<列舉>有什麼地方的居民如此喜愛搭巴士呢?

原帖由 ahbong 於 2006-4-28 11:00 發表


貴應該係比較主要的因素
綜合將軍澳線、迪士尼線之經驗
即使轉幾次車麻煩（迪士尼線）
只要比巴士便宜很多（將線 $11.8 V.S. 巴士 $15.X，再送埋學生半價)
都可以大量吸客
因為要有一個好吸引的誘因才能 ...

將軍澳轉車都係一次起兩次止
但係馬鐵去大部份地方都最少要轉兩次

另外,690同692收$12.8

原帖由 lf5499 於 2006-4-27 23:38 發表

其實有時d野 整得好地地 就真係無謂插手落去搞佢,插手加入去,未必得到好結果
如果當初計劃興建馬鐵時,馬鞍山居民已經強烈要求政府一條巴士線都唔可cut,就足以証明,馬鐵係唔多吸引到市民去搭,咁當然都有人去搭, ...

記得當初設計和興建馬鐵時, 聽到最多的聲音之一就是要求馬鐵直出市區,
什至有區議員及居民舉出類似「不出市區，馬鐵是沒有用」的言論.

我認為不論出到鑽石山方便了多少, 但這個出到市區的鐵路,
已經比現時的「地區性鐵路」大大增加吸引力,
亦令「改變居民生活習慣」這個誘因大大提高.
現在馬鐵通車, 要求出市區的聲音似乎驟減,
然而客量不足, 這個可說是一個很重要的原因.

現時的馬鐵出市區乘客, 很可能有大部份只是來自馬鐵通車前的 87K/287K+東鐵客,
客量只是九鐵自己左手交右手而已,
換句話說, 即是只是吸走這班不嫁意需要左轉右轉的乘客,
卻吸引不到搭開一程巴士的乘客.

另外, 關於 87K 開辦的問題, 其實當初係計劃開 K 巴來往馬鞍山及大學,
只是九巴搶先一步開辦 87K, 才令這條 k 巴胎死腹中....

[ 本帖最後由 denniskeung 於 2006-4-28 17:43 編輯 ]

原帖由 denniskeung 於 2006-4-28 17:41 發表

記得當初設計和興建馬鐵時, 聽到最多的聲音之一就是要求馬鐵直出市區,
什至有區議員及居民舉出類似「不出市區，馬鐵是沒有用」的言論.

我認為不論出到鑽石山方便了多少, 但這個出到市區的鐵路,
已經比現時 ...

完全認同，呢個就係馬鐵的死穴！我係馬鐵通車之前已經作出預測，
作為一個馬鞍山居民,馬鐵只會吸引區內客或者本身用巴士接駁去東鐵客。
當時有唔少人唔認同，但結果亦得到証實。

正如早前講過，行去馬鐵站附近路段無野遮無空調等等，
令十分鐘的步行變得不方便,不值得。三分鐘上巴士，
只要付出等車的時間，到左目的地又可能再減省另外十分鐘的步行。
時間及舒服度又不及巴士。當然我覺得九巴馬鞍山區的巴士服務
依然有好多不足，但卻足以令人繼續坐巴士。

相信如果無馬鐵月票，部份旺角油麻地客會改投87D線，
如果將來連東鐵月票都無的話,會令尖咀客流失。
始終十一蚊去尖咀實在超貴！

再者馬鐵在收費及時間上都比大埔高但慢。
結果只好接受失敗或等到兩鐵合拼，甚至等到有沙中線才可改善。

甚至等到有沙中線才可改善

等沙中線起好時,到時馬鐵蝕到入肉了.......
不過兩鐵合併好後,會直接減價,或許令馬鐵蝕到沒有今勁......
講起沙中線,現在仍然無聲無氣,
一日決定定線如何,都直接影響馬鐵未來客量,
如定線得好(馬鐵直接出市區),681及85c可以摺得了,馬鐵可起死回生,
如家線得不好,食唔到出市區客,馬鐵仍然蝕到令九鐵救命,
到時無眼睇了......

原帖由 lf5499 於 2006-4-28 19:29 發表

個人認為 沙中線唔起好過起

小弟認為看定線如何?
定線得好,小弟都會搭鐵路,少搭巴士,可以連681唔要,
如果定線不好,小弟仍然會搭巴士好過,
希望定線會好些,能幫馬鐵客量上升就好了

原帖由 gn3509 於 2006-4-28 11:07 發表

將軍澳轉車都係一次起兩次止
但係馬鐵去大部份地方都最少要轉兩次

另外,690同692收$12.8

690同691(692前身)未有將軍澳線之前係$15.3
將軍澳線通車之後D客俾地鐵搶走一大半先縮短路線
兼減到$12.8

原帖由 lf5499 於 2006-4-28 19:29 發表

個人認為 沙中線唔起好過起

咁咪由得馬鞍山人繼續間接為禍人間!?

我上年暑假日日都要撘8點半既87K係耀安出大學
87K朝朝都可以坐滿去大學, 什至有超過10人要企

多數o個個時間會有班681, 都會企到出黃線