村最少已上30人(即AAU 62人載客量的約50%)！
第二係Rdp指 ...

載客率日日測都可以唔同, 甘都可以去到偽造文書
而且載客率幾多同重唔重組無必然關係, 運輸署係交通運輸最終決策者, 無論如何佢都有權力作出佢既重組決定