2015-2016 年度北區路線發展計劃

睇完好多網友評論，發覺九巴同唔少人都神化373a，支持下繁兩班373飛走粉南。373a呢條線「便捷」只適用於中上環至上水一段，非繁由灣仔至華明最快都要一個鐘頭三個字，繁時有機會塞中環同汀九橋，仲要幾難遇唔到高載車。非繁唔夠客就當然盡量谷客落去，但繁時夠客拆到東西隧線就應該盡量平均兩條線嘅客量，好讓上環同灣仔客都可以以最快速度逃離港島，373a可以彌補373上環返上水太耐嘅問題，同時373又可以縮短灣仔至粉南嘅時間至九個字，正當馬鞍山果邊仲幻想緊有條980x，北區係第一個亦係新界東唯一一個區下繁有齊東西隧線，大家應該好好珍惜做好分流。我係373常客，客量分佈好明顯，三成客大窩西落，六成客粉南落，淨低一成繼續遊車河。飛走粉南，九巴想978永吉街要飛站迫人上968，定送客比邨巴？開一班978a回程，加快中環至聯和墟車程先係良策。清河開978b證明華慧園都已經坐滿，978正線其中一班係唔係應該過華慧園後直接上公路呢？

關於673，我完全唔睇好，北區一段差唔多同宜家373重疊，過海一段唔到中環，飛走大窩西但又要慢走內告，去灣仔時間同373差唔多，獨市只有銅鑼灣至灣仔一段，但偏偏紅隧口有大量選擇，開多班978a係唔係仲好？

270b特車方面，清河本身早繁都有270p去青沙，唔一定要兜入去，用673走線上公路最好。如果最後走線不變，聯和墟人應該搭70k去牽晴間轉仲快

279x上繁上水站既然開特車，點解唔索性拆線？搵幾班清河開去火車站再上公路，聯和墟唔洗兜咁耐先上公路

277系改動都符合預期，但277p下繁應該係幫到277x清客，少咗一班277p,會唔會令277x有登車困難呢？

原帖由 kevinszeto 於 2015-1-31 16:46 發表
睇完好多網友評論，發覺九巴同唔少人都神化373a，支持下繁兩班373飛走粉南。373a呢條線「便捷」只適用於中上環至上水一段，非繁由灣仔至華明最快都要一個鐘頭三個字，繁時有機會塞中環同汀九橋，仲要幾難遇唔到高載車。非繁唔 ...

咁依家九巴唔想比人搶地盤嘛

678就話載客率達標先加車

373A就話客量持續增加加密班次，完全兩個tone黎

我個人傾向相信373A加班會早過678

話說前個排試過收工，678有回程時段，咁岩係地鐵，去到北角有個客上車，見到佢用九巴APP搜尋373A中環上車位置

我假設佢真係轉373A，好地地有678唔坐，個時已經覺得，一條線係咪全日似乎有好大影響

如果678全日，373A繼續開兩味，個結局或者會倒返轉

原帖由 kay 於 2015-1-31 18:24 發表
咁依家九巴唔想比人搶地盤嘛

678就話載客率達標先加車

373A就話客量持續增加加密班次，完全兩個tone黎

我個人傾向相信373A加班會早過678

話說前個排試過收工，678有回程時段，咁岩係地鐵，去到北角有個客上車，見到佢用九 ...

全日線就肯定有車，兩繁線就唔知走架車未，你係客等邊架？

當往返新界東及港島東做得比較好既全日線682
非繁可以得十幾個客過海既時候
好難說服巴士公司將678轉做全日
何況678全程車費只係比682貴$2.6

大埔客量比較好既307P都未能全日既時候, 現在早晚各只有兩班678都好難會有全日

原帖由 kmb71k 於 2015-2-1 23:15 發表
大埔客量比較好既307P都未能全日既時候, 現在早晚各只有兩班678都好難會有全日

港島東來往新界任何一區, 最主要都係東區返放工人士
無必要全日喇
好少少嘅682都只係因為小瀝源/石門工業區而有雙向多人而非其他線咁得單向, 但非繁一樣唔掂
694一樣唔多人
東區同上中下環比爭好遠了

678將於三月份增加2班回程班次

原帖由 FBI2 於 2015-2-1 23:57 發表
678將於三月份增加2班回程班次

會都未開就加得?

想借呢個帖查詢一下
73A現時主客源出左大窩西一帶之外
火炭重有無人會特登搭佢？