探討公用設施覆蓋「偏遠地方」的情況

原帖由 kitarolo 於 2015-6-8 09:23 發表
東龍島我可以肯定有中電的電網
因為有航空導航站,而且海底電纜由
大廟拉過去其實算係近。
...

遲左入嚟...

上周五和昨晚亞洲台重溫多年前的《區瑞強擁抱大自然》介紹東龍島,
冇講過島上冇電（如果好似蒲台島一樣冇電, 應該會特別提到）.

有一幕主持人去到一間由86歲婆婆主理的士多, 雪櫃上寫著請勿自取,
但只要擺低錢就可以拎, 而且想食乜嘢, 只要擺低錢就可以拎材料入去
廚房自己整, 水和電都不成問題, 燃料就應該係家用產品.

原帖由 dongfeng 於 2015-6-8 12:37 PM 發表
那麼橫瀾島燈塔的電源從何而來?

一段相當耐的時間之前﹐透過rthk screen app看港台舊節目﹐看到其中一集講燈塔。

不過﹐唔需要問我相關節目名及原節目播出的日期﹐因為我已經忘記了。
只係記得可能係「香港故事」﹐剛剛描過下可番看的清單﹐但似乎相關集數已經無得再番睇。



大既記得的節目內容﹐可能有記錯的 :

節目好似真係講橫瀾燈塔﹐以前香港所有燈塔都會派人長期駐守的﹐由海事處負責。
每次人員都會留守時間都係以星期計算﹐如果交更時天氣惡劣﹐便要留多一個更份。

交更時會同時補充物資去燈塔

燈塔的用電唔係想像中的多﹐主要係靠鏡面聚焦反射﹐令到光線可以去到好遠。

電力來源係島上發電機﹐每日指定時間由駐島的人員開動發電機以提供電力﹐燈塔便有電力作出照明。

橫瀾島的海事處職員除了負責燈塔運作外﹐仲要記錄進出香港的船隻資料 (好似係同收取港口服務費之類有關)




隨著科技進步﹐去到某年﹐政府把全港所有燈塔自動化﹐燈塔自動在指定時間 或 天陰(光度低)的情況下自動運作。
同一時間亦唔需要靠人手去記錄進出船隻資料﹐於是再不需要派人駐守燈塔。

改為自動化後﹐政府只會定期派人去不同的燈塔去檢查維修﹐如有需要便作出補給。
電力好似話引進太陽能儲電 + 發電機﹐總之成個運作已經係全自動。

分流、田夫仔有固網電話，即係起碼都有寬頻上網吧？

如果當地用戶要維修又要盛，工作人員咪有排行？

原帖由 Gary_B 於 2015-6-7 21:55 發表


蒲台無水無電 今晚無記新聞台有講


電 - 靠島上發電機
水 - 靠船運送 / 收集雨水


現時共有24條村無自來水供應

哈！原來島上居民都可以冷氣！  

其實，蒲台係咪剩係得碼頭附近有建築物？多唔多丁屋？多唔多土地係屬於私人（包括原居民）但係未發展的？

原帖由 beaconlim 於 2015-6-10 19:52 發表
分流、田夫仔有固網電話，即係起碼都有寬頻上網吧？

如果當地用戶要維修又要盛，工作人員咪有排行？

有冇寬頻上網答唔到朋友你, 但如果某供應商提供服務, 維修都一定係有排行
除咗行, 分流二澳就其實可以由大澳叫船 "車" 你過去, 據知有啲官府部門都係叫船去

原帖由 beaconlim 於 2015-6-10 19:56 發表

其實，蒲台係咪剩係得碼頭附近有建築物？多唔多丁屋？多唔多土地係屬於私人（包括原居民）但係未發展的？ ...

建築物方面可以咁講, 丁屋就唔清楚, 只知道蒲台村屬於南丫島南鄉事會範圍
島上係官地多於私家地

原帖由 beaconlim 於 2015-6-10 07:52 PM 發表
分流、田夫仔有固網電話，即係起碼都有寬頻上網吧？

如果當地用戶要維修又要盛，工作人員咪有排行？

有固網電話(獨市的一間)﹐都唔代表有所謂的寬頻上網的。

事關ADSL 或 VDSL 都有距離限制的﹐用戶及電訊公司設備位置距離不能過長的﹐而鄉村村屋分佈較散﹐好多時電訊公司會在村內找一個合適位置放設備﹐之後在此設備箱逐家拉電話線連接。

在其他討論區﹐已經有人表示過真係一屋之隔﹐一條後巷之隔﹐已經令到要涯ADSL 及有得升 VDSL 較高速上網的分別。當然亦有係連ADSL 都距離問題﹐又係差少少便是6M 及3M(距離較遠)﹐甚至訊號唔夠而不能提供服務的分別。



如果要維修﹐如果沒有車路直達﹐所有公用事業都係要行餐死才可維修啦。
唔通真係有叮噹隨意門咩。如果真係客戶位置出問題﹐這還好﹐點都有一些較快捷方法去到。如果係中間的線路問題﹐有時真係有排去check﹐這才攞命。
收得客戶的服務費﹐自然要提供相關服務。現實係電訊公司視這些地方為VIP客﹐收費真係貴一些的﹐反而水及電收費係無分別的。

[ 本帖最後由 kei_hk 於 2015-6-10 22:07 編輯 ]

原帖由 拾顓豭 於 2015-6-10 09:50 PM 發表


有冇寬頻上網答唔到朋友你, 但如果某供應商提供服務, 維修都一定係有排行
除咗行, 分流二澳就其實可以由大澳叫船 "車" 你過去, 據知有啲官府部門都係叫船去

講開維修﹐獨市電訊公司都已經外判﹐服務已經差左好多﹐隨時拖你幾日。

至於行路及其他交通工具﹐我可以講其實來來去去都係由幾位負責一個區域﹐一個區域有多條村。
基本上他們都熟悉區內所有鄉村﹐有什麼方法去到﹐同埋是否一定要靠行路。

如果要靠水路﹐他們亦知道有什麼方法 call 艇仔。

例如樓主問的深屈﹐沙螺灣﹐其實係可以唔靠行路的。深屈本身有車路﹐而東澳古道沙螺灣至深屈一段係全石屎路兼無樓梯的﹐係夠電單車行的(唔好想合法性問題﹐人跡罕見﹐只要不是假日﹐邊鬼個得閒捉你)



至於寬頻上網﹐自己上他們公司的網頁Check cover啦﹐入面資料好準確的。

三色台維修飛鵝山個發射站都係行山上去...除非運重型物品先有直昇機搭

另外,鳳凰徑有唔少好似附圖中嘅電話線掛在路邊
的樹上,當然未能求證是否已失效/臨時使用而棄置.

原帖由 kei_hk 於 2015-6-10 12:08 發表

一段相當耐的時間之前﹐透過rthk screen app看港台舊節目﹐看到其中一集講燈塔。

不過﹐唔需要問我相關節目名及原節目播出的日期﹐因為我已經忘記了。
只係記得可能係「香港故事」﹐剛剛描過下可番看的清單﹐但似乎相關集數已 ...

http://hk-ruins.blogspot.hk/2013/08/49.html#more

網址中有部分已廢棄的發電機和水箱設施

剛看到這頁, 補充一個 "離島" 的資料
滘西洲上的滘西村 *就是滘西洲golf 場那滘西洲, 近吊鐘洲那邊, 由golf 場行來需要1小時左右的路程(7km 左右的山路)
自我懂事的二十多年來,水下面詳述,電力是有的,
電視也有信號, 手機信號也不錯, 不過沒有4g, 3g 信號就一時時有,固網電話也有(原因都應該是golf 場)

未起golf 場時, 都已經有電力+固網電話的了, 不過... 究竟電/電話由何來, 村民也不知道......

其實是有抽水站把水由golf 場抽去村內的, 不過他們好像很少用, 多半是在用山水, 除非沒山水, 否則他們也少用自來水