大雨駕駛

頭先有事入o左一轉大埔，行到吐露港時，大雨到水撥開最大都睇唔到前面，最多只係睇到一支街燈o既距離，左右倒後鏡就更加唔使睇﹗我自己就一路行中線，長著死火燈，定速 60 km/h 行全程。眼見有唔少司機都係以呢個車速行駛，同樣都係打晒死火燈﹗

唔知大家大雨行車有D乜o既心得呢？﹗歡迎討論﹗

另外，唔知大家架車水撥水同洗車身時會唔會落D油膜防水o既呢？我自己就係用 Soft 99 軟蠟，可以扇水o既，而水撥水就用一隻1︰3 o既日本油膜，但呢隻水撥水o既效果就麻麻地~

我就通常開50-60，不過只會在落斜才長開死火燈。
(以前出將隧返將軍澳落雨既指定動作)

大雨駕駛，小心路旁水窪會令架車搶呔，所以務必要握緊呔盤。

若然雨點打落後鏡令視野不清，不妨入油站廁所，借d洗手液抹落塊鏡上面，
車程唔長的話，都頂得下既。

在下只有三年不足既駕駛經驗，都係留返俾各路高人講啦。

Actually, I remember someone told me that the EU/ Asia spec cars has slower wiper speed, then those in US, I remember, I was once driving through Monsoon storm in FL once, and the US wiper seems working fine..

另外行公路車速不要高於 60km/h , 再者如果真係認真大雨都快不了.
死火燈其實不需長開, 除非大雨得望不到前後車.
渣棍波的就維持中低波行車, 提高引擎轉數, 亦要避免死氣喉入水.
盡量避免車旁有大車, 大車濺起的水打落自己車頭擋風玻璃, 乜都睇唔到.

又諗起新牌時趣事一單...

果陣楂射厘落豪雨, 冷氣行行下無左, 開小小窗但架車又無雨檔, 雨水入晒黎, 都唔緊要,
然後 D 玻璃越來越多霧, 都算, 拎下個冷氣制睇下得唔得, 拎左去暖氣, 好快前後左右玻璃
蒙晒, 但因為在觀塘繞道, 唔停得車, 好狼狽, 好驚險....

之後我才明白, 冷氣唔係大熱天時先有用, 落雨時都好有用的...

原帖由 hanvas 於 2006-5-3 07:22 發表
另外行公路車速不要高於 60km/h , 再者如果真係認真大雨都快不了.
死火燈其實不需長開, 除非大雨得望不到前後車.
渣棍波的就維持中低波行車, 提高引擎轉數, 亦要避免死氣喉入水.
盡量避免車旁有大車, 大車濺起 ...

早幾日在機隧橋大塞車落大雨我在快線, 對面線快線有積水, 一有大車行過就好似水翼船咁,
睇住一個個浪向自己檔風玻璃打埋黎, 同埋好在 D 水沒有太多沙石, 唔係就弊啦...

原帖由 arhang2001 於 2006-5-3 00:53 發表
大雨駕駛，小心路旁水窪會令架車搶呔，所以務必要握緊呔盤。

的確係﹗平時落毛毛雨都唔覺，她似噚日咁大雨，架車一過水，架車落水果條軑就好似啜實o左咁，又搶軑﹗結果噚日渣到返屋企泊好車，隻手地…因為要用力渣實堂軑﹗

我都是打死火燈，開 50，不過我在可以的情況下，一定會行慢線。因為這樣
會少了一邊的車要看。因為鏡也看不見了，相對地會更加危險。如果有巴士
在前面，以低速死跟，都會好架。因為有大車引路，而巴士又有鎖車，快也
不會快到一個什麼程度，所以易跟。而軚的話，一定要緊。還有，一定會打
死火燈。因為在高速公路上，以吐露港來說，一般最低速都要 60 公里，才符
合駕駛慣例。

原帖由 cx838 於 2006-5-3 15:40 發表
我都是打死火燈，開 50，不過我在可以的情況下，一定會行慢線。因為這樣
會少了一邊的車要看。因為鏡也看不見了，相對地會更加危險。如果有巴士
在前面，以低速死跟，都會好架。因為有大車引路，而巴士又有鎖車，快也
不會快到一個什麼程度，所以易跟。而的話，一定要緊。還有，一定會打
死火燈。因為在高速公路上，以吐露港來說，一般最低速都要 60 公里，才符
合駕駛慣例。

其實我起初都係行慢線，但係因為其中有一段路肩部份收窄，慢線同路旁壆位距離少o左，我怕睇唔到撞埋去所以先出中線﹗回程時係紅雨，我o係元洲仔段都係跟巴士行，但係佢車尾亂流太勁，D雨亂飛，完全睇唔到佢車尾﹗所以最後都係爬o左佢頭跟返其他私家車行~

＊睇o黎大家都係死火燈黨~