想搵理由向老九詐型?就搭要佢!

原帖由 GW5878 於 2015-4-7 01:20 發表

某個字眼除左我話，我諗樓主都有引用某部分巴士司機講過

你覺得吸引唔代表條線真係吸引
起碼成堆人會衝去搵車長表示不滿

有人要選擇性失明就笑下就算好喇

290/290A多人搭係一件事，維持到幾耐先 ?
有人話798將南 ...

有人嘈左幾句就放大黎講,其他人覺得滿意日日搭就無視
邊個選擇性失明大家有眼睇

其實你咁唔想見到條線,咪搵區議員搞個罷搭290/290A行動,
响尚德廣場,彩明商場門口擺檔收簽名兼呼籲人地唔好搭呢條垃圾線,
等佢早日安心縮去坑口囉
(如果班街坊以至區議員冇當你係痴線的話)

[ 本帖最後由 3AV53 於 2015-4-7 06:56 編輯 ]

原帖由 3AV53 於 2015-4-7 06:52 發表
有人嘈左幾句就放大黎講,其他人覺得滿意日日搭就無視
邊個選擇性失明大家有眼睇

其實你咁唔想見到條線,咪搵區議員搞個罷搭290/290A行動,
响尚德廣場,彩明商場門口擺檔收簽名兼呼籲人地唔好搭呢條垃圾線,
等佢早日 ...

佢係坑口人黎架
佢唔忿氣條線唔係佢樓下做尾站之嘛，之但係 290 坑口上車一個鐘唔使到荃灣又真係好快喎，咪唯有成日搬彩明出黎囉。

搞簽名都無用架啦，佢覺得篤脤篤鼻唯有搬屋架喇，
皆因佢o的街坊個個都唔知搭得幾歡喜，連 B2 版佢都唔敢去咯，唯有o係度咀咒條線越黎越少人搭囉。

原帖由 exspeed 於 2015-4-7 02:08 發表
4月4日係彩明搭 1720 開既 290A, 半個鐘先到寶達, 1820 先到畢架山花園,
彩虹同黃大仙三站都冇人上, 反而有人係秀茂坪同順天落

我個人預計
其實等將軍澳客試晒兩架之後，就慢慢會搭得出分別
到時客流就應該會穩定，唔會再有咁多傻仔搭錯車坑口尚德調景嶺坐290A出荃灣真係上車貼錢買難受咩，一路站站停無論時間上講到幾快，個心都唔gur
走左290行返入商場嘆個冷氣出黎等下班290好過啦

我估計290A將軍澳客應該會回流落290，尤其繁忙時間
畢竟290車程depends on區域最長車程都係大約一個鐘多少少，
A線兜入順秀挽下手用多15分鐘已經係車程四分之一
即使兜多10分鐘都已經係車程六分之一，根本毫不吸引

290A到時既角色就係執將軍澳290雞﹑順秀荃葵﹑順秀將軍澳客
咁樣對客同對九巴兩邊其實都有賺
觀乎暫時班次真係唔算話唔夠載，夜晚即使有人話班次太密，但聯合10分一班兩條線都有咁多人搭夜晚車，我唔見得係客量差

即使到時要調整班次，我個人認為將軍澳客利益一定要擺先
(包括將南，我非常討厭某D版友係咁話本身條線無預將南，既然翠林康盛係將軍澳，咁將南就唔係將軍澳?)
因為呢條線本身無預順秀
另外，觀乎呢度報上黎既客量，將軍澳290 + 290A 夾埋其實客量比順秀290A多好多
如果之後客量依然維持呢個比例，我相信九巴自會有一個平衡不同地方利益既決定

[ 本帖最後由 656。HU3984 於 2015-4-7 16:11 編輯 ]

其實點解290/A會同263M比?
剩係客量290/A加埋已經係263M既10倍，當然用車都多唔少，但印象無多10倍車

當初大家都估(包括自己)都認為將南條數會好差，但事實又唔係
當然，呢班客試左會唔會返轉頭搭返鐵就唔知，但肯試都好過無

某版友唔搭290/A都無所謂，係一日過萬乘客中(如果依家keep到Day 1乘客量)，真係多一個唔多少一個唔少

原帖由 656。HU3984 於 2015-4-7 16:06 發表
即使到時要調整班次，我個人認為將軍澳客利益一定要擺先
(包括將南，我非常討厭某D版友係咁話本身條線無預將南，既然翠林康盛係將軍澳，咁將南就唔係將軍澳?)
因為呢條線本身無預順秀
另外，觀乎呢度報上黎既客量，將軍澳290 + 290A 夾埋其實客量比順秀290A多好多
如果之後客量依然維持呢個比例，我相信九巴自會有一個平衡不同地方利益既決定

條線的確本身係無預將南，但條線真係本身有預順秀，事實唔會因為你鍾唔鍾意而改變。
講緊「本身」係條線一拎出黎既走線，將南最盡只到尚德，調嶺嶺同將軍澳站都唔係服務範圍，
反而秀茂坪道本身已經係經，四順直情本身都入內街，我認為經常因為話呢條係「將荃線」所以有主人同妹仔分係不必實際，咁 52X 作為一條「屯旺線」，係唔係要先照顧屯門市中心，然後再理青山公路？

依家個運作繼續落去，兩條線都只會可以聯合班次 10 分鐘落去。
去程都仲多人會死揀 290，但回程我已經聽過唔少葵芳上 290 既客話「無位既早知頭先有 A 車都上啦」，整整下 290 滿到一個程度，o的客都係會寧願坐多 10 分鐘 290A，
結果除非兩條一齊爆，如果唔係無咩可能出現 290 好爆但 290A 有位呢個情況，兩條線客量點都會自動搓返勻。如果 10 分鐘真係重要得咁緊要，當初坑口將南保 692 亦唔 make sense，因為港鐵更平、更密、快 692 亦唔止 10 分鐘咁少，但 692 都全日 20 分班，唯一優勝就係有位。
依家咁睇，豈不是等於坑口話唔鍾意搭 290 逼，要多條 290A 一樣？但點解當佢係 290A，又變左條垃圾？

尤其回程返將軍澳，葵涌去坑口將南既客無上車先既優勢，佢地上 290 都好大機會要企，
加上 290A 返將軍澳車程同 290 差距更少，好多時 290 都爬唔到頭，相比要企接近一個鐘返去，如果 290A 有位，整整下佢地都會寧願上 290A 坐多 10 分鐘，而事賓上依家 290A 荃灣方向將軍澳已經明顯少左人上，
但返將軍澳就無乜分別。

再者 290A 客量亦唔係低，就算將軍澳客比例較高，但睇唔到有咩理由無情情要減人班配合，因為 290A 本身已經開緊 20 分班，
所以就算 290 真係加班，都唔見得 290A 會減，咁到時就只會放棄聯合班次。

[ 本帖最後由 3ASV174 於 2015-4-7 17:09 編輯 ]

原帖由 3ASV174 於 2015-4-7 17:04 發表
條線的確本身係無預將南，但條線真係本身有預順秀，事實唔會因為你鍾唔鍾意而改變。
講緊「本身」係條線一拎出黎既走線，將南最盡只到尚德，調嶺嶺同將軍澳站都唔係服務範圍，
反而秀茂坪道本身已經係經，四順直情本身都入內街，我 ...

692 又同 290 情況唔同, 將軍澳係有人貪 692 有位, 但只係小數。因為 692 車程分分鐘係地鐵 double
以上, 將隧, 東隧, 灣仔全部都係塞車黑點, 班中產一定唔會浪費時間同你塞。加上地鐵都係半個鐘車程,
要迫都唔係迫好耐, 好多人根本唔介意。真係怕迫的都仲有 692P 甚至 690 / 690P 揀, 非繁地鐵又唔會
真係好迫 (加上本身需求不大, 班中產都返哂工啦 ), 所以 692 冇乜市場好正常。

290 / 290A 唔同, 迫地鐵閒閒地一個鐘, 290 / 290A 車程相若 (以坑口打後計), 沿途又唔見得好塞車,
龍翔道塞車方向同 290 / 290A 通勤方向相反 (都可能會塞, 但一定冇對面咁塞), 加上又平過地鐵又
唔駛迫, 自然吸引唔少人通勤客搭佢。至於將南, 有條線咪當做 bonus, 覺得佢兜大可以搭返地鐵,
坑口打後都夠養得住條線 (仲可以食埋屯元天客), 又可以做下將軍澳 (包括將南) 區內客同去秀茂坪 /
四順客, 縮條線去坑口慳唔倒幾多車, 全線 21 架最盡慳倒兩架, 分分鐘只慳倒一架...

至於 290A 有冇需要縮短到安達臣 / 寶達, 昨日我試搭左兩條線, 先坐 290A 荃灣返將軍澳 (荃灣西開
1420 TG2177), 過葵涌後上層已滿座 (應該有人要企)。但過左四順秀茂坪後, 上層都仲係大半滿
(四順秀茂坪應該唔多過 10 人上車), 大部份乘客都係康盛至坑口中間落車, 剩返十幾人 (可能有四順客)
去到將南先落車。而我班 290A 去到寶達燈口, 就見倒下一班 290 在對面 (後面, 我架車行先)。
回程 290 就冇乜特別, 因為客唔多 (彩明開 1550 TF7808, 只得 20-30 人上龍翔道), 全程 66 分鐘 (290A

用了 79 分鐘)

我就覺得現階段 290A 繼續入將軍澳甚至將南冇乜問題, 似乎班客寧願涼住冷氣兜多 10 分鐘都好過
在街邊吸塵。等客量穩定返先, 如果將軍澳客真係死等 290, 而 290A 又冇乜將軍澳來往秀茂坪客, 先
再諗縮到去安達臣, 最多 290 秀茂坪 / 四順加返一兩個站 (例如秀程樓, 寧波二中, 安頌樓 / 順利邨公園)
做補償... 反而如果某 D 時段客量較差 (例如深夜), 又真係大可以將 290 服務時間縮短, 290A 一線走天涯 20 分鐘一班 (少人搭少上落唔會慢幾多)。

[ 本帖最後由 chan6723 於 2015-4-7 19:15 編輯 ]

原帖由 3ASV174 於 2015-4-7 13:47 發表
佢係坑口人黎架
佢唔忿氣條線唔係佢樓下做尾站之嘛，之但係 290 坑口上車一個鐘唔使到荃灣又真係好快喎，咪唯有成日搬彩明出黎囉。

搞簽名都無用架啦，佢覺得篤脤篤鼻唯有搬屋架喇，
皆因佢o的街坊個個都唔知搭得幾歡喜， ...

本來都唔想回應你
但係又見你不停FF我好想講兩句

首先條線係冇預道秀明道玩，但有預尚德玩
即使條線諗住秀茂坪道停站都好，都係好似尚德咁樣HI邊serve秀茂坪，同尚德HI邊serve將南冇分別
我見到有人不斷搬龍門、雙重標準、大做文章話冇預將南但係有預秀茂坪

其他果堆FF我都唔想理你
就好似當我好得閒咁潛水成個星期不斷搭條線，真係得啖笑 你估我真係好得閒不斷重提同一堆ARGUEMENT咩 ? 唔出聲只係因為唔想理堆山頭大過天既人咋
不停FF我住坑口就囧俾你睇

[ 本帖最後由 GW5878 於 2015-4-7 23:27 編輯 ]