談: 大家鍾唔鍾意坐飛機?

我人生唯一一次坐過飛機去泰國, 就係2000年(升小學五年級)果個暑假.
坐飛機全程感覺超悶, 望出窗外只係白色一片, 毫無風景, 降落果陣仲感到耳塞.

自此之後, 我就抗拒左坐飛機, 覺得坐飛機係 "捱".

大家有無坐過飛機? 鍾唔鍾意坐? 歡迎分享!

超鐘意. 最愛係天空既感覺, 特別係睇雲, 千變萬化

出發去旅行果程好中意, 回程就

由於唔夠豪去搭商務或頭等，搭飛機始終唔係太舒服，
我就只當係交通工具，去日本四五個鐘好快到，去歐洲可以轉機，都唔係太難受。

我最著緊係價錢，將貨就價我唔mind，如果餐飲同服務態度好就當係bonus。

日間機有得睇雲都幾好，一上到去，你會發覺地面的執着其實都唔太重要。

[ 本帖最後由 DIH 於 2014-12-21 22:36 編輯 ]

細個果個年代坐飛機，雖然機上面無咩娛樂設施
但果時難得有得坐，又有得望住個天已經好開心

直到初中有次搭飛機遇着八號風球降落，驚左幾年，宜家當然無咩野，唔止鐘意坐，仲鐘意打

唔鍾意:

- 本身對重力變化較敏感 (包括搭一D 加/減速快嘅LIFT) 所以對起降變化, 甚至最壞嘅氣流, 會感到唔舒服;
- 機艙中較乾燥, 皮膚唔舒服;
- 搭短途機唔及火車欣賞到風景;
- 搭長途機要適應時差, 搭完總係一舊雲

中立，
講真，而家要去遠行坐飛機根本就係無可避免，
我係鐘意飛機個形態，個 shape，同埋欣賞人類做架飛機出黎個 technique，
但係鐘唔鐘意坐就真係冇咩感覺，其實遇到氣流個陣我真係會有點驚驚地 ……

我冇咁幸福，細個時最遠去過廣州，來回都係火車，確係有3樓去程中意回程 既感覺

我第一次飛，已經係成20歲，冇左呢種細路仔心態。，而家整整下，都冇乜話鐘意定抗拒，不過冇本事坐商務頭等，如果機頭上機，行過商務位，去到自己坐既經濟位，見到兩種位既落差，o個一下真係

最遠試過坐QR多哈轉機去埃及，已經知QR既經濟位算數一數二好(至少好過惡晒好多)，但香港多哈呢程一樣坐到想死，所以如果搭惡晒去歐美，真係淆淆地(又唔鐘意轉機)

[ 本帖最後由 mckhgc 於 2014-12-24 13:29 編輯 ]

近年因為工作緣故，坐飛機的次數唔少，包括長途同埋美國內陸機，
小至載 50 人的 CRJ，老至逾三十年機齡的 DC-9，大至 A380，都坐過。

作為飛機迷，坐飛機最吸引的地方係可以試到不同機型，
內籠又有不同配搭，可以細味、感受箇中分別。
如果係自己決定行程，除左價錢外，會盡量在機型同時間當中取得平衡。

當中最唔鍾意坐的係 CRJ，但有D野，有機會點都要試下。
如果要數畢生難忘的旅程，近幾年有兩次，
其一係第一次乘坐 A380，適逢當年 KE A380 首航日，
第一次坐 A380 的感覺絕對係好震撼，之後都再搵唔返果種感覺；
其二係坐老爺 DC-9，後置引擎推背感無與倫比，而家已經無得坐。
呢類 once-in-a-lifetime 既體驗，真係可一不可再。

反而未坐過的現役機型包括 757、787 同 MD-90，尤其 757 聞說 engine thrust 好勁，有機會都要試下。

但如果係坐中 3+3 的 middle seat，要搞到好早出門/好夜返歸，
又碰到 delay，甚至係連續飛好幾轉、行程緊迫
（例如上兩個星期因為去面試，一共由美國西岸飛左兩轉去東岸，
當中一次仲要係今日走、聽晚返），真係會搞到個人好攰、唔見得好好玩。
如果係自己計劃行程，我會盡量避開某D時間既航班，費事自己太辛苦。

同埋我咁講可能有少少 theological，不過飛機係工程學的顛峰、人類文明同智慧的極致，
一條 metal tube 上到三萬呎高空，再安全落返地面，本身就係 miracle，係一件值得感恩的事。

唔係唔鍾意，因為我本身係怕坐飛機，尤其係坐回程機之前同飛行途中嗰陣特別驚