E34A E34B

尋日(星期日) 搭左E34A, 係朝早約10點 三湖上車往機場, 估你唔到原來最多人上車係天恆同天頌. 去到天耀已經要企. 但我唔係好明點解要經天富總站, 那不如搬去天富做總站經三湖再去天瑞. 天耀啦. 九個字已經到東涌. 相比起之前要用一個鐘零十五分鐘已經快好多

回程 係東涌上車.雖然係19:00 食飯時間, 仍然滿座. 亦都只係用左45分鐘到聚星樓.等E34A 時有E34B. 但客量多於一半少少.不過如果E34B 係為延長洪水橋而設. 呢個改動原則上無問題

總結: 係三湖上車不如大欖轉車算.

原帖由 tkf_2005 於 2014-12-15 03:38 發表
如果B線唔算太爆,不如參考276系分工,

將E34B拉埋入天水圍南做總站出元朗,比天水圍南人叫雙飛之餘減輕A車壓力啦

無咩可能
你見到E34B咁行都知龍運連兜多少少路都會唔夠車用，
E34B入天水圍南唔加車，E34B疏左，即係元朗找數
E34A過車畀E34B入天水圍南，E34A疏左、E34B又無密到，又係元朗找數
宜家元朗同天水圍已經分左家，無可能要其中一邊找另一邊數
E34B本身已經要塞博愛交匯處，唔好再打劫佢啦

根本就係為改線而改線
而無問過「夠唔夠車用」、「客量多成點」呢堆
連大學生做project都會肯望0既「可行性」問題...
(拆線要加車,係公認的事實
問題係:一兜天北之後,估佢唔到成批天北人
走去坐E34A,提早打爆0左E34A 本來已經唔夠駛0既車隊資源...)

當年269c拆線(268c開張)之時,都唔敢大動作改行天北
而係用265B/M系轉乘去處理天北0既需求...
結果,拆線成功,投訴無乜
天北人只係要過一過大欖隧道轉車
(小弟明白真係好煩,不過想唔到而家0既E34A改去天北
反而明證0左當日九巴唔將 269b/c入天北係合理做法...)
佢地想路線直出市區、機場,係真係有咁0既需要

不過...九巴當年唔做0既0野,由龍運開0左0既先例
即刻出事啦...
(運吉竟然唔記得0左輕鐵晌天水圍改線之後0既第一個返學日
出0左一幕幕令全天水圍居民都Orz 0既場面...
「特別係天耀站月台0個位上唔到車0既小妹妹!」<-算唔算虐待兒童,小弟都唔多想判斷
(留俾法官朋友處理啦...))

所以E34A而家出0既狀況:
肯定係某幾位區議員,忘記0左當年九鐵公司路線重組0既慘痛教訓...
仲有,運吉班唔落現場,唔去等埋一份0既「伴食宰相」
(尸位素餐,而唔扣人工者...就唔知羞恥為何物...) <- 比689更「禮義廉」...
前車可鑑0既情況之下,竟然鬧返當年0既混亂場面
一程車,等第二架都不突止,仲要係「企位、頂閘」!
[小弟又見到有位小妹妹上唔到車啦...
不過電視無直播,只有二手投訴晌小弟0既耳邊響起...]

各位天水圍0既巴絲: 下次陪小弟投白票
代一代各位要去東涌返工0既朋友出口氣...
(當然,小弟都因為咁:唔見0左份可以到手0既工)<-事實,講埋當訴苦好過...
做區議員做到之前0既慘事都唔記得
唔通「之前0既錯誤,總係要有人再犯多幾次?!」
(俾某位朋友抖0下,好唔好?!)<-高登式處理

事實上,天水圍去東涌0既客
只有越來越多0既趨勢(工人、機場旅客、遊客、
過境坐飛機0既...越講就越麻煩...)
遲早天南、天北再分家(E34A/E34C)都唔意外...
[反正天南、天北一直爭資源,爭到頭崩額裂...
一個筲箕已經唔夠用...運吉唔想認「罪」0者...]
(甚至乎再好玩d,叫城巴接手天南、天北其中一條
搞個有競爭0既專利巴士服務「比賽」都好呀~
龍運唔夠巴士,要城巴接手...好正常0者...)<-妄想一下,不好者勿插

最後,如果真係起唔成屯荃線的話
都希望西鐵線可以去埋東涌...
甚至同東涌線合併(玩得Mini Metro玩得多,循環線可以更有效運用資源
將運力「最大化」[如果個個站都係一樣咁旺的話...])
去取代呢大堆E巴0既歷史任務...
(不過已經係10年之後,甚至更長時間先有可能出現0既事情
而且都OT得太多了...就講到呢度啦...)

[ 本帖最後由 LNChickenRice 於 2014-12-18 20:03 編輯 ]

原帖由 LNChickenRice 於 2014-12-18 20:00 發表
根本就係為改線而改線
而無問過「夠唔夠車用」、「客量多成點」呢堆
連大學生做project都會肯望0既「可行性」問題...
(拆線要加車,係公認的事實
問題係:一兜天北之後,估佢唔到成批天北人
走去坐E34A,提早打爆0左E34A ...

如果九巴龍運肯offer 265M免費轉乘E34AB，又邊使搞個咁嘅大龍鳳

原帖由 JC8385 於 2014-12-18 20:51 發表

如果九巴龍運肯offer 265M免費轉乘E34AB，又邊使搞個咁嘅大龍鳳

免費BBI就無可能，點都要補錢，不過從E33的例子就看出佢地根本不想搞呢d野，因為就算搞不搞班客仔一樣在佢地手上

原帖由 adv_106 於 2014-12-18 21:14 發表

免費BBI就無可能，點都要補錢，不過從E33的例子就看出佢地根本不想搞呢d野，因為就算搞不搞班客仔一樣在佢地手上

雖然唔明點解咁順攤拉E34A上天北
但係至少如果補差價265M轉E34AB
龍運拒絕

拉E34A上天北都有嘢可以hea DC咁解囉

從拆線方向，按天南、天北、元朗三區拆線好似會好啲喎。起碼天北唔駛同天南攬炒。不過等車時間會耐啲。

從大典資料，E34行84分鐘，E34A行94分鐘，E34B行70分鐘。將天南天北拆開，咁三區路線應該大概70-75分鐘可以行哂。按20分鐘一班，每線派車大概10-11架，同現時相約。


當然，等20分鐘一班係比以前E34耐，但針無兩頭利，要得車程快，咁等車時間呢啲條件就要就下。不過九巴要俾翻預計到達時間+定點班次，乘客先易預時間。


同埋可以諗下搞E34B<>B1轉乘，起碼天耀送左車尾，都可以諗搭落去轉E34B。


另一個方向，運吉有無酌情權俾龍運同城巴可以提高最高時速到80km/h，甚至90km/h？
因為quota係咁多，唯有提高車速等返車快啲。不過唔知雙層咁快危險幾多就真。

[ 本帖最後由 ky927 於 2014-12-18 22:37 編輯 ]

原帖由 ky927 於 2014-12-18 22:35 發表
另一個方向，運吉有無酌情權俾龍運同城巴可以提高最高時速到80km/h，甚至90km/h？
因為quota係咁多，唯有提高車速等返車快啲。不過唔知雙層咁快危險幾多就真。

用最高時速就quota會唔會本末倒置過頭??
邊樣易實行啲先???

其實拆唔拆本身都唔夠車, 就唔好賴曬落拆線度

兩個大問題係,

第一,上繁E34A正常班次同特班分配不均
解決方法最好係上繁直情再拆天北天南
原線行曬天北到天富/天華路, 就應該跟新265M走
另一條就天頌經曬天南先走

第二,下繁回新界E34A E34B都班次不足
但睇返上繁E34A 特班15+20, 拉勻每8.5分鐘一班
上繁E34B都有8/10分鐘一班, 而晚間時段兩線亦有11/12分鐘一班
但兩線下繁只有12/13/15分鐘一班
似乎過於重視凌晨十二點前落機客多過五六點收工客
用現有資源應該下繁仍應可做到各10分鐘一班
係自己唔係加班罷了

原帖由 ky927 於 18-12-2014 22:35 發表
當然，等20分鐘一班係比以前E34耐，但針無兩頭利，要得車程快，咁等車時間呢啲條件就要就下。不過九巴要俾翻預計到達時間+定點班次，乘客先易預時間。

話說九巴近日已經出咗測試版app可以查到九巴指定16條線及龍運A線既時間, 有GPS既車準確度都OK既
期望其他線都可以快d有呢個服務啦

原帖由 JC8385 於 2014-12-18 20:51 發表

如果九巴龍運肯offer 265M免費轉乘E34AB，又邊使搞個咁嘅大龍鳳

有BBI又點,天北依家係想有直車......
你見成日有人要268B/C拉去天北就知