城巴5,5C,5P,5S取消消息 (10/5生效)

原帖由 FD5410 於 2015-4-17 14:03 發表
5 仔取消我就無咩意見
不過如果話 18，麻煩去睇下 18 上下繁幾多客

根本佢就係無視中環來往灣仔北及北角既需求, 迫人搭廿分鐘一班既2號

原帖由 KMB-ATE1 於 2015-4-17 09:34 發表

西營盤 A 出口長過 B 出口，C 出口都同 B 差唔多
基本上西營盤所有出口都係特長通道
http://www.mtr.com.hk/archive/en/services/maps/syp.pdf

我掉轉左A同B，
B同C唔算特長通道卦，
3分鐘唔駛行完

原帖由 wingho_cwh 於 2015-4-17 15:59 發表


將軍澳線，西鐵，馬鐵路線重組，有要區外人找數咩?
將軍澳線，找數既主要係69＿系過海路線，並無牽涉到其他區外人既利益。
西鐵線通車，找數既係5/6區線，並無刻薄區外乘客。
馬鞍山線通車，找數既係8區線，多數都係區內線。

反觀西港島線通車，係咩線找緊數?
M47，根本就係華富，域多利美景線
5，軒尼詩道怡和街正貨大流水，係5B以外灣仔銅鑼灣人既另一絕佳選擇
18，北角，灣北（雙向），中上環穿梭專線，西區只係一小部份生意來源
40，又係華富線。。。取消理由根本就係為左保住23
113，中九龍專線

首先利申一下,本人不住港島,這議題亦無既定立場
M47同40呢啲區外人找數既case,
講得白啲係運輸署迫人提早轉地鐵, 將地鐵車程佔全程比例提高
美其名是加快通勤,減少塞車,改善空氣質素云云

西鐵線、將軍澳線、馬鞍山線無類似措拖
係因為無類似地理的乘客群, 而不是不公平對待問題
類似case, 勉強數只數到298改298M, 由藍田轉鐵提早在寶琳/坑口轉鐵
其實呢三條線如果有類似乘客群, 運輸署手法都會一樣
甚至宏觀啲睇, 屯元天削M線, 谷輕鐵K巴, 亦係同一個模式
區唔區外, 運輸署都唔會理, 總之就係想鐵路佔車程比例提高

而且運輸署估錯乘客搭車摸式成日都有
43M預南區人去堅城轉鐵, 點知更多人去HKU轉


至於呢個迫人提早轉地鐵措拖同手法,對乘客係咪合理又另一問題
無謂拎西鐵/將軍澳線/馬鐵比, 地理不盡相同, 無咩好比

[ 本帖最後由 ccchhhuuunnn 於 2015-4-17 16:28 編輯 ]

原帖由 siusiupeople 於 2015-4-17 11:22 發表
宜家港鐵真係頭痛，巴士客都唔搶唔到好多。 ...

2月份西港島線每日客量平均係12.7萬，
咁都叫少？

係呢個有人兩蚊任搭既年代，邊有一區，甚至兩三條線既重組只會涉及一個區？
宜家做咩行動都總有另一區反對，係咪代表永遠唔做野？

同埋整咁大隻字都唔知為乜。
你以屯門區重組作例，其實乜路線都總跟荃灣區，深水埗區等連接區分有關，咁屯門唔洗重組啦！
西鐵當年只需將接駁線變k字頭及兜西鐵站便可。
郁一條59a,66,263m都係關其他區事。。。

[ 本帖最後由 lsc04d11 於 2015-4-17 16:43 編輯 ]

原帖由 siusiupeople 於 2015-4-17 16:36 發表

用大字唔代表你有道理。
將軍澳線，西鐵線通車全部都有減班削線，
你一樣都係搵緊區內人找數，點解你接受到區內人被找數而區外人就唔得?

5仔咁疏車，又同5B 重疊，講到5仔咁重要咁，
5仔開廿分鐘一班，有幾多客特登等你啊?
唔好 ...

你唔係下話。。講到呢度都仲唔明，真係佩服得五體投地
我自己係西區人我都寧願係區內事區內了
宜家個重點都話係區外人無關西港島綫事都要受無端削線既影響呀
淨係識對質，唔好搧風點火啦好唔好？
有幾多客特登等其實根本唔係重點，客源先係
你呢個講法，我夠可以話軒尼詩道／怡和街去中環金鐘既流水客上5X但唔係特登特5X啦，咁既然打埋算盤，5X都唔夠西環客，咁點解唔係摺5X?
(價錢問題，可酌量加價，另議)
再講M47，華富其係搵位擺姐，你搬43M/1轉5B 出黎講又係唔知咩事。。咁如果係咁，既然轉車係萬能key，大把線唔需要出現啦
北區大埔馬鞍山唔需要過海線，搭鐵去紅磡坐過海巴即可
大西北唔需要過海線，南昌轉東涌線即可
係咪要咁先安樂?
Btw 點解1P 會去左摩星嶺

原帖由 lsc04d11 於 2015-4-17 16:41 發表
係呢個有人兩蚊任搭既年代，邊有一區，甚至兩三條線既重組只會涉及一個區？
宜家做咩行動都總有另一區反對，係咪代表永遠唔做野？

同埋整咁大隻字都唔知為乜。
你以屯門區重組作例，其實乜路線都總跟荃灣區，深水埗區等連接區分有 ...

唔係唔做野。。車係要減，線係要整合，但線唔應該隨便殺，起碼先照顧區外人既利益(尤其係18號重組一事)
同埋其實上個po文既重點主要係講緊九龍新界果邊既例子，而佢地果邊重組既線多數係點對點，地鐵接駁或區內線為多，所以他區既人，除需要以被重組路線前往鐵路剛通車區域者外，影響較少。。同港島呢邊既交通生態好唔同

原帖由 siusiupeople 於 2015-4-17 16:36 發表
用大字唔代表你有道理。
將軍澳線，西鐵線通車全部都有減班削線，
你一樣都係搵緊區內人找數，點解你接受到區內人被找數而區外人就唔得?

5仔咁疏車，又同5B 重疊，講到5仔咁重要咁，
5仔開廿分鐘一班，有幾多客特登等你啊?
唔好同我講話5B唔經大道中，你可以係電車路行去大道中那邊。

華富出中環，根本有4/4X，有多少客肯搭你M47 出去?
域多利道就更加好笑，近摩星嶺道那邊已經有新1仔加1P，
再唔係有43M轉5B，邊個話你聽出唔到銅鑼灣灣仔?

40 又係，個餅細左，支持唔到23/40/40M 咁多條線，
搵條收得平的取消左它有咩問題?
我都係問你，係咪無40 你就出唔到街?

如果運輸署出到李光耀呢類出色的政治人物，就唔駛攪到咁啦。
所以話你真係唔識貨，人地新加坡咁繁榮怨氣咁少都係多得佢，
香港有班人政府必反，比呢班人管到香港仲得了?
所以我都話，香港絕不可有真民主，如果唔係香港必定大亂。

我作為區外人講兩句...
其實成版入面，反對5取消既無幾多個
5系重組，大家主要係擔心取消完5之後會殃及池魚搞埋5B/10等路線

M47要搞
其實都唔係錯晒
問題係條43M個走線真係定得唔好
而去堅尼地城轉車唔夠去港大快
結果條線個定位越來越模糊，真係寧願留喺中上環算

眾版友最唔滿意既
係18系個重組竟然搵一條唔係做好多西區客既18去祭旗
條線西區客比重少過18P又多客過2/18X，成個重組都唔知意義喺邊
你如果咁支持政府做嘢
不如解釋下點解死既唔係18X唔係2而係18？

我唔知你突然提起民主體制有何目的
我淨係知道一個獨裁既政府係無需聆聽人民既聲音都可以獲得權力
變相政府想點就點
到時如果政府想突然取消968/8P/788/74X/B1，甚至決定唔起南港島線沙中線，你都無得反對