2015年第一季暫定實施沙田區路線改動一覽

原帖由 kmb71k 於 2015-1-10 17:10 發表
都話呢新田圍一日未有帝皇級巴士服務未有九龍線途經未有青沙線途經未有路線有好班次呢
某人就只會一直係度鬧都有鬧到有好為止

勸大家真係咪理啦
我地講乜都唔會聽得入耳 ...

何其涼薄。。。
你咁講同啲人生出嚟係低賤抵你死有咩分別
明明係人哋區啲巴士服務完全不濟，仲可以連僅有嘅資源都要搶埋

[ 本帖最後由 straysheep123 於 2015-1-10 20:34 編輯 ]

原帖由 straysheep123 於 2015-1-10 20:33 發表
何其涼薄。。。
你咁講同啲人生出嚟係低賤抵你死有咩分別
明明係人哋區啲巴士服務完全不濟，仲可以連僅有嘅資源都要搶埋

自己太和村樓下就火車站(個站仲要係原本冇，係當年九鐵特意為條村入伙而設)，行三幾分鐘就有火車直出九龍，但因為自己唔鐘意企火車，所以自己條村值得開特快出市區巴士線；自己太和村條慢線廢線74A被陰乾，唔開返條特快線補償就無奈反對。

人地新田。圍城幾乎乜都要行十幾分鐘山至有合理服務，搭鐵仲要行完之後搭一個站馬線再轉，就叫好近好方便；新田。圍城得兩條合理區外線80M、89，其他一係疏一係兜一係疏+兜，就叫咁多區外線，幾多村恨都恨唔到(係呀，死攬著架垃圾之王82K當係寶，箇中滋味其他村真係想像唔到)，而家80M仲要因為其他村方便左(但新田。圍城冇份)、其他村需求少左，而大幅削班又冇補償，要求返少少似樣既服務，就叫要帝皇級服務、要求乜線都要經，阿茂整餅潑婦罵街乜乜乜。

以上就係某「人」既咀臉，何其醜惡何其無恥。

[ 本帖最後由 mckhgc 於 2015-1-10 23:18 編輯 ]

原帖由 BlackBird 於 2015-1-10 20:22 發表
新田圍無客好正常
因為根本條條線一係兜,一係疏,再唔係就疏+兜
錦搞法咩客都趕走晒啦

合理對外線其實只得80M,89(前者其實都係駁腳用途多，同282既分別只係逼少程「火車」同平兩三蚊，而「火車」亦係香港各鐵路路線中，最問題多多的，所以80M其實有存在價值)。85A同86只能算一半，86回程仲要不合理地貴。

而家已經咁，通埋沙中線鐵路後，同鐵路重疊既85A,89會點呢？到時新田圍只會又一次方便冇份(一唔係又碌秦石或282 282 282囉)，為遷就其他村既方便而被陰乾就有。

不過當真係冇得揀既時候，疏+兜+貴都要焗梗啦，你睇下82K！

原帖由 straysheep123 於 2015-1-10 20:33 發表
何其涼薄。。。
你咁講同啲人生出嚟係低賤抵你死有咩分別
明明係人哋區啲巴士服務完全不濟，仲可以連僅有嘅資源都要搶埋

一個住火車站隔離既人係咁諗野架喇

有咩方法可以去直接反映架
淨係靠議員我覺得真係無乜用

d服務長期都係退步緊

其實新田圍可以試下爭取同顯田夾埋做一條青沙線

原帖由 kuro 於 2015-1-11 02:15 發表
我住尚德得個7條出外
1條區內
我哋個邨行過去撘鐵差唔多
,仲有四彩仲少交通過你
你怨乜？
過海你哋都有，區內有我哋幾倍線
區外差唔多齊。

尚德條條都係村巴
行過去搭鐵又唔係遠....

尖咀旺角中環銅記全部易去

將軍最盲點既荃灣都要搶埋

你仲想點?

原帖由 kuro 於 2015-1-11 02:15 發表
我住尚德得個7條出外
1條區內
我哋個邨行過去撘鐵差唔多
,仲有四彩仲少交通過你
你怨乜？
過海你哋都有，區內有我哋幾倍線
區外差唔多齊。

見到你住尚德，我笑而不語
四彩少車過新田圍又點先，
大佬，而家玩全民鬥慘大比賽咩，使唔使攞哂全港屋邨黎比
四彩少車所以新田圍少車都係應份？
唔好忘記四彩真係一個極端...

現階段爭取全日青沙線我會覺得遙遠左少少
除非攞281M換，但顯徑又唔會為左成全你而放棄281M
所以都係可以爭取下加密282，加轉乘優惠
或者早繁拉一兩班47X上山開，反正咁做九巴係零成本咁滯...

原帖由 FD5410 於 2015-1-11 03:07 發表
現階段爭取全日青沙線我會覺得遙遠左少少
除非攞281M換，但顯徑又唔會為左成全你而放棄281M
所以都係可以爭取下加密282，加轉乘優惠
或者早繁拉一兩班47X上山開，反正咁做九巴係零成本咁滯...

要用281M換青沙線，需要同時說服新田圍(原81M)和顯徑(原88M)兩派去九龍塘的乘客。

如果281M改成"青沙落奧運站線"取代"九龍塘站線"(兼奧海城換又一城)，
即係青沙直落富榮、奧運站、南昌站循環上公路，從用途及效益而言應該也比現時更吸引，
而且新田圍和顯徑兩派同時受惠，應該比較易通過。

原帖由 mckhgc 於 2015-1-10 14:37 發表

你講野真係好唔公道。

非繁非繁非繁，純住宅區有邊度係非繁多客既？

此言差矣，部份理想純住宅區非繁絕對可以接受客量，
如果以新田圍依個純住宅區，有唔少師奶／公公婆婆／落堂要落市區。

但你自已睇清楚，新田圍自已連落大圍既 $2 客源都無。
唔好同我講班次疏，等得黎不如行上去，唔少其他山區線都係靠 $2 做到有客（雖然都係蝕），
點解 281M 係新田圍幾乎係吉車開？本身運吉想殺埋 281M 非繁。

新田圍最大問題，個個走晒去坐 282，有次經過乙明，連 81K 新田圍開落沙市班車，都有九成吉位，
咁好明顯新田圍客源過份集中係 282 身上，而你自己證明左，新田圍依個純住宅區非繁有絕對可觀既客量。

原帖由 mckhgc 於 2015-1-10 14:37 發表

穗禾苑／火炭80M 去沙市真係唔睇價錢都有客照上，就叫惡得有數據；同樣九龍塘去新田圍，一樣有客唔睇價錢80M,82M照上

唔好意思，如果新田圍對 80M／82M 有好重要既作用，咁點解當年 82M 要被合併？80M 差少少要取消？
我就拎 80M 同 280P 黎講：
80M 新田圍＞九龍塘：全日只有 160 人
80M 九龍塘＞新田圍：全日有 500 人
280P 新田圍＞九龍：全日僅有 40 人

咦？我睇數據，好似係新田圍居民自已唔坐 80M／280P 出市區，
我夠知九龍塘下繁返新田圍多人坐，但唔好唔思，你地早繁自己都唔坐出市區，
唔好再同我講早繁以外，數據證明新田圍早繁以外，需要用到 80M 乘客只有 100 人，即係只有一部巴士。

咁你再睇下穗禾苑發生咩事：
80M 穗禾苑／火炭＞沙田市中心：全日 490 人
80M 穗禾苑／火炭＞九龍塘：全日 450 人
80M 新田圍／沙田市中心＞源禾路／火炭／穗禾苑：全日 870 人（未計減價後，而家多左好多）
80M 源禾路／火炭＞火炭／穗禾苑：全日 340 人
80M 九龍塘＞火炭／穗禾苑：全日 740 人

數據講完，留左你咁你自己消化，
我完認同 80M 對新田圍非常有用，但數據證明九龍塘＞新田圍叫有少少睇頭。

咁新田圍自己係唔係要檢討下，點解用用有快線係度，個個唔走去上 80M 出九龍塘呢？
新田圍居民要解決問題，而唔係一味話「果百幾個客都係人」咁態度，應該係點樣令 80M 對新田圍居民更吸引。
例如：會唔會係因為去天橋唔方便，咁區議員可唔可以爭取升降機塔由新田圍直上天橋？

原帖由 mckhgc 於 2015-1-10 14:37 發表

秦石/大圍去新田圍一樣有客唔睇價錢82K,87B照上(你自己去車公廟路大圍鐵路站東行睇下，其他線到，最多上小貓三幾隻，掠水三飛一到，即刻清大半個站客)，就叫自已居民唔打爆部車留線。

坦白講，我都非常好奇，去大圍至新田圍既人去左邊？
我知大圍去新田圍一樣有客有市，但非繁呢？點解 281M 成條線非繁平均每班得番 15 個客（果 15 個客仲唔一定係新田圍客）？
唔通又係去晒 82K？82K 好似又貴又疏過 281M。定係個個行落山？

更可況，而家唔係唔開 82A，雖然未開得成，82A 算係唔係叫改善服務？
定係因為少左部車落沙角，無得同 81K 叫雙飛，所以又係叫縮減服務？

82A 目的係要解決 282 盲點，我前面講過，
你地個個居民坐晒 282，對將來巴士發展唔係好事，更可況大圍唔係無需求，
但你地唔發展個需求，而個個照舊去沙田轉車，咁變相係玩死自己，證明其他線無人坐，人地當然想搞新田圍。

原帖由 mckhgc 於 2015-1-10 14:37 發表

唔搭81M去搭80M，就叫唔打爆部81M留線，81M削減服務抵死；
繁時打爆部80M，就話非繁時唔打爆，80M削減服務抵死；
非繁時都打得爆282，但都要削班，就話秦石少客(人地咁方便咁多車搭，唔使乜都282，當然少客？)，282削減服務抵死。

係嫁，如果我無記錯，當年新田圍既「康樂車」只係幾部小巴（你都提過得 23 座），
咁家陣呢？咦？282 好似由 AT 小巴，慢慢改善到出雙層巴士？我深信果幾部「康樂車」點都無可能短時間內載到今時今日咁大客流量。
當年 282 要改善服務，係秦石加新田圍有客有市，至有能力加班加層。

咁有馬鐵後，282 係唔係少左秦石班客，而少左人同你爭位先？
咁人地區真係少左需求，減班都好正常，因為之前改善服務真係計左秦石條數。

唔係 282 經秦石有站，我深信今時今日 282 仲係行緊全單層，
記住，今時今日既 282 唔係只為新田圍服務，新田圍唔係中心點。

原帖由 mckhgc 於 2015-1-10 14:37 發表

龍門任你搬，總之除非靠一個新田圍，都做到非繁都班班頂閘，仲要分埋畀秦石而秦石班大帝又肯搭，至叫有需求，否則點剝削新田圍都係合理。

完全錯誤，新田圍作為一個公屋尾邨，想要一條區外線，得兩個方法：
1. 唔想比人影響，就要自已有條件獨力支持成條線
2. 就要靠其他區做大個餅

新田圍好明題係無可能維持一部巴士線，依個係事實。
新田圍直落第一條邨係秦石，你唔靠秦石拉客（尤其係 282）？之後再睇邊區順路再做大個餅。

唔好下下以新田圍為中心，你放大成個沙田睇，新田圍既需求唔比其他人高，
但人口無能力支持一條線，咁 80M／85A／86／89 路過有站算係咁，人地本身唔止做新田圍，只係想保成條線有客量，加埋新田圍有最大效益。

再衰少少講，82M／82K 夠係廣源既人用，人地居民幾唔想入新田圍，
但入左可以做埋新田圍生意既，唔通人地又反對？

所以成日聲稱新田圍好慘，但完全無考慮過新田圍地理位置問題，
最離譜係，80M／280P 經新田圍，個個依舊唔坐出市區，咁你自己居民都唔支持，點會唔比人削線？

[ 本帖最後由 dennis28a 於 2015-1-11 08:16 編輯 ]