英皇道巴士小修小補建議

【聲明】此建議只屬短期措施，要真正解決英皇道各線（包括本土線及隧巴線），則需要由大重組甚至制度改革（例如聯營線時段制度）來改善。
一、現時當維園有大型展覽的時候（如工展會、年宵市場等），路線102及106往東區方向，會取消維園分站，乘客只能於告士打道維園（即皇室堡）或天后銀幕街下車。

建議：此安排永久實施，因為維園分站本身已經不少路線「埋站」，而且停站後往往過不了「高士威道及興發街交界」那盞燈。
既然皇室堡及銀幕街已經可以覆蓋維園正門分站的範圍，那麼102及106取消該站，既有機會縮短行車時間（雖然最多也只是1、2分鐘），也可減少維園正門埋站的路線。

*************************************************
二、現時英皇道東行近殯儀館，往筲箕灣的路線，與往柴灣區的路線，是分開兩個站位的。
可是，由於加設了欄杆，巴士不能像以前（也好像是7、8年前了……）一樣，走上電車軌爬頭。
結果，當你坐著82，而前面有2A的時候，就會被頂著。
相反，當你坐在77，卻又有機會被前面的682頂著。

建議：將部分路線改行渣華道，例如18X、A12、606及682，減少該段路的巴士流量。
18X及A12本身從東廊下來，就是取道渣華道。為何要右轉民康街，再左轉英皇道呢？
跟85直走渣華道，到殯儀館才駁回英皇道更實際吧。
同樣，606及682也不必焗在民康街，從東廊下來，直接左轉渣華道，不是更方便嗎？

歡迎討論

原帖由 KMBCTB 於 2015-3-29 13:44 發表 http://www.hkitalk.net/HKiTalk2/images/common/back.gif
A12直行渣華道
會停唔到英皇道模範邨站
咁就會令旅客前往北角海逸酒店冇咁方便

你睇清楚北角海逸酒店係邊度先啦, 係度亂咁吹...
俾埋孤高map你睇喇

原帖由 KMBCTB 於 2015-3-29 13:44 發表 http://www.hkitalk.net/HKiTalk2/images/common/back.gif
A12直行渣華道
會停唔到英皇道模範邨站
咁就會令旅客前往北角海逸酒店冇咁方便
減少A12吸引力
再加上西區已經少咗客
你覺得城巴會喺冇咁塞車同方便旅客兩個之間揀邊個？
我諗城巴會揀方便旅客
唔係A21使乜由深旺道兜入 ...

下, 北角消防局行過去都叫遠?

其實北角消防局個站, 都望到海逸啦…

反而問題係, 東廊落橋嘅車塞落橋盞燈, 隨時得不償失

呢個問題係值得探討既。

但依小弟住係東區多年，我既觀察係渣華道果支東廊落橋燈，係繁時先會塞一塞，但只要過左，其實前面既一、兩盞都係順燈。
而更重要既係，渣華道係幾條線行車，而英皇道東行果一段，只係單線行車。

所以，我唔係要推哂所有線衝入渣華道；我只係希望於英皇道同渣華道之間，作一個較為有效既分流而已。