2015-2016年度西貢區巴士路線計劃出爐

若果93K真係改為繁時單向服務，本人建議

98C 縮短到寶林，班次改為10-20分鐘一班，車費減至收10.1
98S取消
新增98X 由日出康城經坑口後去美孚，12-20分鐘一班
用車共24正5蛇

98A亦不需再柯打98S線，可以騰出用車，穩定班次

反而我又諗會唔會借機俾到796C出蘇屋真係改到上尚德做補償?
調返轉令老九有少少蝕底返呢?
反正都係見咩車上咩車

小小資料上比較
296C客量都應該高796C少少
一條過5400,一條低過5300

原帖由 S3BL100 於 2015-1-18 03:50 發表


296C 的確係做緊尚德出旺角同西九，同 796C 無敵重疊亦係事實，當然九巴的確想留住條線唔俾 796C 獨大，
但如果覺得九巴純粹係因為想做尚德而留 296C，咁未免 too simple。

的確 296C 同 93K 唔同，暫時吸唔到尚德出觀塘客 ...

如果 13D/16 真係自己開特快，只要轉過個號碼，都已經可以收返東九特快線價 $7.5，而 296C 就算收將軍澳價都只係 $8.3，
個差距根本就好細，更何況 296C 西行本身觀塘都有分段 $7.2，拉勻來回平均都係 $7.75，同本身市區線收費分別不大，
平均差兩毫幾子一程，好多時本土市區線自己都有呢個差距。

原帖由 fleetline 於 2015-1-18 08:58 發表

大部份尚德客由旺角返屋企都係選擇塞觀塘的296C而唔選擇兜調景嶺796c
當有296C到站, 甚小見有大量796c排隊乘客跑過來上車.
但情況相反時, 則有數量唔小的人由296C隊中走去796c個站,
咁你覺得誰是執雞?

但去到 ...

796c富豪酒店東行站搬前，
只係因為落橋難埋站咋?

原帖由 fleetline 於 2015-1-18 08:58 發表

大部份尚德客由旺角返屋企都係選擇塞觀塘的296C而唔選擇兜調景嶺796c
當有296C到站, 甚小見有大量796c排隊乘客跑過來上車.
但情況相反時, 則有數量唔小的人由296C隊中走去796c個站,
咁你覺得誰是執雞?

但去到 ...

咁亦改變唔到 296C 而家的確係執緊其他巿區內陸線雞的事實

原帖由 fleetline 於 2015-1-18 09:30 發表

九巴留一條線當然唔會單一理由, 但主要原因一定同觀塘往來西九龍無關.

坐過296C咁多次, 下午繁忙時間往來西九龍地區至觀塘市中心乘客, 平均每班車都不超過10人.

停西洋菜街食 13D 16 客, 贊成
觀塘再加停 apm, 反對, 因為會加長行車時間, 反建議在駿業里加站, 既不影響行車時間又可吸引乘客.
全日大部分時間 15 分一班, 贊成, 而家296C用10架車, 唔駛加車都做到15分鐘一班.

但如果唔係可以用呢條屎忽數做 $7.2 / $8.3 內陸流水，觀旺又長做長有，
以 296C 非繁垃圾客量，下場應該會同 93K 差唔多，縮線或者變兩味。

同埋你話「每班車唔超過 10 人」係好取巧，因為你只係計觀塘巿中心，無計觀塘道沿途其餘各站，
如果再加埋果幾個站，每車一定至少有幾十個。
而且你仲話「來往」，實際下繁西行果半車客，咪又係同 14 15 16 果堆屋村經觀塘道出九龍西的路線一樣，
下繁大部分乘客都係觀塘道沿途上車，下繁屋村邊度出到咁多客？

觀塘加停 apm，上繁或者中午前其實唔會加長好多行車時間，迴旋處一般都係下晝打後先開始塞，但下晝邊條村出巿區需求都唔多喇。
但事實係在有競爭情況下，apm 站位始終靚好多，仲方便埋你地去 apm 同開源道
（唔使焗住 296A 去到牛頭角掉頭，望下 93K 一樣有人俾 $8.9 坐去 apm，係有得做，況且亞皆老街飛站抵銷有餘）
如果因為呢一個站吸多唔少觀塘客，製造條件俾 296C 非繁加到 15 分一班，
你地尚德班自我感覺良好的居民，應該要多謝觀塘區居民同街客先係，咁支持你地條線

加到 15 分一班，表面上唔使加車，但司機唔使食飯？唔使加 L 字軌加人？
唔想加資源的話，一定係 296A 抽車，道理同埋九巴屈 98A 客搭 93K 一樣

原帖由 3ASV174 於 2015-1-18 13:33 發表
如果 13D/16 真係自己開特快，只要轉過個號碼，都已經可以收返東九特快線價 $7.5，而 296C 就算收將軍澳價都只係 $8.3，
個差距根本就好細，更何況 296C 西行本身觀塘都有分段 $7.2，拉勻來回平均都係 $7.75，同本身市區線收費分別 ...

無錯，但係 13D 本身資源唔夠，而且我肯定條線盤數一定仲差過 296C，
而 16 亦唔會成條無左，因為要做沿途流水，包括亞皆老街 - 觀塘、大角咀 - 亞皆老街、藍田 - 觀塘道。

但如果 13D 拆特快的話，應該係行山飛走巿中心；16 如果拆特快，應該係雙向行繞道，先合乎整體規劃同地區需要，
點都唔會係照行觀塘道但飛起亞皆老街就算。
在呢個前提下，咁岩有條 296C 叫做有利用價值，亦只係得呢條線有條件做觀旺特快。
俾著我係寫 RDP 果個，我都會拎呢條線咁玩。

原帖由 S3BL100 於 2015-1-18 15:27 發表


咁亦改變唔到 296C 而家的確係執緊其他巿區內陸線雞的事實



但如果唔係可以用呢條屎忽數做 $7.2 / $8.3 內陸流水，觀旺又長做長有，
以 296C 非繁垃圾客量，下場應該會同 93K 差唔多，縮線或者變兩味。

同埋你話「每班 ...

每班車起碼有幾十人坐296C由西九龍到觀塘道落車, 我直頭當笑話咁聽

觀塘巿中心站已經係成條觀塘道最多人落車的站,
觀塘道近九龍灣一帶的車站因為受2A競爭, 好小人會選擇又貴又疏的296C,
普遍上由坪石去到觀塘道休憩處幾個站夾埋都冇10個客落車.
當然啦, 如果架296C成功執到2A大堆2蚊客, 講法就唔同.

下繁西行觀塘道出九龍西客量比將軍澳多, 我冇異議.

如果要停APM就要加車, 先問車從何來?
停駿業里已經做到相約效果, 我真係有需要非停APM不可?

另外加人手方面, 其實近期九巴對296A/98C等路線都有減人,
要多一兩個車長問題似乎唔大, 但要加車問題就好大.

原帖由 S3BL100 於 2015-1-18 15:32 發表


無錯，但係 13D 本身資源唔夠，而且我肯定條線盤數一定仲差過 296C，
而 16 亦唔會成條無左，因為要做沿途流水，包括亞皆老街 - 觀塘、大角咀 - 亞皆老街、藍田 - 觀塘道。

但如果 13D 拆特快的話，應該係行山飛走巿中心；16 如 ...

題外話, 我完全唔明點解藍田一定要有條經觀繞去西九龍地區路線?
以藍田未來發展及競爭對手去睇, 開條藍田經觀繞去西九龍地區路線直頭係死路一條.

原帖由 transbus 於 2015-1-18 14:18 發表

796c富豪酒店東行站搬前，
只係因為落橋難埋站咋?

落橋難埋站咪就係借口.
如果落橋難埋站就應該取消該站.
我唔覺得移前30米會有好大幫助.