新巴歐三Trident將改開頂

原帖由 PZ8988 於 2015-2-24 02:35 PM 發表
與其搵車開頂，不如買開頂新猛獅

都無人可以肯定條線有17-18年命﹐貿貿然買部全新車回來﹐一旦幾年後要摺線﹐部車點算好?


相反﹐用部舊車去改裝﹐部車只餘5-6年命﹐一旦短時間內要摺線﹐改車的成本都唔會太大。
而部車本身行了十年﹐按理都已經回了本﹐假如日後摺線﹐部車用唔番﹐只是提早退役幾年﹐唔駛蝕車本身的成本﹐只係蝕部車餘生的搵錢能力。

原帖由 dogdog002 於 2015-2-24 15:16 發表

加上而家有H1 每個人最少收你33蚊， 15C得個4蚊

開頂唔洗錢咩

仲未計班客走去搭鑬車唔搭15



同埋佢係專利公司緊係搵堆新車出去跑數啦

跑左十幾年咪調佢入黎慢慢養老

咁先合符成本效益 ...

而且而家 H1 一轉最快要兩個鐘，過鐘先係正常，四架邊夠行....

原帖由 kei_hk 於 2015-2-24 15:23 發表


都無人可以肯定條線有17-18年命﹐貿貿然買部全新車回來﹐一旦幾年後要摺線﹐部車點算好?


相反﹐用部舊車去改裝﹐部車只餘5-6年命﹐一旦短時間內要摺線﹐改車的成本都唔會太大。
而部車本身行了十年﹐按理都已經回了本﹐假如日後摺 ...

就算條線摺咗，啲車都可以過城記做租賃服務啫

原帖由 da54 於 2015-2-24 15:31 發表

而且而家 H1 一轉最快要兩個鐘，過鐘先係正常，四架邊夠行....

所以我覺得佢而家就算改夠五架車去行 H1 都係唔夠，起碼加多架就差唔多...

原帖由 December12 於 2015-2-24 16:34 發表

就算條線摺咗，啲車都可以過城記做租賃服務啫

其實你估下城記租賃服務長命 d，定係 H1 會長命 d？

原帖由 petcity 於 2015-2-24 21:15 發表


我會估兩邊係有機會做到不能同年同月同日生
但能.................

呢樣野真係好難講...不過咁..城仔呢一兩年受自由行帶動, 租賃部其實算係好返d既..係之前唔做SP線, 不過而家散客都開始多返D~~

大家都講唔埋..可能改完一部到一部, 又未摺得埋呢~

仲有 hkitalk 呢 D 熟客......

據聞1215係第一部改開頂
昨晚行完110早收返柴廠準備開工

有錯請指

原帖由 hkbw 於 2015-2-25 12:04 AM 發表

呢樣野真係好難講...不過咁..城仔呢一兩年受自由行帶動, 租賃部其實算係好返d既..係之前唔做SP線, 不過而家散客都開始多返D~~

大家都講唔埋..可能改完一部到一部, 又未摺得埋呢~ ...

其實簡單講一句﹐前境唔係太明朗﹐好難話買部全新開頂車的。

但係如果真係生意好﹐有需求的話﹐非專買一部全新非開頂車﹐這又反而有機會。

講到尾﹐開頂車的用途及2手市場細好多﹐但非開頂車市場大得多﹐最少可以轉去專利部。

真係開頂車有需求﹐真係再去搵部大約十年的舊車去改裝囉。拆頂易過加頂。


ps. 大巴士肯買全新開頂車﹐主要因為係想打入新市場﹐由零開始。加上集團在其他地方都有相同業務﹐點都有地方收留批車。