運輸署建議新增往來將軍澳與機場的巴士服務

其實忽發奇想
可唔可以將條A29P改一改定線?

就係改放調景嶺站/彩明
開車之後跟798到將軍澳廣場
迴旋處左轉直上怡心園
將南站位跟798

原帖由 castanopsis 於 2015-7-26 21:19 發表

用車數目問題
兜機場後勤區/東涌需時15分鐘，寶林上康盛7-8分鐘
參考A29本身有時間剩，E22B只係較A29用多一架車
同時E22A缩落康城、執將南走線，已經可以省一車
成個方案唔會俾A29拆線用得多車

走線問題
行山走，如果要服務秀順，最低限度都要跟290A行秀明道、利安道
參考290A個行車時間，寶林好明顯係A29走線快
當坑口寶林都係隧道快既時候，點解要行山走？秀順搭全日版E22P唔好？

客量問題
我唔認為拆線不能帶來客量增長
A29開咗之後，坑寶搭機場巴士的人數錄得顯著升幅，拆E線一樣可以有類似效果
而且唔好唔記得如果當時係咁拆，會多咗康翠、康城客，服務範圍比起原有E22A大
當然拆E線肯定無開A29咁好賺，現時要城巴放手亦不可能
但以居民，尤其係後勤區員工既角度而言，拆E會實用過拆A.

你要搞清楚一樣野，如果當時係 E22A 拆開兩條，寶林坑口就算真係坑口尾站行隧道更快都好，
都改變唔到行山一定快過 E22A 兜將南的事實（至少坑口唔會慢過），換言之行山已經達到減少行車時間的目的。

就算行隧道快，都只係進一步減少行車時間，但結果會係飛起左秀順彩雲廿萬人口。
但全程行車時間就唔見得有咩分別，換言之用同樣的成本，會做少廿萬潛在客源。

觀塘道又係咪需要三條 E 線相互重疊？

就算你話秀順俾 E22P 全日，咁可以開到咩班次？會唔會仲疏過條 hypothetical 的 E22B？
E22 而家非繁開 15 分一班，如果減到 20 分一班，每粒鐘最多都只係開到一班 E22P，
咁班次同 A29P 又有咩分別？但 E22P 又要兜後勤 15 分鐘，咁試問值唔值得等？

原帖由 castanopsis 於 2015-7-26 21:19 發表

可能我表達得唔清楚
我個方案裡面，E22P+E22B兩條全日線已經覆蓋成個山上
唔存在要「等埋將南」既狀況
我只係覺得等到將南、康城發展完之後可以再洗牌而已

E22非繁客量的確唔係好
但其實同樣既載客率，你一樣會喺其他城巴E線身上見得到
如果真係跟上面去拆線，E22非繁可以稍作減班，反正條線本身都密，減完都仲保得住20分鐘一班

唔好意思，你先前都係話 E22P 等待時機全日喎。

既然一條線已經可以做晒 E22B+E22P 的功能，又提供到合理行車時間，做咩又要拆兩條，倒錢落海？

大家應該要明白，巴士公司重組路線，如果計過數會令到自己倒蝕的話就一定 no way，
佢地一定係要在現實各種限制下，將利潤最大化，你應該將非繁嚴重虧蝕的 E 線拆到散晒有可能咩？

原帖由 656。HU3984 於 2015-7-27 01:55 發表
秀順遲左10年先有機場線，要解決都應該係用E22P全日而唔係一條將軍澳嘅E/A線去解決

依家點解係用A29P去解決係因為無論係用E22P定E22B全日或者逆走E22A上山都係會繼續蝕錢
因為將軍澳再加秀順根本上都仲唔夠客
所以城 ...

其實夠唔夠客就兩睇，因為咁多人口係需要一條機場線，
但睇返 E22 E22A 非繁客量，開 E 線係必蝕，而且非繁會蝕得好甘。
我坐過幾次 E22 中段係小巴客量（E22A 都係差唔多情況），以一架巴士一小時成本 $300 計，
非繁一單 E22 車費收入計埋出到九龍之後的流水客都唔會超過 $350，應該要蝕起碼 $150 - $200。

但又係咪話 E22 唔夠客開全日？Of course not.

事實上秀順多公屋住宅區，開 E 線係好過 A 線，但非繁後勤區上落人數根本好有限，反而搭飛機的人隨時仲多。
所以理論上只要返放工時間有合理 E 車，其他時間開 A 線，已經可以。

不過我想講的係，秀順開 A 線當然係 $$$ 的問題，
但點解條 A 線唔係寶林止步，而係入埋將南，就絕對係將南的問題。

原帖由 dennis28a 於 2015-7-27 02:46 發表


A29 勝在黃大仙再執多幾件，回程大半九龍灣、觀塘客直頭轉上 A29。
世上無話咩野回唔到本既。

我比較想知，A29 同將軍澳果幾條線 BBI 多唔多人用？ ...

我未聽過有將南人會返轉頭轉 A29，亦未聽過佢地上左 E22A 會去到黃大仙轉返 A29，
但西貢沿線既人係會落坑口轉 A29 的，但佢地唔會專登等 792M，
康盛翠林會落寶林轉 A29 既人亦唔少，但佢地一樣唔會專登等 E22A，而係搭九巴落去。

原帖由 S3BL100 於 2015-7-27 10:52 發表


你要搞清楚一樣野，如果當時係 E22A 拆開兩條，寶林坑口就算真係坑口尾站行隧道更快都好，
都改變唔到行山一定快過 E22A 兜將南的事實（至少坑口唔會慢過），換言之行山已經達到減少行車時間的目的。

就算行隧道快，都只係進一 ...

觀塘道問題
其實三條線可以做多少少分工
唔一定要跟現有模式
舉個例，如果E22A雙向停觀塘道飛鑽石山/黃大仙、E22B雙向飛觀塘道停鑽石山/黃大仙
已經令主幹道每一段都有平貴快慢選擇，並達致一定分工

E22P我又真係唔擔心唔夠客
觀塘山+藍田山+油塘人口龐大成咁
衰極都夠客30分鐘一班

而如果拆E22A之後，坑寶要兜秀順內街
總站開40分鐘都未上公路，其實只係重覆緊現時康翠個問題
只係兜路既由康翠變咗坑寶而已

咁我都知我個方案城巴唔會做
原因正正就係無得開A線搶錢，利潤未能最大化

但我又真係唔覺得E線咁唔好做
以每小時$300成本計
E22只需27個全費客就回本
E22A更只需21個全費客就收支平衡

非繁固然有班次要蝕錢，一架小巴客量（16人）既E22A，一班係蝕$116
但繁時E22A唔少班次都要企人頂閘，例如今日我搭黃昏既一班過東涌都企唔少人
我當架車有80人（已經好低估），一班已經賺到$1420，等同12班小巴客量E22A蝕既錢
E22A全日兩邊開64班車，只要有5班E22A有我上述個客量，就算所有其他班次都小巴客量，都已經唔使蝕錢
當然這個計算方法有少少理想化，$300一個鐘成本都未必做得到
但至少可見E線賺錢未必有想像中咁難

原帖由 castanopsis 於 2015-7-28 02:28 發表

觀塘道問題
其實三條線可以做多少少分工
唔一定要跟現有模式
舉個例，如果E22A雙向停觀塘道飛鑽石山/黃大仙、E22B雙向飛觀塘道停鑽石山/黃大仙
已經令主幹道每一段都有平貴快慢選擇，並達致一定分工

E22P我又真係唔擔心唔夠客
觀塘山+藍田山+油塘人口龐大成咁
衰極都夠客30分鐘一班



而如果拆E22A之後，坑寶要兜秀順內街
總站開40分鐘都未上公路，其實只係重覆緊現時康翠個問題
只係兜路既由康翠變咗坑寶而已

咁我都知我個方案城巴唔會做
原因正正就係無得開A線搶錢，利潤未能最大化

但我又真係唔覺得E線咁唔好做
以每小時$300成本計
E22只需27個全費客就回本
E22A更只需21個全費客就收支平衡

你根本計錯數，每小時 $300 成本計，E22A 一單連休兩粒鐘，要 25 個全費客先可以回本。
唔好以為 25 同 21 個客差唔多，事實係差四個全費客，車費收入已經差 $96，以一單成本 $600 計，蝕錢率係幾高。
再乘返一日幾單，一個月三十日，真係好襟計。

其他線就話差四五個客都可能係差廿幾二十蚊，但 E 線郁下十幾廿幾蚊，完全唔同講法囉。

同埋你都係無解決過最基本問題，就係憑咩要城巴將堆非繁蝕錢的 E 線走去拆散晒蝕得仲甘。
事實係你將 E22A 夾硬拆兩條，仲要另外搵多條線做山上而唔係用 E22A/B 其中一條去做，
要額外用多至少十部車，唔係兩三架，而係十架！車從何來？又可以從天而降？
每部車一日成本 $5000，十部車就五萬銀，你邊度可以搵到 2500 個全費客返來？

新客最多只係得寶林坑口一班本來搭鐵的乘客，情況同你口中 A29 搵新客差唔多，
但 A29 只係出多三部車，位位 $42，而 E 線拆到散晒要十部車，每位只係收 $24。

A29 又搵唔搵到 2500 個新客出來？

仲有山上人口多，係應該要有全日機場線，但實情係山上班客全部都落山轉 E22/E22A/A22/A29，
換言之無新客。當 E22（同E22A） 已經做晒差唔多成個觀塘山下加山上潛在客源，
仲有東涌去觀塘商貿區，非繁都可以小巴客量，E22P 全日的結果又會係點？
客量會好過 E22？E22 客量又可以維持返，唔會下跌？
如果有山上 A 線客因為有 E22P 直達改搭 E22P 而唔再轉車，又唔會倒蝕？

你將一切都太理想化，淨係以為拆線必然可以搵到新客，而唔諗下可行性，唔諗下要倒幾多部車落去倒蝕幾多，
唔宏觀睇下拆到咁散對現有路線有咩影響，城巴如果搵你做重組，睇怕應該年年蝕錢加價。

相信要到安達臣新區今年年底入伙後，才有所謂的「新客源」。

今次城巴計劃開辦A29P，其實真正的目的係想在安達臣發展區周邊「插旗」，
以便新創建有更大本錢投得公開招標的4條安達臣發展區新巴士路線。
首個落成的公屋安達邨將會有11座公屋，人口約2萬多人，
相信該區都有一定往返機場的需求。

話時話，安達臣果幾條巴士線幾時先開始招標，點解到而家都未有聲氣?

原帖由 ahwo1933 於 2015-7-28 14:53 發表
話時話，安達臣果幾條巴士線幾時先開始招標，點解到而家都未有聲氣?

據知至今都未招標。（擔心無法趕及安達邨年底入伙前搞掂）

回正題，今次區議會通過方案（E22A改線除外），是否意味很快會開線？
機場管理局是否得悉今次機場路線服務提升建議？

（好似聽聞開機場線的最終話事權是機場管理局，而非運輸署）