98A 坑口北 - 德福花園

客量龐大的九巴將軍澳路線98A以班次飄忽見稱, 問題多年來未有解決, 循環線運作
加上從坑口開到觀塘經過陡峭山路和交通意外及塞車黑點, 班次失準情況從早到晚屢屢
出現, 苦了觀塘候車乘客, 亦加重巴士公司人員調度車輛維持班次的壓力.

為減少脫班機會, 建議路線延長至德福花園, 並以此為總站或定時點, 按時開出,
同時吸納德福廣場和觀塘海濱一帶新商廈的上班和消閒一族, 以及平日前往啟德跑道
公園和郵輪碼頭的市民, 方便轉駁小巴.

非轉乘優惠客量增加, 提供誘因予巴士公司額外投放資源到本線.

往德福花園途經原線至創紀之城後, 跟15A駛入勵業街及海濱道, 然後利用順業街.
偉業街及天橋駛上德福花園平台; 往坑口北則途經兆業街.偉業街.勵業街, 然後轉出
觀塘道返回原線.

往德福花園加設海濱道近勵業街及偉業街近順業街的巴士站, 往坑口北則會於偉業街近
順業街及勵業街加站.

此走線沒有深入九龍灣商貿區心臟地帶, 對使用297往返九龍灣的乘客而言毫無吸引力,
料延長98A至德福花園不會對297客量起不良影響.

另一方面, 直接途經觀塘海濱和德福廣場, 有可能減少使用轉乘優惠的人次, 令使用
優惠計劃的收入下降, 但若能夠有效減少脫班, 提供穩定而可以接受的班次予將軍澳.
秀茂坪及觀塘前往觀塘海濱上班和休憩的市民, 淡化轉乘優惠主線的角色, 換來增加
繳付全程收費的客量, 最終惠及觀塘候車往秀茂坪和將軍澳的乘客; 而簡化路線運作,
減少乘客與職員間之衝突和投訴, 也是大家樂見的.

歡迎討論

減少脫班係好,
但係德福條路仔頂唔頂到98A車來車往?

98A唔係好密架咋, 10分鐘一班做循環點頂得住嘅, 若果阻到5D, 5D可以在迴旋處遊吓再入番坑.

有一個問題
如果路線延長但無加車
其實即係減班

上下繁,尤其上繁,本身都唔係好頂得順
我驚越整越大鑊

原帖由 EX-TL 於 2015-6-17 00:47 發表 http://www.hkitalk.net/HKiTalk2/images/common/back.gif
98A唔係好密架咋, 10分鐘一班做循環點頂得住嘅, 若果阻到5D, 5D可以在迴旋處遊吓再入番坑.

下? 咁一直或不斷頂住既, 咁車長咪唔駛返總站休息?

德福個平台既shuttle bus同人流已經多到唔適合再隊巴士線落去
德福巴總細，儲唔到幾多車去穩定班次
再者，偉業街同勵業街可以係行車既黑洞，入左去有排出唔返泥

所以要九巴先承諾安排加車, 去吸納一班海濱及九龍灣的新客,
以維持現有班次後才延長路線.

德福總站的確細.

如情況許可, 往九龍方向繼續沿觀塘道行駛, 然後駛入康德道.
大業街.兆業街調頭出偉業街, 才利用勵業街轉出觀塘道原線,
循環點/總站設於常怡道天橋下, 對附近交通影響應屬輕微.

自延長至牛頭角站後, 已經肯定唔能夠縮番轉頭, 近牛頭角站
冇適當位置泊低部車, 雅麗道總站細, 而且必須入觀塘市中心,
延長到九龍灣商貿區內幾可肯定要加價, 對乘客和九巴而言,
絕非良策.

偉業街.勵業街塞車情況冇佐敦道咁嚴重, 全日冇幾多時間係
塞死左, 不然215X班次也會大亂(該線沿途有多個塞車熱點).

若大業街路況不容許巴士停靠, 似乎就只能維持現狀.

單係康德道都唔知轉唔轉到入去

[地圖L]
真係要搵個位泊街做總站既話
一係泊海濱道
行多既路段唔多就算塞都係塞多少少
[/地圖L]

康德道40/45呎櫃, 可轉到入去(但只限入三相貨運中心), 但 "超重" 車未必上到德福花園, 有15ton 車重限制
12米車可過兆業街(用貨車長度計算), 但可能要偷大位轉彎
建議用官塘道接駁橋直上德福花園, 車高沒問題, 可用回旋處離開

九龍灣區有位擺的總站
1. 牛頭角(淘大)巴士總站 (單坑)
2. 九龍灣企業廣場總站 (雙坑)
3. 德福花園總站 (雙坑)
4. 郵輪碼頭國際總站 (n排單坑, 單程路直線段)

[ 本帖最後由 expertuser2004 於 2015-6-28 19:03 編輯 ]