【中長文分析】九巴已經趕上，甚至超越新城

但陰招加價受影響乘客數目少得多
就係得幾條線
九巴加價就幾乎所有獨營路線都受其影響
程度都差好遠吧

原帖由 neoplan720p 於 2015-6-4 11:45 發表
總結


[size=17.7777786254883px]講左咁多，我唔係叫人從以前既“保新城”，轉投“保九”既行列。
[size=17.7777786254883px]作為一個巴膠，我地係[size=17.7777786254883px]唔應該盲撐任何一間巴士公司。
[size=17.7777786254883px]相反，我地係應該用我地較為專業既知識，去思考、批判巴士公司既運作，甚至提出建議，最終讓市民得益。
[size=17.7777786254883px]而我要打咁大篇文，都只係想同一啲當年同我一樣，有[size=17.7777786254883px]“較支持[size=17.7777786254883px]新城、強烈[size=17.7777786254883px]反九”既朋友講：
[size=17.7777786254883px]“今時今日唔同左啦，你地要重新審視三間巴士公司既實際運作情況啦。”

九巴其實好多問題要改
人工
九巴車長/站長/站務助理人工太低,尢其係站務助理,只有$32.50/HR,其他[size=17.7777786254883px]新城有效50/HR,MTR $53/HR


[size=17.7777786254883px]訓練
[size=17.7777786254883px]九巴訓練得十八日,新城有30日





貼錢打工
每當九巴巴士發生意外，九巴會立刻派出一名稽查到場擔當臨時判官，當覺得係自已同事唔啱，稽查會游說同事自掏腰包賠錢私了，稽查更說此舉是兩全其美方法，一來省卻公司的保險賠償，二來保住司機避免扣分及因此而要停牌。

如果入大西北都局搭296A轉，始終九巴雖然貴，但比起每個月壞幾次既 西 鐵既票價仍然有一大距離。

上面有d人話我有問題睇唔到，咁其實撐九巴班人都有大把問題睇唔到遮。
收得貴本身就好自然應該做得更好。你買部Ben屎都expect佢抵玩過日本仔車啦，係咪先。
問題係九巴唔係因為塞車收車囉。我認同佢有改善，但相比佢既加幅，errr...
九巴配額你肯定用盡曬先好。

至於796s其實當地鐵通左之後佢基本上已經完成歷史任務，奈何運吉亦唔比佢接。老實講我自己都唔會搭。
如果我維護形象，咁上面班撐九巴撐到出面，唔加價就要感恩既人咪直情仲high過股東分錢？

都係果句，咁快就感恩，咁你繼續等年年加價。
話地區分拆唔使加價？會計佬幫你拆埋廣告部，然後再外判，然後又再做低公司既不動產估值，咁咪可以再加價囉，簡單直接，嘻嘻。加價唔多過1成，感恩啦。

當運吉目標好明顯係減少觀塘道同將軍澳隧道車流
唔俾摺796S?

至於點解唔用行政指令
最主要原因係之前取消692後
運吉自己又唔敢再搞將南

至於做數加價果part
你有冇實際證據證明今年,以及之後幾年會繼續加價先
淨係靠FF嘅話,我話城巴無咗629條大水喉就執笠都得㗎

原帖由 matthew20029 於 2015-6-7 04:25 發表
如果入大西北都局搭296A轉，始終九巴雖然貴，但比起每個月壞幾次既 西 鐵既票價仍然有一大距離。

上面有d人話我有問題睇唔到，咁其實撐九巴班人都有大把問題睇唔到遮。
收得貴本身就好自然應該做得更好。你買部Ben屎都exp ...

其實唔計港鐵加價

所有行業要加價，無錢賺既但求收支平衡，有錢賺就要做到某個profit margin/利潤回報率
收得貴就想要服務好，係人都想，但今時今日都唔太適用

其實學九巴賴天賴地，佢成日話加價都係話班區議員唔比佢重組
上一批管理層根本無反省下自己做左D咩服務出黎，收車脫班，邊個年代最多?咪又係何達文年代

何達文年代，服務差又嗌加價又賴區議員，個時巿民大眾不滿九巴都正常

不過隨時間轉變，如果九巴未來幾年都唔加價，而服務又正常一點，大家都會忘記九巴曾經係一間有幾差既公司

正如新創建依家做得差，以前做得好既時期，好多人都忘記得7788

原帖由 kay 於 2015-6-7 09:10 發表
其實唔計港鐵加價

所有行業要加價，無錢賺既但求收支平衡，有錢賺就要做到某個profit margin/利潤回報率
收得貴就想要服務好，係人都想，但今時今日都唔太適用

其實學九巴賴天賴地，佢成日話加價都係話班區議員唔比佢重組
上 ...

今時今日都唔太適用? 願聞其詳

九巴啲市區分段太貴，貴到趕晒客落地鐵

我肯定新巴自己非常想接囉，尤其縮短左去將軍澳站之後。
我意思係話 當佢未來4年都唔需要加價呢，我先會重新審視呢間公司
你記住，佢係一間公營機構，有利潤管制，如果唔係佢拆左roadshow出黎，又邊會赤字？

收得貴點樣唔要求服務好？ 唔通你要求人地平靚正，收得貴反而等食屎？咪玩啦。只係因為佢係狗巴，而每次又唔加多過一成，你又局住搭佢，先將呢種荒謬理論合法化遮。

至於你話新創建，其實自2002黏關則輝閃人之後服務品質一向都係咁上下，靠榨乾員工為皮。但乘客既角度，佢咁多年唔加價，近年仲反通脹，佢已經贏曬，係贏幾條街。
作為一個市民，日日局住要搭巴士地鐵(我人到30都未有私家車就認真可憐)，每程貴5毫子，一個月都已經三十蚊，一年就360。佢近年都唔只加過一次，都未計佢加幅大果幾條。

巴士係搭既，果d real time arrivals 或者色彩誘人既單張最多只可以話係optional services,有得揀我寧願你節省d錢，印返黑白，唔好搞咁多野，回饋乘客。唔係話你整唔得，但你唔好再加價囉。(其實應該減價)

普通打工仔心態。人地要為皮，我人工無加，點算先？

拿，如果佢4年內唔加價抵銷返通脹呢，我就會改觀啦。

原帖由 AD118 於 2015-6-7 10:05 發表


今時今日都唔太適用? 願聞其詳

唔計A車，加左價，派車咪又係差唔多，3+2同高地台都陸續淘汰，而好多線班次比以前仲少左

望下新創建，重組後加價既線，都只係跑高速慳返D時間，派車同班次往往同重組前差唔多
當然何謂更好服務，值得商榷

我反而覺得服務質素係重要過價錢
最重要條線係物有所值
如果唔會個個走去搭九巴1A/新巴23
其實大把替代路線平過佢哋

但你望下近年新城喺港島區啲重組
5X只係一條俾人當流水線搭嘅貴$1路線
我都無興趣再講北角上橋嘅18X
又或者43M
連原本有優勢嘅18P都走去影響原有乘客,上RDP嘅方案延長原有乘客車程近15分鐘

九巴重組都唔係完美㗎
我都知273A同70K兜到白痴
但係最少條270B 373A全日同最後終於聽翻意見嘅277E都係亮點

當然我好同意樓主話
就算我哋話邊間公司比較好都好
其實都應該繼續改善
九巴要留意翻重組嘅班次
(以我所知,E34系,277E,68X重組都有班次頂閘)
而新城我希望佢哋能夠喺行車時間方面重新檢討,將一啲長年過鐘過到脫晒班嘅路線加時

亦希望兩大巴士公司能盡快檢討過海線時段問題
減少私牌數目