機管局繞過立法會擴建機場

原帖由 hkth 於 2015-3-17 18:21 發表
樓主最少有兩點忽視了.

1) 政府公佈的空運數字是不斷上升 (可查政府新聞網), 數年內就會接近雙跑道的上限.

2) 其他亞洲的機場都正在或準備擴建, 加強競爭力.

--不擴建就只會停滯不前, 把潛在的新客流走! ...

呢單野唔尋常的係，前兩任民航處處長質疑呢一個三跑方案。
仲要係直接從航空技術層面，經濟效益等質疑。而唔係保育、生態等其他因素。
剩係呢點己經值得再深入探討

香港根本唔可能同鄰近地區鬥“發展（即係建設）”得快。
我唔講香港係己發展地區，又要顧及咨詢保育等等。
剩係唔夠地要填海，又或者乜都要入地底（如高鐵全程行隧道）呢個先天問題，同人鬥快鬥大只會自暴其短

唔記得邊個著名企管人講過，競爭就是避免競爭
呢句說話唔係叫人放"pea"，而係唔亂咁同人硬碰，反而會有更大生存空間

政府sell起三跑係保持競爭力，容許客貨量繼續增長。講到尾即係要賺多D。
樓上唔少師兄講佐機場可以點樣提升效率、乘客體驗。用現有資源去賺更多先係叻仔

[ 本帖最後由 s3n370 於 2015-3-19 01:21 編輯 ]

原帖由 hkth 於 2015-3-18 19:32 發表


若按中大的計算, 現時擴建機場三跑道的成本, 只需2.5268年(1415億/560億)的收益便可回本. 不興建的話, 就真的損失1400億的不知多少倍了.

基建從來要用得夠耐，先可以從社會效益回本。
就算楂鑊鏟的iBanker，都未必有咁大口氣話3年可以翻一番。

如果三幾年就可以回本，唔係效益被大幅高估（或重複計算），就係成本被大幅低估

P.S. 仲有第三個原因，就係兩個數目根本不能直接比較。效益除佐實收幾多，仲有無形好處。但千四億只係計實俾幾多，忽略其他無形社會成本。
兩者點都不可能直接比較

[ 本帖最後由 s3n370 於 2015-3-19 09:54 編輯 ]

原帖由 hkth 於 2015-3-18 19:32 發表


這個始終都要中國民用航空局(深圳機場)和香港民航處共同協商解決共用空域總則及飛行高度設定問題, 不過按運房局局長張炳良表示, 中國大陸已對香港第三跑道開綠燈.

(商台新聞) 張炳良指有信心第三跑道可達致目標航 ...

冇人話過呢啲所謂效益一定要三跑先可以達到，
真係有新增空域的話點解唔先幫兩跑提升容量，
擴建中場同T2？

就算退一萬步講，機場乜都唔搞由佢飽和，
1400億用去其他行業、民生項目，
樣樣嘢都有佢嘅經濟效益，
點解要迷信只有基建先有經濟收益？

根本就係利益輸送，通過嗰啲人直情應該死

原帖由 238X 於 2015-3-21 00:50 發表
根本就係利益輸送，通過嗰啲人直情應該死

講呢 D 真係哂氣，香港其實都唔知過左幾多唔等洗 o既基建，
我個人認為連高鐵都唔應該起 ……

要死 o既，大把人應該一早死左。

原帖由 區麗芝 於 2015-3-21 08:55 發表
反對嘅人成日話1400億可以做乜。其實大家有冇諗過，
果1400億唔係公帑，唔係問大家攞架！

AA唔派息，即係政府少收錢，即係少收公帑

今早張炳良局長談第三跑道問題. 節綠自香港電台的新聞如下:
張 炳 良 ： 珠 三 角 空 中 交 通 規 劃 含 戰 略 資 料 不 能 公 開

張 炳 良 ： 機 場 三 跑 工 程 政 府 不 可 能 繞 過 立 法 會 監 察

回 應 三 跑 系 統 的 質 疑 　 張 炳 良 說 任 何 事 都 可 能 有 變 卦

張 炳 良 承 認 三 跑 客 運 量 目 標 較 初 計 劃 少 7 千 萬

--其實大家都在一國內, 空域算不算國家機密呢?

原帖由 AVD1 於 21/3/2015 07:06 發表

講呢 D 真係哂氣，香港其實都唔知過左幾多唔等洗 o既基建，
我個人認為連高鐵都唔應該起 ……

要死 o既，大把人應該一早死左。

廣東鐵路本來難以適應人口增長，
加上佔用東西鐵綫路廊遲早出事，
起高鐵起到香港並無錯；
機場係已有之物，不能相提並論。

至於「大把人應該一早死左」，
我覺得最大問題係有能力嘅人唔肯或者唔敢郁手。

[ 本帖最後由 238X 於 2015-3-21 12:44 編輯 ]

原帖由 hkth 於 2015-3-21 12:15 發表
今早張炳良局長談第三跑道問題. 節綠自香港電台的新聞如下:
張 炳 良 ： 珠 三 角 空 中 交 通 規 劃 含 戰 略 資 料 不 能 公 開

張 炳 良 ： 機 場 三 跑 工 程 政 府 不 可 能 繞 過 立 法 會 監 察

回 應 三 跑  ...

所謂"機密",其實係乜都未傾.
成件事就係,香港想係北京邀功,話俾北京知深圳唔駛旨意搵機會爬頭.
因為,當香港起到第三跑,深圳就沒有機會起,因為北京唔會批准,到時深圳永遠做二奶.
另一個說法,就係想把澳門機場拆掉,因為根本沒用.

原帖由 AVD1 於 2015-3-21 07:06 發表

講呢 D 真係哂氣，香港其實都唔知過左幾多唔等洗 o既基建，
我個人認為連高鐵都唔應該起 ……

要死 o既，大把人應該一早死左。

高鐵係應該起,唔通而家直通車同東鐵爭路行搞到一齊慢碌好過癮?