[討論] 長假期第一日港鐵應否提早大部分路線頭班車時間？

特別係復活節長假嗰4/5日，難得有咁多假，唔少人都出去玩，
今日新聞先有賣入境處預計到復活長假第一日有五十萬人出境，而又係經陸路返大陸嘅人比較多。

港鐵公司就好識做，年年聖誕新年復活節都有提早頭車時間，
但只限機場快線，試問有幾多個住機場快線沿線呢

比如參加大陸啲旅行團，一般喺0800深圳福田或羅湖集合，
參考返港鐵頭尾班車時間，由西九龍/葵青/荃灣出發，搭最早班車，0621到九龍塘；
由將軍澳出發，搭最早班車，約0625到九龍塘（0612到藍田）；
由東涌/港島東出發，搭最早班車到九龍塘都要0630打後。
九龍塘去羅湖都要34分鐘，仲未計行去東鐵月台同行去大陸關嘅時間。
對於住上述地區嘅人，搭最早一班過晒羅湖關都過0700。
要去福田嘅，麻煩再遲少少，一來車程仲耐少少，二來假期朝早要12分鐘一班

結果長假期一到，幾萬人朝早就一齊迫喺同一時間（0715-0800）過關，都咪話唔墟冚，網上有好多相

一年都係得三個長假期第一日（聖誕、新年、復活節），部分日子仲要前一晚有通宵服務，
如果全線提早服務時間（東鐵、機場快線除外），就算少少哋半個鐘，加埋東鐵線喺清晨酌量加密班次，
等唔少住市區嘅人可以喺關口一開（0630-0645）就去到羅湖/落馬洲，
同時亦順道可以早少少駁到機場快線搭早機嘅人，
某程度上疏導到旅遊人潮之餘，又唔影響到平時嘅例行維修工作

[ 本帖最後由 gsrc0525 於 2015-3-27 12:52 編輯 ]

跨境線(站)要增加服務時間﹐唔係單一方面可話事﹐除了交通服務商要安排﹐仲要有入境﹐海關﹐衛生....﹐香港及大陸2邊都要這一堆人手﹐真係唔知邊一方面有能力可以叫齊這麼多人去齊齊開ot加班。

反而在正常服務時間內﹐增加清晨時段的班次﹐這是有能力做到。不過﹐我估mtr都會評估過是否需要加班﹐例如每班車是否已經滿載﹐會唔會出境大堂倒塞番月台。

本地線方面﹐不同的公交公司可以自己決定﹐要提早/延長服務時間﹐相對地易好多。
例如有巴士公司會加一些通宵線的班次﹐印象中mtr都有似有試過提早機場快線頭車時間。

[ 本帖最後由 kei_hk 於 2015-3-27 12:46 編輯 ]

原帖由 kei_hk 於 2015-3-27 12:43 發表
跨境線(站)要增加服務時間﹐唔係單一方面可話事﹐除了交通服務商要安排﹐仲要有入境﹐海關﹐衛生....﹐香港及大陸2邊都要這一堆人手﹐真係唔知邊一方面有能力可以叫齊這麼多人去齊齊開ot加班。

本地線方面﹐不同的公交公司可以自己 ...

其實東鐵線五點半就已經有車去羅湖/落馬洲（九龍塘往羅湖開0536，往落馬洲0530），去到尾站關口都未開，
你講咩咩關口開放時間同海關、入境處人手根本唔係問題

我嘅意思其實都係提早全線頭車時間，但東鐵同機場快線除外，
因為東鐵頭車時間本身夠早，而機場快線就一路有咁嘅安排

[ 本帖最後由 gsrc0525 於 2015-3-27 12:53 編輯 ]

原帖由 gsrc0525 於 2015-3-27 12:51 PM 發表


其實東鐵線五點半就已經有車去羅湖/落馬洲（九龍塘往羅湖開0536，往落馬洲0530），去到尾站關口都未開，
你講咩咩關口開放時間同海關、入境處人手根本唔係問題

我嘅意思其實都係提早全線頭車時間，但東鐵同機場快線除外，
因 ...

你當一班入境處/海關等政府人員唔駛坐這些車返工﹐一去到羅湖便可以即刻開工做野﹐唔駛事前準備﹐大陸一定肯同你提早開關

原帖由 kei_hk 於 2015-3-27 12:56 發表


你當一班入境處/海關等政府人員唔駛坐這些車返工﹐一去到羅湖便可以即刻開工做野﹐唔駛事前準備﹐大陸一定肯同你提早開關

其實通關時間係無必要延長，延長兩地通關時間相信比港鐵稍為提早服務時間更有行政困難，
況且我都無要求提早長假期的通關時間（通關時間並非R1板嘅討論範圍）。

現時搭市區四線，除由樂富至觀塘站出發外最早都要0621先到九龍塘，0700打後先到羅湖/落馬洲，
但東鐵線九龍塘站0536就已經有車去羅湖/落馬洲，
呢篇文要討論嘅，就係喺長假第一日除東鐵、機場快線外其餘路線應否稍為提早服務時間，疏導龐大的旅遊人潮，
等大部分路線頭車都可以0600前到九龍塘，0630-0645就去到羅湖/落馬洲，
同時亦可早啲接駁去機場快線搭早機嘅人。

觀塘綫最早果班係0557彩虹4號月台開往油麻地，跟住係0600調景嶺、觀塘往油麻地

原帖由 gsrc0525 於 2015-3-27 13:41 發表


其實通關時間係無必要延長，延長兩地通關時間相信比港鐵稍為提早服務時間更有行政困難，
況且我都無要求提早長假期的通關時間（通關時間並非R1板嘅討論範圍）。

現時搭市區四線，除由樂富至觀塘站出發外最早都要0621先到九 ...

夜晚pocession 點做？

反而我覺得應該學巴黎地鐵咁, 星期五六晚應該延遲至凌晨三點先收車, 咁樣市民可以更加盡興參與唔同消遣活動

原帖由 timewater 於 2015-3-28 11:47 發表
反而我覺得應該學巴黎地鐵咁, 星期五六晚應該延遲至凌晨三點先收車, 咁樣市民可以更加盡興參與唔同消遣活動

但三點先收車，唔係一收車班維修就即刻開工，到五點就要清場準備通車，即係實際維修時間先得一個鐘左右，一個鐘維修到啲乜

一年一兩日延長服務時間可以接受，但係個個星期五六延長服務時間似乎太多喇

同埋夜生活所處嘅地方來來去去得老尖老旺老銅呢幾個地方，佢哋已經有通宵巴士通宵小巴配合，
就算再遲一個鐘，搭鐵路嘅人相信唔會再多得去邊，
反而要其餘80幾個站再遲開兩個鐘，唔合符成本效益。

長假期第一日多人去旅行，唔少人8點前就要去到機場各個主要口岸，
我當有50.7萬人出境，假設每個鐘出境人數係一樣，當羅湖口岸通關時間17.5個鐘計（已經冇計夜晚會少啲人，參考返上年報紙），
即係每個鐘約29000人要出境，其中開閘後一個半鐘就有43500人要出境。


唔少地方（市區為主）搭頭班地鐵要起碼7點先去到機場同口岸，要知關口同埋checkin櫃位係唔可能同一時間負荷到咁多人，
加上羅湖口岸更加係冇其他公共交通工具接駁，早幾十分鐘開頭班車就可以分流去旅遊嘅乘客，
唔駛因為塞餐死，搞到連搭頭班車都要遲到，要搭飛機嘅仲可能會miss埋班飛機

[ 本帖最後由 gsrc0525 於 2015-3-28 22:50 編輯 ]

原帖由 gsrc0525 於 2015-3-27 13:41 發表


其實通關時間係無必要延長，延長兩地通關時間相信比港鐵稍為提早服務時間更有行政困難，
況且我都無要求提早長假期的通關時間（通關時間並非R1板嘅討論範圍）。

現時搭市區四線，除由樂富至觀塘站出發外最早都要0621先到九 ...

其實工作人員，係有旅遊巴的，唔係坐東鐵，羅湖口岸都有架。旅遊巴由萬宜巴士提供