李氏長和系重整架構及遷冊之迷思

話說李氏昨日突然開記者會講述旗下兩大旗艦長江實業及和記黃埔進行重整架構，並開設新公司長和及長地代替現有兩間上市公司之地位。兩間新公司於開曼群島注冊，與李氏早年一直提及並不會遷冊所違背。實話實說，自梁振英上台之後，全城皆知梁特首與本地富豪一直都口和心不和。而李嘉誠本人一向都沒有表態支持梁振英。反之當年梁振英之競爭對手唐英年，李氏則有開聲支持他。至於梁振英當選之後，李氏開始或考慮出售大陸及香港資產。例如之前想出售百佳等。

自六四事件之後，外資開始從大陸撤資，反之當年李氏就大舉進入大陸市場。於當年呢個情況之下，共產黨當然非常歡迎李氏呢個投資舉動，同時李氏都幫左自己吸收左不少政治資本。但係呢幾年，李氏不旦冇正面支持中共，仲要無啦啦將旗下公司重整架構，實為遷冊；某程度上根本就係對香港甚至中共投不信任一票。作為大商家及李氏一貫作風，佢唔會無啦啦搞呢場大龍鳳，雖則口講話係商業決定；但現實上，起呢個時間中共大力反貪打大老虎，而香港梁振英就搞普選等相當具爭議性之政策；今次李氏呢個舉動真係不尋常，仲有今次佢咁做，中共同佢之間嘅關係都有一定程度的改變。尤其他在記者會上發表對雨傘革命的睇法，更加覺得佢同中共立場越走越遠。

李嘉誠作為全城首富，應該三思而後行的，今次重組遷冊所帶來之問題，他應該心中有數。但對於普通市民來說，佢呢個舉動基本上可以形容為「資本家對香港及中國前景睇淡」，究竟今次佢葫蘆裡賣什麼藥？是不是已經得知香港甚至中共前景堪虞？

歡迎討論。

眾多本地華人巨賈之中，
只有他能夠成功走上國際舞台，
買下歐美企業而且成功轉虧為盈。

他的取態亦甚為明顯，
基本就是減少依賴本港的收入，
盡力換入外地的資產，
以求更穩定的增長，也減少受中國政策影響的機會。

撤資與否，根本並不重要，
在商言商的他，聰明在沒有加入澳門賭業，
也沒有孤注一擲在地產投資之上，
以他的身份地位，也無需刻意表達政治立場，
習大大(或意圖討好習大大的人)早排用錯手法去迫香港富豪表態，
相信經此一役，加上超人自己都係由國內走難來港，
再加上近年香港生意難做咗咁多，政府亦唔會再創造對佢地最有利的環境，
不如趁中共未敢大力打佢之前，快手而且爽快咁走，
來得穩陣。

個人覺得超人呢個舉動係預防性居多
始終所有雞蛋唔可以放哂落一個籃入面

超人亦深知中國經濟強大嘅同時
一黨獨大情況唔可能喺短時間內解決/改變
所以減少整體業務對中國(包括香港)嘅依賴亦好正常

當然,喺呢一刻,超人未必對香港感到絕望
但可以肯定嘅係失望

超人係商人，商人睇乜野？睇盤數。

如果要講良心或者恐懼，六四後的中共就最恐怖最無良，但當時佢冇走到，反而深入虎穴。

超人生意遍布全球亦係多年首富，知名度甚高，如果在政治上郁佢都幾大鑊，
老董更曾拉大隊見習大大，我相信超人本人的政治風險不大。
所以，最正確的解釋，應該係商業決定。

當然，這個商業決定，唔可以話同政治氣候無關，不過就唔係驚有人搞佢，
而係怕（或算到）政治影響商業運作，早走早著。

以下係我copy from facebook 上另一朋友所講的﹐他是從事股票行業的。

其實十幾年前,誠哥六十大壽前後,已經開始有風聲傳出,長和系重組,
原因係因為集團結構問題,長實控制和黃,和黃控制長江基建,長江基建控制港燈(已改名電能)本來無問題,但長實市值比和黃細,容易引人狙擊(成功的話,可以一口氣獲得旗下3間上市公司),所以之前一直係傳長實同和黃會調轉位置,但因為長實係誠哥心血,所以一直都唔肯重組
依家重組分開地產同其他業務,正好可以將長實同和黃分開,長實依然係最高位置果間控股公司,同和黃分開左,地產頂目價值唔會好被低估,而其他非地產頂目就全部在和黃內,分工清晰,而且可以為第2代正式上位鋪路
根本唔開政府事,反面係因為怕左佔中就真,因為之前好似話過,佔中成功就會撤資

如果上面藍字一段係正確﹐重組只是遲早的事。



再睇頭條的專欄作家的分析﹐似乎真係為未來發展鋪路﹐多於想遷冊徹資。
http://news.stheadline.com/dailynews/headline_news_detail_columnist.asp?id=315792&section_name=wtt&kw=4



ps. 唔遷冊徹資﹐係李生高調講的﹐斷估他有生之年﹐大仔都唔會做。
而李生(家)同北大人的江湖關係﹐想大幅減少香港及中國的投資﹐都唔係一件易事。得罪北大人﹐在香港做生意雖不會入罪﹐但係會無運行囉。

ps2 :李生2個仔﹐受過高等教育﹐玩財技真係超晒班﹐純為公司發展而重組﹐一點都不出奇。

原帖由 JX9097 於 2015-1-12 03:32 發表
個人覺得超人呢個舉動係預防性居多
始終所有雞蛋唔可以放哂落一個籃入面

超人亦深知中國經濟強大嘅同時
一黨獨大情況唔可能喺短時間內解決/改變
所以減少整體業務對中國(包括香港)嘅依賴亦好正常

當然,喺呢一刻,超 ...

中共一黨獨大唔係最近 o既事，咁多年黎一直都係咁。
如果要預防中共，點解早唔防，要而家防先？
我覺得而家個問題在於超人係華人，同時起大陸有唔小生意，向來又同中共關係都算良好，
突然無啦啦搞咁多野，我直情覺得件事有點反常呢 ……

原帖由 kei_hk 於 2015-1-12 12:24 發表
ps. 唔遷冊徹資﹐係李生高調講的﹐斷估他有生之年﹐大仔都唔會做。
而李生(家)同北大人的江湖關係﹐想大幅減少香港及中國的投資﹐都唔係一件易事。得罪北大人﹐在香港做生意雖不會入罪﹐但係會無運行囉。

ps2 :李生2個仔﹐受過高等教育﹐玩財技真係超晒班﹐純為公司發展而重組﹐一點都不出奇。

如果你第一點所講，而家佢咁樣重整，某程度上都可以話叫得罪左北大人是也（就算講唔上得罪，我相信兩者之間點都有 d 野，始終兩者關係就係有點微妙變化）。

睇返共產黨近年來，行事及作風上感覺係心敗越黎越窄，比老江年代感覺仲要差（雖然習嫕行出黎都叫擺到個「開明」樣子），
超人而家就同中共口徑有點分岐，分分鐘你所謂 o既「運」都用盡了 ……

原帖由 AVD1 於 2015-1-12 03:29 PM 發表


如果你第一點所講，而家佢咁樣重整，某程度上都可以話叫得罪左北大人是也（就算講唔上得罪，我相信兩者之間點都有 d 野，始終兩者關係就係有點微妙變化）。

睇返共產黨近年來，行事及作風上感覺係心敗越黎越窄，比老江年代感覺仲 ...

而家只係重整﹐無搬錢走。
公司註冊地唔算係重點﹐學超人所講﹐唔少 h 股都係海外註冊的。


係唔係真係得罪北大人﹐都係取決於已經做出來的事。
最少﹐而家見唔到有進一步的行動。

原帖由 kei_hk 於 2015-1-12 16:51 發表


而家只係重整﹐無搬錢走。
公司註冊地唔算係重點﹐學超人所講﹐唔少 h 股都係海外註冊的。


係唔係真係得罪北大人﹐都係取決於已經做出來的事。
最少﹐而家見唔到有進一步的行動。 ...

呢幾年，超人家族都賣左唔小大陸同香港 o既資產，轉左去海外了 ……

其實樓主已經有預設立場，
如果立場唔同，好難討論。

李嘉誠無可能無計算到佢嘅行動
會帶出坊間咩嘢猜測。
但係佢呢個行動，係咪完全由中共一手造成，
我嘅答案係否定。

事實上，唔少反共人士都反李嘉誠，
我甚至隱約覺得在座會有唔少人
認為佢唯利是圖、敲剝人民骨髓。
蘋果亦一向對佢無甚好話。