從西港島線通車對巴士的影響去分析南港島線

原帖由 jocosben 於 2015-5-6 19:56 發表
以前預測西港島線既時候都見到好多論調係好樂觀，覺得仲有得做，結果...
估唔到629呢條擺到明會係首當其衝既線都有人話唔使死

西港島線另一樣野係改變埋南區以西居民乘車模式

好似30X客量急插，小巴有54M/23M，新巴4載客率不跌反升而被保留

以前要去中上環先轉鐵，依家早一兩個站有得轉又避塞車，就算車費貴左少少都值

南港島線東段，除左東段服務範圍出事，香港仔都應該會被接駁服務搶去原有路線客源

係好似華貴田灣呢D係兩個鐵路站正中間，兩頭唔到岸先叫做有得守下，當然非繁都唔理想

樓上力保629既人係咪計漏左一樣野？首先班客要搭車去金鐘，先轉到629，我當你搭巴士過去都搭鐵過去比例係1:1，都已經無左一半客，另外我唔太認為海洋公園站出閘會貴D，話說現在香港主打內地遊客(唔知真定假啦)，內地兩個巴士站距離分分鐘仲遠都遠同香港兩個地鐵站既距離，內地人步行耐力亦都遠過香港人，Set貴D唔見得對港鐵有著數

本身系地底既，
金鐘轉多個站當然好正常。
但如果我本身系地面既呢，如果有人同我講，
有某某巴士“直達”鬧市遊客區，帶來既效果又系另一回事。

如果可以平日開171R，
宣傳一程到達尖沙咀酒店同商場，
如果我系OP玩到散曬，見到眼前有部巴士有位坐，
點都上左去涼冷氣先啦。

如果list out巴士同鐵路既優點，我相信支持城巴OP線（不論叫咩名）既大家應該比較容易理解：
巴士：有位坐，不用轉車，下車後直接到達目的地不用行路
鐵路：快捷穩定，價錢可能平D

所以固然大家都會認同，而家既629走線系無可能生存，
但如果將焦點放系九龍甚至更遠，巴士既特點可以更加明顯。
要不然就唔會有1R呢條線啦

原帖由 siusiupeople 於 2015-5-6 20:31 發表

43X/46X 霉成咁，點守?

要守梗係唔係呢兩條啦，70/72就合理D

72如果唔係華貴開，例如係香港仔開，早繁就算開6-9分，根本就唔會頂閘

依家朝早開6-9分情況下，華貴田灣坐爆座位，香港仔有企位，唔好彩就香港仔等多班

新70早上繁時所有班次加埋有廿幾班車，係好係壞到時先知

不過華貴25分1班70，去到田灣唔頂閘應該都會坐滿，尤其係以25分1班一口氣接晒43X/46X/70M既客
如果唔係香港仔唔想全部車變中途站開又驚上唔到車，原方案對華貴田灣先係合理補償

個人認為南區線總頂到幾年嘅，始終現加總有薄扶林，華富重建(即多咗人入去住),華貴，數碼港同田灣，因為如果你住嗰到唔通你總去轉地鐵咩？加上香隧塞係因為紅隧塞，而唔係本區嘅車過多，所以西隧回購減價後，紅隧自然會通，咁香隧自然都通，咁到時巴士未必比地鐵慢或慢好多，而且會有好人會有一種心態係若果地鐵開咗香隧就唔塞車，所以會好快，所以有一班客，總有，眾所周知地鐵得三相車，夠應付咩？而至於點解咁多優點我都認為會輸呢，因為已經計劃興建港島南線西段，到時又舒緩到東段，又server到薄扶林，所以收硬皮，不過去赤柱總有得玩，頂得住嘅，

原帖由 Henry02719 於 2015-5-6 21:09 發表
個人認為南區線總頂到幾年嘅，始終現加總有薄扶林，華富重建(即多咗人入去住),華貴，數碼港同田灣，因為如果你住嗰到唔通你總去轉地鐵咩？加上香隧塞係因為紅隧塞，而唔係本區嘅車過多，所以西隧回購減價後，紅隧自然會通，咁香隧自 ...

赤柱對外交通終究手影響會細，
我坐巴士出道香港仔，
唔通為快幾分鐘特燈轉車咩？
所以與其學某D人話73加班，
反而覺得6號或63呢D不受隧道影響既路線大有可為。

不過你看好西段，
我反而擔心出現更多不可C2既例子。