$2優惠是否阻礙行車時間的討論

原帖由 cky 於 2015-3-1 21:36 發表

你睇唔到, 錢入受助人又好, 入巴士公司都好
都係 "公帤錢"

車船津貼係按居住地點同學校距離發放，
因此唔會出現兩蚊雞呢o的長線短搭情況，遠就俾多，近就俾少，你近距離搭天價車係閣下自理，公帑唔會貼你 682 當 82 搭。再者車船津貼係定額，你遊車河，公帑都係唔包。

至於長者卡半價，講左無補貼，唔牽涉公帑。

[ 本帖最後由 3ASV174 於 2015-3-1 21:40 編輯 ]

原帖由 3ASV174 於 2015-3-1 21:38 發表
車船津貼係按居住地點同學校距離發放，
因此唔會出現兩蚊雞呢o的長線短搭情況，遠就俾多，近就俾少，你近距離搭天價車係閣下自理，公帑唔會貼你 682 當 82 搭。再者車船津貼係定額，你遊車河，公帑都係唔包。

至於長者卡半價，講左 ...

2009年11月4日, 時任環輸局長鄭汝樺在交於立法會的文件中提及:
"事實上，對於有需要的人士，政府已實施一系列針對性的措施去提供協助。... ...並且實施了長者票價優惠計劃，向提供長者票價優惠的公共交通營辦商提供租金和牌費的減免。"

呢個都唔算係補貼?

原帖由 3ASV174 於 2015-3-1 21:31 發表
你就錯晒，
車船津貼收錢既係受助人，而唔係巴士公司，所以資助差額唔係巴士公司落袋。而且車船津貼係跟受助人屋企同學校距離發出，如果你住小西灣去筲箕灣返學，佢俾你個額只會係預你搭本土線 82 呢類，你上 682 佢一定 cover  ...

其實香港不同的"長者優惠"本身都係有一個"劃一性"的原意, 同生果金唔駛資產審查一樣, 李+x都可以有

相信$2巴士一樣有呢個原意, 就是係任何公共交通長者都可以平搭, 而這大方向現時都係社會較大共識,
同意用公帑處理的問題

咁樣再比較車船津貼無意思...因為原意都唔係計額

我明你想講, 現時制度唔係完美, 有資源錯配, 亦有人有唔理性行為, 心態唔好, 但我想講係,
係"交易費用"(經濟概念)唔係零之下, 好難做到樣樣好.....世界上亦無絕對公平

劃一$2 似乎是現時較好, 亦得到社會較大共識的方法....

[ 本帖最後由 3ASV196 於 2015-3-1 21:55 編輯 ]

原帖由 3ASV196 於 2015-3-1 19:56 發表


其實我真係想知影響時間有幾大, 自問我一直都會坐長途巴, 或隧道巴...

好多時見到情況係, 係過隧道/上公路前的巴士站, 通常站站都會有人上車,
如果多車埋站, 巴士亦要排隊埋站, 而隧道/公路後的巴士站, 則會多數 ...

影響有幾大?
就係架車滿晒個時本來會飛站
之後有人要落車架巴士咪要排隊埋站
前面再撞正有大上落嘅短途車
咁咪塞你幾分鐘

原帖由 ksmbh 於 2015-3-1 20:10 發表

要逼人搭港鐵
將長者優惠的玩法巴士同港鐵唔同已經做到
而家既一律玩法
結果係長者明顯更喜歡搭巴士多過港鐵
受惠亦係巴士公司.

我意思係令到唔係俾緊2蚊嘅人轉搭地鐵

原帖由 brianlhm 於 2015-3-1 21:53 發表

影響有幾大?
就係架車滿晒個時本來會飛站
之後有人要落車架巴士咪要排隊埋站
前面再撞正有大上落嘅短途車
咁咪塞你幾分鐘

我又真係唔覺咁叫影響大

咁如果車滿晒, 只落客都唔駛停正先落jei... 唔滿時咪又係要塞你幾分鐘去排隊埋站?

巴士服務本身就預左要埋站ga la, 只是客滿會有例外, 你講呢個問題, 同巴士站位置/編排問題有關,
多於真係短途客影響lor....

坐巴士坐到下下想客滿飛站等佢快d gei, 呢d又叫好服務咩...

[ 本帖最後由 3ASV196 於 2015-3-1 22:02 編輯 ]

原帖由 brianlhm 於 2015-3-1 21:55 發表


我意思係令到唔係俾緊2蚊嘅人轉搭地鐵

地鐵宜家唔夠逼？
我相信唔小人搭巴士唔係貪快而係唔想逼

原帖由 GL3789 於 2015-3-1 19:33 發表


首先比較下其他地方係長者方面既公交福利政策
台北 65歲以上搭巴士免費，每月限搭60次
廣州 60-64歲搭所有交通工具半價，65歲以上免費，並無時段限制
新加坡 60歲以上搭巴士、鐵路有25%-55%折扣優惠，只限非繁忙時間
英國  ...

公民質素呢樣野我諗政府, 大家都心中有數
要杜絕濫用呢個問題唔係做唔到
只係肯唔肯去做

啲老人家以為自己大晒
問多兩句就話唔尊敬佢
冇政府帶頭邊會有人去解決問題

原帖由 cky 於 2015-3-1 21:44 發表

2009年11月4日, 時任環輸局長鄭汝樺在交於立法會的文件中提及:
"事實上，對於有需要的人士，政府已實施一系列針對性的措施去提供協助。... ...並且實施了長者票價優惠計劃，向提供長者票價優惠的公共交通營辦商提供租金和 ...

呢個「減免」始終都唔係按使用量補貼，
而最重要係佢仍然有用者自付呢個概念，津貼使用者既同時，佢仍然係需要按使用量付出相應既錢，搭貴車要自己俾多o的，搭長途車亦要俾多o的，講到底性質仍然係同亂咁貼既 $2 係唔同。

講真我贊成長者兩折或三折收費，
講真三折下，絕大部份長者常搭既車程，都比依家 $2 更平，其實無乜損失，如果係兩折，講緊係正價 $10 以上先要俾多少少 premium，但多極都係有限，就單係呢一個幾毫已經可以維持返路線車費有個差距，唔會出現亂咁上貴五六倍天價線既情況，
亦不見得比一刀切 $2 行政工夫多幾多，因為劃一收費下，好多轉乘反而更加唔知點計，變左要逐個組合 review，根本仲煩過固定折扣率，我唔明白點解有人覺得咁樣會差過劃一亂咁派 $2。

原帖由 brianlhm 於 2015-3-1 22:03 發表

公民質素呢樣野我諗政府, 大家都心中有數
要杜絕濫用呢個問題唔係做唔到
只係肯唔肯去做

啲老人家以為自己大晒
問多兩句就話唔尊敬佢
冇政府帶頭邊會有人去解決問題 ...

咁都要多得道德塔利班推波助瀾，
事實上恃老賣老既人，真係越黎越多，亦好多人學識用呢樣野去搵著數。