閒談: 你地過聖誕會佈置屋企嗎?

聖誕將至, 你地會佈置屋企嗎?

我兒時每到聖誕總會佈置下屋企, 但後來人大左領悟到, 每當節日結束之後, 即使再漂亮既飾物都要丟得就丟, 毀得就毀, 感覺好失落同可惜, 而且聖誕節都只係一頭半個月既事, 唔會持續好耐, 佈置都只係大白象工程.

再講, 依家大家樂, 麥當勞, 一粥麵..........呢D快餐店近年都環保左, 無乜點再佈置聖誕

唔會，不過隔離左右，甚至我好多朋友都會。

利申：我身處外國地方，我自己因為係租左間屋 o既地下個層黎住，樓上仲有個包租公起到，佈置與否係佢地 o既選擇。至於隔離左右，唔好話 Xmas，Halloween 佢地都有佈置啦。

好細個果陣果陣會擺聖誕樹,小學二年級開始就無擺過

我都係好細個時有擺聖誔樹，而且係同一棵膠樹年年用，
後來小學左右棵樹爛左，人又大左唔想咁無聊，就無再擺。
亦都有一個原因就係我屋企並非Christmas Party場地，我地通常會去親戚屋企。
幼稚園時好似重有那些金色流蘇MERRY CHRISTMAS字條。

屋企而家唯一會佈置的節日係新年插花同擺個全盒。

認真的講﹐又唔係 "有客到"﹐來來去去都係自己及家人﹐整來之後又要善後﹐整來做乜。
(當然﹐這都是人大了﹐上了小學高年班開始啦)


同上面一樣﹐真係除了農曆年外﹐真係唔會刻意佈置。