政府終於承認塞車元兇: 私家車太多?

原帖由 拾顓豭 於 2015-1-15 20:37 發表
有錢階級 / 以錢買時間人士: 成本俾得到唔怕揸, 只係值與唔值同時間問題, 有錢人的心態亦係其中之一

私家車快得過港鐵咩?? 如何以錢買時間??

香港市區港鐵沿線私家車9成慢過港鐵，
為何香港人成日assume私家車最快??
唔通唔記得搵位、泊車、出入停車場都要大量時間??

當你的目的地及起程地都不是地鐵站附近
私家車咪有優勢囉

原帖由 Kaix 於 2015-1-15 21:58 發表



私家車快得過港鐵咩?? 如何以錢買時間??

香港市區港鐵沿線私家車9成慢過港鐵，
為何香港人成日assume私家車最快??
唔通唔記得搵位、泊車、出入停車場都要大量時間?? ...

咁唔駛泊車嘅的士快得過港鐵卦？記住門對門計呀（極端車程，例如錦上路去荃灣西除外）。咁假設有朝一日，周街都無位泊啦，啲有錢佬日日call的出入，路面又會變成點呢？

[ 本帖最後由 miklcct 於 2015-1-15 23:02 編輯 ]

原帖由 Kaix 於 2015-1-15 21:58 發表



私家車快得過港鐵咩?? 如何以錢買時間??

香港市區港鐵沿線私家車9成慢過港鐵，
為何香港人成日assume私家車最快??
唔通唔記得搵位、泊車、出入停車場都要大量時間?? ...

先利申: 現有駕車出入，返工用為主。

問題係:
1. 我住的地方去搭返工上車的地方要最少十分鐘腳程，
一係搭程巴士落山轉巴士。
我都想搭巴士落西鐵站，無奈程巴士一定耐過我程西鐵，
更加唔好講架巴士本身非常疏車。
搭的士都算易有車，但落西鐵站$30左近，
加埋程西鐵都已經$40過外，
再加上西鐵、巴士站落車行返公司，快的都七至八分鐘，
太累、太趕分分鐘要搭小巴，
又再貴多少少。

但係，我開車返到公司都只係需要半個鐘，同我搭公共交通加轉車最少平手，
全程都上公路油耗亦都ok，公司有車位提供，咁又值得開車。

我本身樂意搭公共交通，但絕對期望有合理的公共交通選擇及配套，
唔好兜完成個市中心，耗時30分鐘先至去到西鐵站，
絕對幫輕唔少。

車位? 全香港得一萬八千個錶位，
仲要好多都係響唔係咁多人用的區，
就算我肯俾停車場錢，都要俾到個場我用先得㗎!

搭地鐵已經幾迫、搭巴士又未必有要的組合，
唔通要乘容現轉車、轉車再轉車咩?
有一家大細，分分鐘已經連上巴士都麻煩，
搭的士又未必話截到就有，
咁點解唔自己揸車?

講到尾，係依家的公共交通服務組合並不太理想，
才有更多「中產」揸車。

大老闆們的違泊及街邊等，當然要處理，
但平日街邊唔夠車位，呢啲問題唔處理，都好難要求處理交通擠塞的問題。

原帖由 miklcct 於 2015-1-15 23:01 發表

咁唔駛泊車嘅的士快得過港鐵卦？記住門對門計呀（極端車程，例如錦上路去荃灣西除外）。咁假設有朝一日，周街都無位泊啦，啲有錢佬日日call的出入，路面又會變成點呢？ ...

咁咪就係囉，根本的士幾乎任何情況都快過私家車，
只係唔知點解香港人成日以為私家車最快最方便，
以為買車可以慳時間

其實香港要應付私家車問題,應學深圳設"限購令",又或者設立QUOTA制,當要出一個私家車牌,就要放棄一個現存的私家車牌.

原帖由 307 於 2015-1-16 10:41 發表 車位? 全香港得一萬八千個錶位，
仲要好多都係響唔係咁多人用的區，
就算我肯俾停車場錢，都要俾到個場我用先得㗎!

搭地鐵已經幾迫、搭巴士又未必有要的組合，
唔通要乘容現轉車、轉車再轉車咩?
有一家大細，分分鐘已經連上巴士都麻煩，
搭的士又未必話截到就有，
咁點解唔自己揸車?

講到尾，係依家的公共交通服務組合並不太理想，
才有更多「中產」揸車。

大老闆們的違泊及街邊等，當然要處理，
但平日街邊唔夠車位，呢啲問題唔處理，都好難要求處理交通擠塞的問題。

增加錶位/停車場只會鼓勵人渣車，
你要掉轉諗，就係因為泊位嚴重不足先咁多人有車唔渣

其實最好條路越塞越亂越好，咁先可以迫到人放棄渣車，
你死要渣車咪塞飽佢，自作自受，與人無尤，
橫掂對我呢d旺區必搭港鐵的大多數人完全沒影響，
呢個就係建設發達軌道交通網絡的重要性

其實香港已經九成人使用公共交通，
除非用行政手段否則個數已經高得冇得再高，
你要知道會有人渣車/搭的士由尖沙咀去中環，
仲以為咁樣好快好方便好尊貴的人存在

原帖由 Kaix 於 2015-1-16 11:27 發表

其實最好條路越塞越亂越好，咁先可以迫到人放棄渣車

咁又未必, 如果去嘅地方一定要搭巴士, 面對唔知要等幾耐同唔知要塞幾耐,
渣車可以行另一條遠少少但無咁塞嘅路線去到目的地, 時間上可能反而惢較
有保證,

原帖由 FBI2 於 2015-1-16 10:58 發表
其實香港要應付私家車問題,應學深圳設"限購令",又或者設立QUOTA制,當要出一個私家車牌,就要放棄一個現存的私家車牌.

這我讚成，不過香港好多車主根本已經係假日先渣，
香港只有10%人渣車(旺區更係5%以下)便造成擠塞的情況下，
唔好以為限購的效果會好顯著


人地深圳50%人渣車返工，新加坡40%，個基數大，
所以限制私家車政策的效果先至顯著


其實香港沿用已久的城市規劃模式，
就已經係全世界最有效限制私家車的政策，
香港90%人口不駕車係全球最高，
所以任何其他政策都唔可能再大幅減少私家車，
除非實行禁車