「不適乘客支援點」作用有幾大?

係繁忙時間, m記公司係幾個繁忙車站, 設立「不適乘客支援點」, 向乘客指供協助, 但其實呢個支援點有咩用呢?

如果乘客真係不適既話, 乘客可唔可以支持到去呢個支援點, 如果乘客可以支持住去到呢個支援點, 咁跟本就唔係緊急情況啦, 唔係緊急, 咁乘客又駛咩去搵職員協助呢?

咁呢個支援點其實有咩用呢?

原意 : 當有乘客有些少唔舒服的時間﹐例如少少頭暈﹐4肢無力﹐便可以去這些支緩點找人幫助。

話說這些支援點係有熱水﹐少量食物﹐毛毯的﹐係可應付一般因為無食早餐餓親引起的不適﹐同埋空氣不流通(包括穿得太多衣室內外溫差大)引起的不適﹐在支援點坐低﹐休息一下﹐食少少野﹐飲少少溫水便可回復正常。
如果乘客係有需要的便會 call 白車處理。


實際上有幾大作用﹐有幾多客仔光顧﹐我估可能全天所有點加起來都有1單半單。


點解會在一些車站增加這些支援點﹐大既可以由現時車廂內緊急通話制上的紅色封條可估到點解
一些輕微的身體不適﹐的確係可以自行或由其他熱心乘客幫助的情況下﹐在下一車站落車求助(唔需要理相關車站有沒有乘客支援站)﹐車站職員都會幫到手。同一時間亦唔需要因為拉動緊急通話制而引起一堆處理善後工作﹐影響行車班次。



不過﹐很重要的要留意﹐當有人不適去到危急情況﹐例如已經暈倒不醒人事﹐唔可能單靠熱心乘客帶離車廂再找人幫忙﹐這便不需猶疑﹐拉車上的緊急通話制﹐通知車長叫人在下一車站作出準備。

[ 本帖最後由 kei_hk 於 2015-3-3 15:38 編輯 ]

佢有時都要D司機親口報，可找下一站職員聯絡，都唔一定要捱到指定車站。

而家得北角，金鐘，九龍灣，彩虹同黃大仙有
雖然都有一定作用，
但係可以延伸到繁忙時間設係距離較長既站，例如荃灣西，大學，青衣等
試過見到早繁出九龍，荃灣西臨埋站有乘客暈倒，
其他乘客禁掣後馬上見到門外有3個職員推輪椅等候
如果有e個支援站就可以有更多人手，更專業既醫護服務

原帖由 老鼠vS老虎 於 2015-3-3 09:12 PM 發表
而家得北角，金鐘，九龍灣，彩虹同黃大仙有
雖然都有一定作用，
但係可以延伸到繁忙時間設係距離較長既站，例如荃灣西，大學，青衣等
試過見到早繁出九龍，荃灣西臨埋站有乘客暈倒，
其他乘客禁掣後馬上見到門外有3個職員推輪椅等候
如 ...

好似係自加緊急制Label 後﹐第2次有這些支援站﹐應該只係在試驗階段。
日後會唔會再加車站及standby 時間﹐真係未知之素。


如果乘客真係暈倒無知覺﹐唔需要理太多﹐直接拉制通知車長﹐由車長安排其他職員幫手便可。

但如果乘客仍有知覺﹐盡量提供多一些空間﹐多一些空氣給他﹐在下一站扶他下車﹐再找人幫手便可。

原帖由 lsc04d11 於 2015-3-3 07:35 PM 發表
佢有時都要D司機親口報，可找下一站職員聯絡，都唔一定要捱到指定車站。

而家部車去到指定車站(有支援點車站)﹐入站前車長都要開金口講有需要乘客可以去支援點﹐中文英文講出內容。


對上一次有多一個版本﹐係隔幾個站便要開咪講一次(無支援點的車站)﹐便是講叫有需要的人下一站落車找職員幫助。
但係大家都應該知道﹐車長開金口﹐一係勁大聲﹐一係勁細聲﹐對於大部份乘客來說根本得個煩字。


如果日後長期有這些支援點﹐最好便是做番個錄音廣播﹐車長按制播出便好了。
車長開金口...... 真係好惡頂。

原帖由 kei_hk 於 2015-3-3 15:33 發表
不過﹐很重要的要留意﹐當有人不適去到危急情況﹐例如已經暈倒不醒人事﹐唔可能單靠熱心乘客帶離車廂再找人幫忙﹐這便不需猶疑﹐拉車上的緊急通話制﹐通知車長叫人在下一車站作出準備。

乘客拉車上的緊急通話制後﹐如果車門未有關上﹐會由原站職員協助﹐車站助理只須引導職員上車用鎖匙搞番惦個緊急通話制同埋將乘客帶離車廂
如果車門關上上﹐會由下一站職員協助﹐職員會上車用鎖匙搞番惦個緊急通話制同埋將乘客帶離車廂

當然公司教落如果車出面個燈閃下閃下就會知道有事發生﹐車站助理會通知車站職員上車用鎖匙搞番惦個緊急通話制同埋將乘客帶離車廂﹐車站助理當然要幫上司手拎輪椅﹐

觀塘線如果有人係車度拉緊急通話制﹐埋站前會有一下好勁笨聲﹐車站職員上車用鎖匙搞番惦個緊急通話制同埋將乘客帶離車廂

原帖由 horsedog83 於 2015-3-4 10:50 AM 發表

乘客拉車上的緊急通話制後﹐如果車門未有關上﹐會由原站職員協助﹐車站助理只須引導職員上車用鎖匙搞番惦個緊急通話制同埋將乘客帶離車廂
如果車門關上上﹐會由下一站職員協助﹐職員會上車用鎖匙搞番惦個緊急通話制同埋將乘客 ...

整這些支援點及車廂緊急制加label﹐正正是因為要reset緊急制需要時間﹐在繁忙時間班次會影響好大﹐所以如非必要﹐唔想乘客用。


點為之非必要﹐上面我都提過﹐不適乘客仲有能力離開車廂。

原帖由 老鼠vS老虎 於 2015-3-3 21:12 發表
而家得北角，金鐘，九龍灣，彩虹同黃大仙有
雖然都有一定作用，
但係可以延伸到繁忙時間設係距離較長既站，例如荃灣西，大學，青衣等
試過見到早繁出九龍，荃灣西臨埋站有乘客暈倒，
其他乘客禁掣後馬上見到門外有3個職員推輪椅等候
如 ...

仲有九龍塘站同金籦。不过九龍塘站夜晚原本有三個乘客支援大使，因為黃大仙站整左支援點，夜晚得番2个，觀塘綫得番一个乘客支援大使，若果佢行開左，車站助理就要頂替位置。

有咩野食？