愚問：獅子山公路（新田圍站）北行

就算要停，都係沙田區既87D同281A停吧，關大埔同北區咩事？

原帖由 nickk 於 2015-3-18 10:55 發表
就算要停，都係沙田區既87D同281A停吧，關大埔同北區咩事？

即使唔係大埔同北區 咪到馬鞍山同廣源選區嘈 結果就係一條都埋唔到

因為有人爭取所有經過的巴士線都要停新田圍站
但對我黎講, 86c肯停已經係恩賜,
我唔想再經曆等86等咗半個鐘, 中途見到86c經過, 有得睇冇得搭的苦況

P.S.原來呢度唔少板友都係住新田圍.......

原帖由 siusiupeople 於 2015-3-18 08:14 發表

朋友，你年紀太輕，比D 別有用心的人日日發文影響你，唔出奇。

BBI 唔齊，原來唔係爭取完善BBI，反而要北區大埔人幫你找數?

再者，過條馬路都唔得?

爭取完善BBI ?? 我樓下條5M開左咁耐就爭取左咁耐要有新界線BBI
結果:1條都沒
九巴唔想俾..就會當區議員意見透明(雖然果區唔算有因為根本未選)

重申多次 本身我對果堆路線埋唔埋站無意見

事實係有幾多新田圍人真係會咁誠心捨棄隔壁大大個車公廟站而過馬路轉車??

原帖由 GU9338 於 2015-3-17 21:43 發表
除左 47X 拉上去有作為之外，80X / 85B 拉上去唔見得有用喎 ...

重點唔係有冇用，係要引證呢度某D烏鴉怪論有幾荒謬幾離譜，同埋老狗、運豬多年以來，對新田圍既唔公平同剝削欺壓有嚴重。

拿！新田圍1萬人就唔係人，又需求細又持份低乜乜乜，有一條282已經萬能，再有多幾條慢線、疏線、慢+疏線已經皇恩浩蕩，要求其他線停多幾廿秒就天打雷劈呀嘛。


秦石村人口仲少過新田圍，兼已經有鐵，照上面D烏鴉怪論，秦石村又應該分到乜？

莫講話85B、80、47X、仲有食兩家茶禮、「攪到人唔快」既新田圍路線，秦石一條都唔配有，
就連車公廟路o個一大堆路線，一早應該全部「策略性不停」，以81C為例，一個秦石人口多，定乙明到耀安加埋既人口多？小小一個秦石竟然要人陪跑要搞到人唔快，一班車阻人一分鐘，一日N班車就阻人唔知幾耐。

就算鐵路都係，你一個車公廟站人口多，定沙田圍到烏溪沙咁多個站加埋人口多？仲要整車公廟站？竟然要人陪跑要搞到人唔快，一班車阻人一分鐘，一日N班車就阻人唔知幾耐。

秦石村咁既人口有車公廟站已經皇恩浩蕩，出入請保鐵，唔好要人陪跑要攪到人唔快。

(畫公仔畫出陽mode：以上係將呢度部份「人」之怪論套落秦石村的講法，並非本人意見或意願)

原帖由 gu9434@24 於 2015-3-17 23:54 發表
利申:新田圍北行埋唔埋站 無意見

成到有好多人宣揚282萬能論..
但一來BBI唔齊..
兩來要轉車出九龍就要過馬路 但落車站隔壁大大個鐵路站..

想爭取多些少就俾人冠上大帝之名(雖然真係loop左好多左) 質素可見一班 ...

我都係o個句，住九肚山但冇私家車，出入方便嗎？只講出入是否方便，其他不談。

如果有條友答：「好方便呀！有綠巴66K樓梯線，搭轉66K去到沙火，就又有火車又有N條巴士小巴線，北至羅湖、南至香港仔，西至屯門東涌機場、東至西貢將軍澳都有，不知幾正，你估個個剩係識o係屋企樓下搭車？個個好似你咁要帝皇式服務，乜車都要經你樓下....」
你會乜反應？就算唔叫佢打29 283 283求助，唔打去2 4567 111報告有新院友，至少都會回一句「傻的嗎」吧。

而282萬能論，其實同以上綠字冇分別，只係九肚山換成新田圍，66K成282。當然將富豪區同地底泥賤民民窟咁樣放在一齊講，簡真係罪過。

原帖由 BlackBird 於 2015-3-17 21:20 發表

你根本就係度做緊一個唔合理既比較
一條邨同2個大區比?根本唔公平

同樣道理,47X/80X/85B可以全部拉上新田圍,因為新田圍多D人住
簡單D嚟講,咪就係新田圍是原罪! ...

呢D瘋人瘋語都唔係第一次見，不過之前最多都係用幾條村加市中心幾個大商場同私人屋苑去圍毆一個新田圍一條村，而家已經「進化」到用兩個十八區分區去圍毆新田圍一條村。

佢地D腦部構造十分獨特，癲倒黑白到可以將受害者講成加害者，將一條受盡剝削欺壓廿多年、近年仲不斷被削資源、新線冇份、連BBI新線都冇既村，誣衊成惡霸、搶人野、土皇帝、要全世界以佢為中心.....公我贏字你輸，可以慳返啖氣，或者打去2 4567 111問下，係咪應該限制下佢地D院友用電腦仲好

有冇人記得，以前「火車」係冇太和站，大埔墟以北就已經係粉嶺，至1989年太和村入伙，九鐵至增設太和火車站？

照某D瘋人瘋語烏鴉怪論：

太和人口幾多？就算計晒太和村寶雅苑連附近私樓加埋，都多唔過成個粉嶺上水N條村人口同羅湖過境客。

火車增停太和，一班車停站連停站前後慢速，最少用多一兩分鐘，一日N班車，阻到人幾多時間？粉上羅居民同過境客真係多得你唔少。
太和人為求有火車搭，竟然要火車增停太和，要粉上羅居民同過境客陪跑，攪到人地唔快，真阿茂整餅，粉上羅人又多過你太和，人地冇責任照顧你，太和人簡直係土皇帝惡霸，要全世界圍著佢轉.....

顯X都一樣，沙中線鐵路原本冇X徑站，大圍後就鑽石山，係佢地爭取/lur至有，同樣邏輯，顯X連附近居屋村屋人口多，定成個城河東馬鞍山人口多？

合理嗎？

而家呢度，就正正有太和土皇帝、惡霸，已經有「要人陪跑」、「攪到人地唔快」既帝皇式鐵路服務，仲嫌唔夠，因為唔鐘意企，開特快X307X 就值得，冇左慢線74A，就要補償返X74X，新田圍冇鐵，對外巴士線幾乎全部又慢又疏，80M大削班，得返一條89似人樣，要返似樣合理小小既區外服務，佢就要瘋狂抹黑攻擊，仲將受害人誣衊成施害者。

到底，邊個係人格卑劣無恥既土皇帝、惡霸？

唔知我講乜唔緊要、quote畀你睇

http://www.hkitalk.net/HKiTalk2/viewthread.php?tid=829906&page=4#pid2946919

你可以取消74A
但唔該你俾番D全日特快出九龍既路線入太和或運頭塘
否則我一定反對
唔好同我講搭火車
某程度上我真係唔鐘意搭火車
大埔墟/太和上車硬係要企到出市區

http://www.hkitalk.net/HKiTalk2/viewthread.php?tid=829906&page=6#pid2947315

你唔換番條特快出九龍路線出o黎俾受影響地區
就算我而家對74A都無信心(其實74A削到去九龍灣果陣我已經覺得74A在等死)
恕我都要無奈地反對

http://www.hkitalk.net/HKiTalk2/viewthread.php?tid=829906&page=8#pid2948640

太和有火車站係咪就不值得有特快線出市區？
不如咁啦，不如太和開跟307P走法
咁就大家得益

[ 本帖最後由 mckhgc 於 2015-3-18 21:02 編輯 ]

原帖由 nickk 於 2015-3-18 10:55 發表
就算要停，都係沙田區既87D同281A停吧，關大埔同北區咩事？

87D、281A？


味換馬鞍山、第一城、愉翠苑、廣源圍毆一個新田圍囉。根本係公人地贏，字新田圍輸。

原帖由 mckhgc 於 2015-3-18 21:06 發表


87D、281A？


味換馬鞍山、第一城、愉翠苑、廣源圍毆一個新田圍囉。根本係公人地贏，字新田圍輸。

嗱，我就撐新田圍既，其實學80咁，47X同80X秦石開後上新田圍一圈先走，相反方向又係，唔得嗎？